ຕາມຂ່າວ cri:ວັນທີ 2 ມິຖຸນານີ້, ທ່ານຢູກີໂອະ ຮາໂຕະຢາມາ ນາຍົກລັດຖະມົນຕີຍີ່ປຸ່ນໄດ້ປະກາດລາອອກຈາກຕຳແຫນ່ງຍ້ອນການຍ້າຍຖານທັບຟູເຕັນມາຂອງອາເມລິກາທີ່ປະຈຳຍີ່ປຸ່ນແລະພັກສັງຄົມປະຊາທິປະໄຕຖອນອອກຈາກພັກຮ່ວມ່ລັດຖະບານ.ມື້ດຽວກັນ, ພັກປິະຊາທິປະໄຕຍີ່ປຸ່ນໄດ້ຈັດກອງປະຊຸມຄະນະກຳມະການປະຈຳ,ຕົກລົງຈະຈັດກອງປະຊຸມສະມາຊິກສະພາຕ່ຳແລະສະພາສູງໃນວັນທີ 4 ມິຖຸນານີ້,ເພື່ອເລືອກຕັ້ງປະທານພັກ,ເມື່ອໄດ້ຮັບການອະນຸມັດຈາກລັດຖະສະພາແລ້ວ,ປະທານພັກຜູ່ໃຫມ່ຈະດຳລົງຕຳແຫນ່ງນາຍົກລັດຖະມົນຕີຍີ່ປຸ່ນຄົນໃຫມ່,ແລະຈະປະກອບລັດຖະບານໃນວັນທີ 7 ມິຖຸນານີ້. ແມ່ນໃຜຈະເປັນຜູ່ສືບທອດຕຳແຫນ່ງນາຍົກລັດຖະມົນຕີຄົນຕໍ່ໄປໃນເວທີການເມືອງຂອງຍີ່ປຸ່ນ?ນາຍົກລັດຖະມົນຕີຜູ່ໃຫມ່ຈະປະເຊີນກັບສະພາບການຫຍັງແດ່?ສອງບັນຫານີ້ເຮັດໃຫ້ພາຍໃນແລະນອກປະເທດຍີ່ປຸ່ນສົນໃຈທີ່ສຸດ.
ປັດຈຸບັນ, ຜູ່ທີ່ມີຫວັງສູງທີ່ສຸດທີ່ຈະດຳລົງຕຳແຫນ່ງນາຍົກລັດຖະມົນຕີ ຜູ່ໃຫມ່ນັ້ນແມ່ນທ່ານນາໂອໂຕະ ກັນ,ທີ່ເປັນຮອງນາຍົກລັດຖະມົນຕີປະຈຸບັນທັງເປັນລັດຖະມົນຕີວ່າການກະຊວງການເງິນຍີ່ປຸ່ນ.ຕອນບ່າຍວັນທີ 2 ມິຖຸນານີ້, ທ່ານນາໂອໂຕ ກັນໄດ້ຫາລືກັບທ່ານຢູຄິໂອ ຮາໂຕະຢາມາ ຢູ່ສຳນັກງານນາຍົກລັດຖະມົນຕີ,ທ່ານນາໂອໂຕະກັນໄດ້ກ່າວຢ່າງຈະແຈ້ງວ່າຈະເຂົ້າຮ່ວມການແຂ່ງຂັນເລືອກຕັ້ງປະທານພັກປະຊາທິປະໄຕ,ທ່ານຢູຄີໂອຮາໂຕຢາມາກໍ່ສະຫນັບສະຫນູນທ່ານ.
ທ່ານນາໂອໂຕະກັນປີນີ້ອາຍຸ 63 ປີ,ປີ 1980,ທ່ານໄດ້ຮັບເລືອກຕັ້ງເປັນສະມາຊິກສະພາຕ່ຳ,ເຊິ່ງເປັນຈຸດເລີ່ມຕົ້ນຊີວິດທາງການເມືອງຂອງທ່ານເອງ.
