ວັນທີ8 ມິຖຸນານີ້,ຫ້ອງການຖະແຫຼງຂ່າວຂອງລັດຖະບານຈີນໄດ້ເຜີຍແຜ່ປື້ມປົກຂາວກ່ຽວກັບສະພາບອິນເຕີເນັດຂອງຈີນໂດຍຂຽນວ່າ, ລັດຖະບານຈີນຈະສືບຕໍ່ສຸມກຳລັງເພື່ອຊຸກຍູ້ການພັດທະນາອິນເຕີເນັດ, ພະຍາຍາມເຜີຍແຜ່ນຳໃຊ້ອິນເຕີເນັດໃຫ້ທົ່ວເຖິງກັນ.ພ້ອມກັນນັ້ນ,ລັດຖະບານຈີນຈະປົກປ້ອງເສລີພາບໃນການສະແດງຄວາມເຫັນທາງອິນເຕີເນັດຂອງປະຊາຊົນທີ່ມີສິດຕາມກົດຫມາຍຢ່າງຫມັ້ນຫນຽວບໍ່ປ່ຽນແປງ,ເພື່ອຮັບປະກັນສິດຮັບຮູ້ຄວາມຈິງ,ສິດເຂົ້າຮ່ວມແລະສິດສະແດງຄວາມເຫັນແລະສິດຕິດຕາມກວດກາຂອງປະຊາຊົນ.
ປື້ມປົກຂາວດັ່ງກ່າວແບ່ງເປັນຫຼາຍພາກສ່ວນ ເຊັ່ນ:ຄຳນຳ,ການຊຸກຍູ້ການພັດທະນາແລະເຜີຍແຜ່ອິນເຕີເນັດໃຫ້ທົ່ວເຖິງ,ຮັບປະກັນເສລີພາບໃນການສະແດງຄວາມເຫັນທາງອິນເຕີເນັດຂອງປະຊາຊົນ,ຫຼັກການຄຸ້ມຄອງແລະການນຳໃຊ້ຂອງອິນເຕີເນັດ,ດຳເນີນການແລກປ່ຽນແລະຮ່ວມມືສາກົນຢ່າງຕັ້ງຫນ້າແລະພາກສະຫຼຸບເປັນຕົ້ນ.ປຶ້ມປົກຂາວໄດ້ແຈ້ງສະພາບພື້ນຖານແຫ່ງການພັດທະນາອິນເຕີເນັດຂອງຈີນ, ຊີ້ແຈງນະໂຍບາຍພື້ນຖານຂອງລັດຖະບານຈີນກ່ຽວກັບອິນເຕີເນັດ ພ້ອມດ້ວຍທັດສະນະພື້ນຖານຂອງບັນຫາທີ່ກ່ຽວຂ້ອງ,ເພື່ອຊ່ອຍປະຊາຊົນແລະປະຊາຄົມໂລກຮູ້ຈັກສະພາບທີ່ແທ້ຈິງໃນການພັດທະນາແລະຄຸ້ມຄອງອິນເຕີເນັດຂອງຈີນຢ່າງຮອບດ້ານ.
ປຶ້ມປົກຂາວຂຽນວ່າ, ແຕ່ປີ 1997 ຫາປີ 2009, ຈີນໄດ້ລົງທຶນໃນການກໍ່ສ້າງພື້ນຖານໂຄງລ່າງອິນເຕີເນັດ 4300ຕື້ຢວນ, ໄດ້ສ້າງເຄືອຂ່າຍສາຍກາບໃຍແສງຂໍ້ມູນຂ່າວສານໂທລະຄົມທີ່ປົກຄຸມທົ່ວປະເທດ. ຮອດທ້າຍປີ 2009,ຈີນມີ99%ຂອງຕາແສງແລະ90%ຂອງບ້ານໄດ້ຕິດຕັ້ງອິນເຕີເນັດແລ້ວ.ຜູ້ໃຊ້ອິນເຕີເນັດຂອງຈີນມີຫຼາຍກວ່າ380ລ້ານຄົນ,ອັດຕາປົກຄຸມຂອງອິນເຕີເນັດເກືອບຮອດ 29%,ສູງກວ່າລະດັບສະເລ່ຍຂອງໂລກ.
ປຶ້ມປົກຂາວຊີ້ອອກວ່າ, ລັດຖະບານຈີນຈະສືບຕໍ່ສຸມກຳລັງເພື່ອຊຸກຍູ້ການພັດທະນາອິນເຕີເນັດໃຫ້ທົ່ວເຖິງ,ພະຍາຍາມເຮັດໃຫ້ອັດຕາປົກຄຸມຂອງອິນເຕີເນັດເພີ່ມຂຶ້ນຮອດ 45% ໃນ 5 ປີຕໍ່ໜ້າ, ເຮັດໃຫ້ປະຊາຊົນຈີນຫຼາຍກວ່າເກົ່າໄດ້ຮັບຜົນປະໂຫຍດຈາກອິນເຕີເນັດ.
