ກອງປະຊຸມອາຊີຕາເວັນອອກຂອງເວທີປຶກສາຫາລືເສດຖະກິດໂລກຮຽກຮ້ອງໃຫ້ຍົກສູງບົດບາດນຳພາຂອງເສດຖະກິດອາຊີ
(GMT+08:00) 2010-06-07 16:23:27 cri
ຕາມຂ່າວCRI: ແຕ່ວັນທີ6ຫາວັນທີ7ມິຖຸນານີ້,ກອງປະຊຸມອາຊີຕາເວັນອອກຂອງເວທີປຶກ ສາຫາລືເສດຖະກິດໂລກໄດ້ຈັດຂຶ້ນຢູ່ເມືອງໂຮຈີມິນຂອງຫວຽດນາມ.ໃນກອງປະຊຸມເຈົ້າ ໜ້າທີ່ລັດຖະບານ,ບຸກຄົນສຳຄັນຂອງວົງການອຸດສາຫະກຳການຄ້າແລະຜູ່ຊ່ຽວຊານນັກວິຊາການ400ກວ່າທ່ານທີ່ມາຈາກປະມານ50ອົງກອນເສດຖະກິດຂອງໂລກໄດ້ຫາລືຫົວຂໍ້ທີ່ວ່າ"ພິຈາລະນາຄືນໃໝ່ກ່ຽວກັບບົດບາດນຳພາຂອງອາຊີ".ຜູ່ຮ່ວມປະຊຸມຮຽກຮ້ອງໃຫ້ ຍົກບົດບາດນຳພາຂອງອາຊີໃນເສດຖະກິດທົ່ວໂລກໃຫ້ສູງຂຶ້ນຕື່ມອີກ.
ທ່ານບົວສອນ ບຸບຜາວັນ,ນາຍົກລັດຖະມົນຕີລາວ,ທ່ານຫງວຽນເຕິນຢຸງ,ນາຍົກລັດຖະມົນຕີຫວຽດນາມ,ທ່ານຮຸນແຊນ,ນາຍົກລັດຖະມົນຕີກຳປູເຈຍ,ທ່ານເທນເຊນ,ນາຍົກລັດຖະມົນຕີມຽນມາ,ແລະນາງວາງຈື້ເຈິ່ນ,ຮອງປະທານສະພາປຶກສາການເມືອງແຫ່ງຊາດຈີນໄດ້ເຂົ້າຮ່ວມພິທີໄຂກອງປະຊຸມທີ່ຈັດຂຶ້ນໃນວັນທີ6ມິຖຸນານີ້ແລະກ່າວຄຳປາໄສ.ທ່ານຄຣາວສ໌ ຊະວັບ,ຜູ່ລິເລີ່ມເວທີປຶກສາຫາລືເສດຖະກິດໂລກ,ໄດ້ເປັນປະທານກອງປະຊຸມແລະເປັນພິທີກອນຂອງພິທີໄຂກອງປະຊຸມ.
ໃນເວລາກ່າວຄຳປາໄສ,ທ່ານບົວສອນ ບຸບຜາວັນກ່າວວ່າ,ຫຼາຍປະເທດຂອງອາຊີໄດ້ຮັບ ບົດຮຽນຈາກວິກິດການການເງິນອາຊີໃນປີ1997,ແລະແຕ່ນັ້ນເປັນຕົ້ນມາໄດ້ເລີ່ມເດີນຕາມເສັ້ນທາງພັດທະນາແບບຍືນຍົງ.ທ່ານສະແດງຄວາມເຊື່ອໝັ້ນວ່າ,ຜ່ານຄວາມພະຍາຍາມຂອງປະເທດຕ່າງໆແລະການຮ່ວມມືໃນພາກພື້ນແຫ່ງນີ້,ອາຊີຈະສາມາດບັນລຸເປົ້າ ໝາຍທີ່ຮັກສາໃຫ້ເສດຖະກິດເຕີບໂຕແລະບັນລຸເປົ້າໝາຍພັດທະນາແບບຍືນຍົງ.
ທ່ານຫງຽນເຕິນຢຸງຊີ້ອອກວ່າ, ພາຍຫລັງເກີດວິກິດການການເງິນສາ ກົນແລ້ວ,ຄວາມດຸ່ນດຽງກັນຂອງກຳລັງເສດຖະກິດທົ່ວໂລກໄດ້ມີການປ່ຽນແປງ,ອາຊີຕາເວັນອອກໄດ້ກາຍເປັນກຳລັງສຳຄັນທີ່ຊຸກຍູ້ໃຫ້ເສດຖະກິດໂລກຟື້ນຕົວ.ທ່ານກ່າວວ່າ, ຫົວຂໍ້ຂອງກອງປະຊຸມເທື່ອນີ້ເຫມາະສົມທີ່ສຸດ,ບົດບາດຂອງອາຊີຕາເວັນອອກໃນປະຊາຄົມໂລກຄວນຖືກພິຈາລະນາຄືນໃຫມ່,ອາຊີຕາເວັນອອກຍິນດີເສີມຂະຫຍາຍບົດບາດທີ່ດີໃນການສ້າງລະບຽບສາກົນແບບໃຫມ່ທີ່ມີປະສິດທິຜົນສູງແລະມີປະຊາທິປະໄຕຫລາຍກວ່າເກົ່າ.