ໃນປີ1996,ທ່ານນາໂອໂຕະ ກັນຖືກແຕ່ງຕັ້ງເປັນລັດຖະມົນຕີວ່າການກະຊວງສາທາລະ ນະສຸກໃນລັດຖະບານຊຸດນັ້ນ.ພາຍຫຼັງຂຶ້ນຮັບຕຳແໜ່ງແລ້ວ,ທ່ານໄດ້ປ່ຽນແປງການກະ ທຳທີ່ພວກເຈົ້າໜ້າທີ່ມັກປົກປິດຄວາມບໍ່ດີຂອງກັນແລະກັນນັ້ນ,ເມື່ອສຳຫຼວດແລ້ວໄດ້ເປີດເຜີຍເນື້ອໃນຂອງບົດລາຍງານເບື້ອງຕົ້ນກ່ຽວກັບກະຊວງສາທາລະນະສຸກໄດ້ປິດບັງກ່ຽວກັບເລືອດທີ່ມີເຊື້ອພະຍາດເອດນັ້ນມາເປັນເວລາຍາວນານ.ກ່ຽວກັບເລື່ອງນີ້,ລັດຖະບານໄດ້ຍອມຮັບຂໍ້ບົກຜ່ອງດ້ານການບໍລິຫານ,ແລະໃຊ້ທົດແທນຕໍ່ຜູ່ຕິດພະຍາດແລະ ຄອບຄົວຂອງຜູ່ເສຍຊີວິດ.ດ້ວຍເຫດນີ້,ທ່ານນາໂອໂຕະ ກັນໄດ້ກາຍເປັນຕົວແທນຜູ່ໜຶ່ງຂອງນັກການເມືອງຕ້ານອາດຍາສິດໃນວົງການການເມືອງຂອງຍີ່ປຸ່ນ,ເຊິ່ງໄດ້ຮັບການສະໜັບສະໜູນຫຼາຍທີ່ສຸດຈາກປະຊາຊົນ.ໃນເດືອນກັນຍາປີ1996,ທ່ານໄດ້ຖອນຕົວອອກຈາກພັກ ຊິນໂທະ-ຊາຄິກາເຕະທີ່ຮ່ວມຕັ້ງລັດຖະບານກັບພັກເສລີປະຊາທິປະໄຕໃນເວລານັ້ນ,ແລະສ້າງຕັ້ງພັກປະຊາທິປະໄຕເກົ່າກັບທ່ານໂຢກີໂອະ ຮາໂຕຢາມະ,ແລະເປັນຫົວໜ້າພັກຮ່ວມ ກັບທ່ານໂຢກີໂອະ ຮາໂຕຢາມະ.ພາຍຫຼັງພັກປະຊາທິປະໄຕປະຈຸບັນສ້າງຕັ້ງຂຶ້ນໃນປີ 1998ແລ້ວ,ທ່ານນາໂອໂຕະ ກັນໄດ້ດຳລົງຕຳແໜ່ງຫົວໜ້າພັກຜູ່ທຳອິດ.ສັງເກດຈາກປະສົບການດ້ານການເມືອງຢ່າງຫຼວງຫຼາຍຂອງທ່ານນາໂອໂຕະ ກັນແລ້ວ,ທ່ານໄດ້ກາຍເປັນຜູ່ສະໝັກຮັບເລືອກຕັ້ງເປັນຫົວໜ້າພັກຜູ່ໃໝ່ແມ່ນເລື່ອງທີ່ສົມເຫດສົມຜົນ.
ຫາງສຽງໃນຍີ່ປຸ່ນເຫັນວ່າ,ນອກຈາກທ່ານນາໂອໂຕະ ກັນແລ້ວ,ຍັງມີທ່ານມາເອຮາຣາ ເຊອີຈິ,ລັດຖະມົນຕີວ່າການກະຊວງທີ່ດິນແລະຄົມມະນາຄົມ,ແລະທ່ານໂອກາດະ ກັດຊູຢາ,ລັດຖະມົນຕີວ່າການກະຊວງການຕ່າງປະເທດແມ່ນຜູ່ທີ່ມີຄວາມສາມາດເຂົ້າຮ່ວມການແຂ່ງຂັນເລືອກຕັ້ງຫົວໜ້າພັກ.ແຕ່ນັກວິເຄາະເຫັນວ່າ,ສອງທ່ານນີ້ບໍ່ມີທ່າແຮງແຂ່ງ ຂັນປານໃດ,ມີກຳລັງອ່າວອ່ອນແອໃນການແຂ່ງຂັນ.ທີ່ຈິງແລ້ວ,ໃນວັນທີ2ມິຖຸນານີ້,ທ່ານມາເອຮາຣາ ເຊອີຈິໄດ້ກ່າວວ່າ,ດຽວນີ້ບໍ່ມີແຜນການທີ່ຈະເຂົ້າຮ່ວມການແຂ່ງຂັນເລືອກຕັ້ງເປັນຫົວໜ້າພັກ,ສ່ວນທ່ານໂອກາດະ ກັດຊູຢະກໍ່ບໍ່ມີທ່າທີທີ່ກະຕືລືລົ້ນພໍເທົ່າໃດ,ແລະບໍ່ມັກເວົ້າເຖິງເລື່ອງນີ້.