ປຶ້ມປົກຂາວຂຽນວ່າ, ເສລີພາບໃນການສະແດງຄວາມເຫັນທາງອິນເຕີເນັດຂອງປະຊາຊົນຈີນໄດ້ຮັບການປົກປ້ອງດ້ວຍກົດໝາຍ, ສາມາດສະແດງຄວາມເຫັນຢູ່ເທິງເວັບໄຊດ້ວຍຮູບການຕ່າງໆ.ການແລກປ່ຽນທາງອິນເຕີເນັດຫຼາຍແມ່ນລັກສະນະໃຫຍ່ອັນໜຶ່ງຂອງການພັດທະນາຂອງອິນເຕີເນັດຈີນ, ຈຳນວນບົດຄວາມໃນbbsແລະblogຫຼາຍເທົ່າໃດໃນໂລກແມ່ນບໍ່ຈະແຈ້ງ. ແຕ່ຕາມສະຖິຕິ, ປະຈຸບັນຈີນມີbbsລ້ານກວ່າເວັບໄຊ, ມີblogສ່ວນຕົວຫຼາຍກວ່າ 220 ລ້ານຄົນ, ຜູ້ໃຊ້ອິນເຕີເນັດຈີນຫຼາຍກວ່າ 66%ໄດ້ສະແດງຄຳເຫັນຢູ່ເທິງເວັບໄຊເລື້ອຍໆ.
ປື້ມປົກຂາວຂຽນວ່າ:ລັດຖະບານຈີນອົາໃຈໃສ່ທີ່ສຸດນຳບົດບາດຕິດຕາມກວດກາຂອງອິນເຕີແນັດແລະສ່ອງແສງຄວາມມຸ້ງມາດປາດຖະຫນາຂອງປະຊາຊົນ.ປັດຈຸບັນ, ແວັບໄຊລັດຖະບານສ່ວນຫລາຍໄດ້ປະກາດທີ່ຢູ່ອີເມຣແລະເບີໂທ,ເພື່ອໃຫ້ປະຊາຊົນສ່ອງແສງບັນຫາຕ່າງໆໃນດ້ານເຮັດວຽກຂອງລັດຖະບານ. ຜູ່ນຳຈີນກໍ່ມັກເຂົ້າເບິ່ງແວັບໄຊເພື່ອຊອກຮູ້ຄວາມເຫັນຂອງປະຊາຊົນ, ບາງເທື່ອກໍ່ແລກປ່ຽນຄວາມເຫັນກັບຜູ່ໃຊ້ອິນເທີເນັດໂດຍກົງ,ເພື່ອຫາລືວຽກງານສຳຄັນຂອງປະເທດ,ຫລືຕອບຄຳຖາມຂອງປະຊາຊົນ.ການສຳຫລວດສະແດງໃຫ້ເຫັນວ່າ, ຜູ່ໃຊ້ອິນເທີແນັດຫລາຍກວ່າ 60% ໄດ້ຕີລາຄາສູງຕໍ່ລັດຖະບານທີ່ເສີມຂະຫຍາຍບົດບາດຕິດຕາມກວດກາຂອງອິນເຕີເນັດ,ເຫັນວ່ານີ້ໄດ້ສະແດງໃຫ້ເຫັນຄວາມຄືບຫນ້າດ້ານປະຊາທິປະໄຕໃນສັງຄົມຈີນ.
ປື້ມປົກຂາວຍັງສະເຫນີອອກມາວ່າ, ອິນເຕີເນັດໄດ້ສ້າງເງື່ອນໄຂແລະວິທີໂດຍກົງທີ່ສຸດທີ່ບໍ່ເຄີຍມີມາກ່ອນເພື່ອໃຫ້ຄົນທົ່ວໄປມີສິດຮັບຮູ້ຂ່າວສານ, ສິດເຂົ້າຮ່ວມ,ສິດສະແດງຄວາມເຫັນແລະສິດຕິດຕາມກວດກາ,ໄດ້ເສີມຂະຫຍາຍບົດບາດນັບມື້ນັບສຳຄັນໃຫ້ແກ່ລັດຖະບານຊອກຮູ້ຄວາມມຸ້ງມາດປາຖະຫນາຂອງປະຊາຊົນ,ຕອບສະຫນອງຄວາມຕ້ອງການຂອງປະຊາຊົນແລະປົກປັກຮັກສາຜົນປະໂຫຍດຂອງປະຊາຊົນ.ລັດຖະບານຈີນຈະເດັດດ່ຽວປົກປ້ອງເສລີພາບຂອງປະຊາຊົນທີ່ສະແດງຄວາມເຫັນຢ່າງເສລີໂດຍຜ່ານອິນເຕີເນັດ.