ບົດລາຍງານການສຳຫລວດທີ່ກຳມາທິການເສດຖະກິດສັງຄົມອາຊີປາຊີຟິກຫລືແອັສແຄັບຂອງສະຫະປະຊາຊາດເຜີຍແຜ່ໃນເດືອນແລ້ວນີ້ກ່າວວ່າ, ຍ້ອນອົງກອນເສດຖະກິດທີ່ສຳຄັນຢູ່ເຂດອາຊີໄດ້ໃຊ້ແຜນການຕຸ້ນການເງິນ,ສະນັ້ນ,ເຖິງຈະແມ່ນໃນໄລຍະທີ່ວິກິດການການເງິນຮ້າຍແຮງທີ່ສຸດ,ເຂດອາຊີກໍ່ຍັງແມ່ນເຂດຫນຶ່ງທີ່ເສດຖະກິດພັດທະນາໄວກວ່າກມູ່ໃນໂລກ.ໃນເວລາປະກອບຄຳຄິດຄຳເຫັນ,ທ່ານຮຸນແຊນໄດ້ສຳເຫນີຄຳເຕືອນອອກ.ທ່ານເຫັນວ່າ,ມາດຕະການກະຕຸ້ນການເງິນຂອງບັນດາປະເທດອາຊີ ຄວນລະວັງຢ່າເຊົາໃຊ້ໃນໂອກາດທີ່ຜິດພາດ,ເພາະວ່າ, ມາຮອດປັດຈຸບັນ, ການລົງທຶນຂອງປະຊາຊົນຍັງບໍ່ທັນກາຍເປັນກຳລັງສຳຄັນທີ່ຊຸກຍູ້ໃຫ້ເສດຖະກິດເຕີບໂຕ,ປະຊາຊົນຜູ່ທຸກຍາກຍັງບໍ່ທັນກ້າວອອກຈາກຄວາມຫຍຸ້ງຍາກ.ທ່ານຍັງກ່າວວ່າ, ການພົ້ນເດັ່ນຂຶ້ນຂອງຈີນແລະອິນເດຍບໍ່ຄວນ ຖືເປັນການຂົ່ມຂູ່ອັນຂ້ຽວຂາດທີ່ກະທົບເຖິງການແຂ່ງຂັນຂອງປະເທດອື່ນໆໃນອາຊີ.
ໃນເວລາກ່າວຄຳປາໄສນາງຫວາງຈື້ເຈີນຊີ້ອອກວ່າ, ໂດຍປະເຊີນກັບການກະທົບຂອງວິກິດການການເງິນສາກົນ, ຈີນໄດ້ປະຕິບັດແລະປັບປຸງແຜນການແລະມາດຕະການຕ່າງໆຮັບມືກັບວິກິດການຢ່າງຮອບດ້ານ, ປະກອບສ່ວນຂອງຕົນເພື່ອຊຸກຍູ້ເສດຖະກິດອາຊີໃຫ້ພັດທະນາແລະຮັກສາເສດຖະກິດໂລກໃຫ້ໝັ້ນທ່ຽງ. ນາງກ່າວເນັ້ນວ່າ, ຈີນຈະສືບຕໍ່ສະໜັບສະໜູນພາກພື້ນອາຊີໃຫ້ເຊື່ອມໂຍງເຂົ້າກັນຢ່າງເດັດດ່ຽວ, ຕັ້ງໜ້າຊຸກຍູ້ໃຫ້ອາຊີ ກົມກຽວກັນແລະຈະເລີນຮຸ່ງເຮືອງ.
ຕາມການຄາດຄະເນຂອງແອັສແຄັບ, ປີ 2010 ເສດຖະກິດຈີນຈະເຕີບໂຕ 9,5%, ນີ້ຕົ້ນຕໍແມ່ນຍ້ອນໄດ້ຮັບຜົນຈາກແຜນການກະຕຸ້ນເສດຖະກິດຂອງຈີນ. ພ້ອມກັນນັ້ນ, ການເຕີບໂຕຂອງເສດຖະກິດຈີນຈະຊຸກຍູ້ໃຫ້ເສດະກິດອາຊີທັງໝົດຟື້ນຕົວຄືນໃໝ່..
ຕາມວາລະປະຊຸມຂອງກອງປະຊຸມອາຊີຕາເວັນອອກຂອງເວທີປຶກສາຫາລືເສດຖກະດໂລກຄັ້ງທີ 19, ຜູ້ເຂົ້າຮ່ວມປະຊຸມຈະພິຈາລະນາບົດບາດຂອງອາຊີໃນເສດຖະກິດໂລກໂດຍຜ່ານການປຶກສາຫາລືຫົວຂໍ້ຕ່າງໆແລະການແລກປ່ຽນກັນ, ປຶກສາຫາລືບົດບາດຂອງອາຊີໃນເສດຖະກິດທົ່ວໂລກຫາລືອາຊີຈະເປັນຕົວສະແດງທີ່ສຳຄັນກວ່າເກົ່າແນວໃດໃນຂະບວນວິວັດເຊື່ອມໂຍງເປັນເອກະພາບກັນ, ຍົກສູງຄວາມສາມາດຕ້ານຄວາມສ່ຽງໃນຕ້ານການເງິນຂອງອາຊີຕາເວັນອອກ, ຊຸກຍູ້ການຮ່ວມມືລະຫວ່າງອະນຸພາກພື້ນແມ່ນ້ຳຂອງແລະບັນລຸເສດຖະກິດເຕີບໂຕແບບຍືນຍົງ.