ທີ່ຈິງແລ້ວ, ບໍ່ວ່າຫົວໜ້າພັກຈະແມ່ນໃຜກໍຕາມ,ນາຍົກລັດຖະມົນຕີຍີ່ປຸ່ນຜູ້ໃໝ່ກໍ່ຈະເປັນ"ມັນດ້າງດາດມື"ບັນຫາທີ່ຕ້ອງປະເຊີນນັ້ນຫຼວງຫຼາຍທີ່ສຸດ. ກ່ອນອື່ນໝົດແມ່ນເຮັດແນວໃດຈະເຮັດໃຫ້ຜູ້ມີສິດເລືອກຕັ້ງສະໜັບສະໜູນພັກປະຊາທິປະໄຕຄືນໃໝ່, ນີ້ແມ່ນວຽກງານດ່ວນທີ່ສຸດ. ອັນທີ່ສອງແມ່ນເຮັດແນວໃດຈະພົ້ນອອກຈາກ"ສອງອຳນາດ" ຄືບັນຫາໃຫຍ່ທີ່ນາຍົກລັດຖະມົນຕີຜູ້ໃໝ່ຈະປະເຊີນ. ຫາງສຽງເຫັນວ່າເຖິງວ່າທ່ານໂອຊາວາ ອີຊິໂຣ, ເລຂາທິການຂອງພັກປະຊາທິປະໄຕຍີ່ປຸ່ນກໍຂໍລາອອກຈາກຕຳແໜ່ງ, ແຕ່ວ່າອິດທິພົນຂອງທ່ານພາຍໃນພັກປະຊາທິປະໄຕຈະບໍ່ໄດ້ຮັບຜົນກະທົບພໍເທົ່າໃດ. ແຕ່ສຳລັບນາຍົກລັດຖະມົນຕີຜູ້ໃໝ່ແລ້ວ, ແກ້ໄຂການພົວພັນລະຫວ່າງລັດຖະບານກັບພັກການເມືອງກໍ່ແມ່ນບັນຫາໜຶ່ງທີ່ຍາກຫຼາຍ.
ອັນທີສາມ, ເຖິງວ່າຍີ່ປຸ່ນແລະອາເມລິກາໄດ້ເຊັນສັນຍາກ່ຽວກັບບັນຫາຖານທັບຟູເຕັນມາ, ແຕ່ສຽງຄັດຄ້ານຂອງໂອກີນາວາຍັງບໍ່ໄດ້ຫຼຸດລົງເລີຍ, ເຮັດແນວໃດຈະປະຕິບັດສັນຍາລະຫວ່າງຍີ່ປຸ່ນກັບອາເມລິກາກໍແມ່ນບັນຫາຍາກ.
ນອກນີ້, ການເລືອກຕັ້ງສະພາສູງຂອງຍີ່ປຸ່ນຈະຈັດຂຶ້ນໃນເດືອນກໍລະກົດປີນີ້, ການເລືອກຕັ້ງເທື່ອນີ້ຈະຕົກລົງວ່າພັກປະຊາທິປະໄຕຍີ່ປຸ່ນທີ່ຈະບໍລິຫານປະເທດໃນ 3 ປີຕໍ່ໜ້າຈະໄດ້ຮັບທີ່ນັ່ງສ່ວນຫຼາຍຫຼືບໍ່, ແລ້ວຈະສາມາດຕົກລົງອຳນາດການປົກຄອງຂອງເຂົາຈະນດຳເນີນການປະຕິຮູບໄປດ້ວຍດີຫຼືບໍ່, ນອກນີ້ບັນຫາການເງິນທີ່ເກີດຂຶ້ນຍ້ອນ"ນະໂຍບາຍທົດແທນເດັກນ້ອຍ"ຂອງທ່ານຮາໂຕຢາມາ ກໍແມ່ນການທົດສອບອັນໜັກໜ່ວງຕໍ່ນາຍົກລັດຖະມົນຕີຜູ້ໃໝ່.
