ວັນທີ 10 ມິຖຸນານີ້, ໃນບົດລາຍງານ"ການເບິ່ງອະນາຄົດຂອງເສດຖະກິດໂລກປີ 2010"ໃນລະດູຮ້ອນ, ທະນາຄານໂລກໄດ້ຄາດຄະເນການເຕີບໂຕຂອງເສດຖະກິດໂລກໃນປີນີ້, ໂດຍຊີ້ອອກວ່າ, ປະເທດພວມພັດທະນາພວມໄດ້ນຳພາໃຫ້ເສດຖະກິດໂລກຟື້ນຕົວ. ຕໍ່ໄປເຊີນຟັງລາຍງານລະອຽດ:
ທ່ານອັນດຼູ ເບິນສ໌, ຜູ້ຮັບຜິດຊອບພະແນກເສດຖະສາດມະຫາພາກຂອງໂລກຂອງທະນາຄານໂລກເຫັນວ່າ, ປະເທດພວມພັດທະນາໄດ້ເສີມຂະຫຍາຍບົດບາດສຳຄັນໃນຂະບວນການທີ່ຊຸກຍູ້ໃຫ້ເສດຖະກິດໂລກຟື້ນຕົວ.
"ໃນຫົວຈັກ ໃຫຍ່ສອງໜ່ວຍຂອງເສດຖະກິດໂລກ, ຄວາມໄວໃນການເຕີບໂຕຂອງປະເທດພວມພັດທະນາໃນສອງປີຕໍ່ໜ້າຈະແມ່ນສອງເທົ່າຂອງປະເທດທີ່ມີລາຍໄດ້ສູງ, ນີ້ໝາຍຄວາມວ່າການເຕີບໂຕຂອງເສດຖະກິດໂລກ 40% ຂຶ້ນໄປແມ່ນມາຈາກປະເທດພວມພັດທະນາ, ການສົ່ງອອກສິນຄ້າຂອງປະເທດທີ່ມີລາຍໄດ້ສູງຈະມີ 40% ສະໜອງໃຫ້ປະເທດພວມພັດທະນາບໍລິໂພກ."
ໃນເວລາກ່າວເຖິງສະພາບເສດຖະກິດຂອງຈີນ,ບົດລາຍງານຂອງທະນາຄານໂລກໄດ້ກ່າວຢ້ຳບົດບາດຂອງຈີນໃນການຊຸກຍູ້ການຟື້ນຕົວເສດຖະກິດຂອງໂລກ,ໂດຍສະເພາະແມ່ນຂອງອາຊີຕາເວັນອອກແລະເຂດປາຊິຟິກ,ເຫັນວ່າ,ແຜນການກະຕຸ້ນເສດຖະກິດຂະໜາດໃຫຍ່ທີ່ລັດຖະບານຈີນປະຕິບັດນັ້ນແມ່ນກຳລັງແຮງຕົ້ນຕໍທີ່ເຮັດໃຫ້ເສດຖະກິດຂອງຈີນແລະພາກພື້ນນີ້ຟື້ນຕົວ.ໂຄງການລົງທຶນເພີ່ມຂຶ້ນເຮັດໃຫ້ການຄ້າຂາເຂົ້າເພີ່ມຂຶ້ນ,ເຊິ່ງເຮັດໃຫ້ຄູ່ການຄ້າຂອງຈີນໄດ້ຮັບຜົນປະໂຫຍດຢ່າງກວ້າງຂວາງ.ບົດລາຍງານຂຽນວ່າ,ໃນປີ2010,ຈັງຫວະເຕີບໂຕຂອງເສດຖະກິດອາຊີຕາເວັນອອກແລະເຂດປາຊິຟິກຈະບັນ ລຸ8,7%.ແຕ່ຖ້າວ່າບໍ່ນັບການປະກອບສ່ວນຂອງເສດຖະກິດຈີນແລ້ວ,ຈັງຫວະເຕີບໂຕນີ້ຈະຫຼຸດລົງເປັນ5,8%.ທ່ານຈັສທິນ ຢີຟູ ລີນ,ນັກເສດຖະສາດຜູ່ທີໜຶ່ງທັງເປັນຮອງຜູ່ວ່າ ການລະດັບສູງຂອງທະນາຄານໂລກມີຄວາມໝັ້ນໃຈຕໍ່ເສດຖະກິດຈີນທີ່ຈະຮັກສາການເຕີບໂຕດ້ວຍຈັງຫວະໄວ.ທ່ານກ່າວວ່າ:"ໃນໄຕມາດທີໜຶ່ງປີນີ້,ເສດຖະກິດຈີນຍັງຈະເຕີບໂຕຢ່າງແຂງແຮງ,ບັນລຸເຖິງ11,7%.ແຕ່ປະຈຸບັນນີ້,ຈີນມີແຮງກົດດັນຈາກໄພເງິນເຟີ້ແລະ ລາຄາຂອງຊັບສິນມີລັກສະນະຟອງສະບູ,ລັດຖະບານກໍ່ພວມປັບປຸງນະໂຍບາຍດ້ວຍເຫດນີ້.ເວົ້າໂດຍລວມແລ້ວ,ຂ້າພະເຈົ້າເຫັນວ່າ,ປີນີ້,ເສດຖະກິດຈີນຍັງຈະຮັກສາການເຕີບໂຕດ້ວຍຈັງຫວະໄວສົມຄວນ,ພວກເຮົາຄາດຄະເນວ່າຈະເຕີບໂຕ9,5%."
ບົດລາຍງານຍັງໄດ້ຄາດຄະເນຕໍ່ອັດຕາເຕີບໂຕຂອງເສດຖະກິດເອີລົບແລະອາຊີກາງໃນປີ 2010 ແມ່ນ 4,1%,ແລະວິເຄາະວ່າສາເຫດຕົ້ນຕໍແມ່ນຍ້ອນເສດຖະກິດຂອງຣັດເຊຍແລະຕວກກີດີຂຶ້ນຢ່າງວ່ອງໄວ,ແຕ່ບົດລາຍງານໄດ້ວິເຄາະວ່າເສດຖະກິດຂອງອົງກອນເສດຖະກິດຢູ່ເຂດນີ້ສ່ວນຫລາຍແມ່ນເຕີບໂຕຊ້າຫລືເຕີບໂຕທາງລົບ.
ທ່ານຫລິນອີ້ຟູ,ຫົວຫນ້ານັກເສດຖະສາດ,ທັງເປັນຮອງປະທານທະນາ ຄານໂລກກ່າວວ່າ, ຖ້າວິກິດການຫນີ້ສິນຂອງເອີລົບສືບຕໍ່ແກ່ຍາວໄປ,ຈະເຮັດໃຫ້ປະເທດເອີລົບລົງທຶນແລະໃຫ້ການຊ່ວຍເຫລືອແກ່ປະເທດທີ່ພວມພັດທະນາຫນ້ຍລົງ,ແລະອາດຈະເຮັດໃຫ້ປະຊາຊົນຜູ່ທຸກຍາກໃນທົ່ວໂລກເພີ່ມຂຶ້ນ.ທະນາຄານໂລກກ່າວວ່າ, ປະເທດທີ່ພວມພັດທະນາເຖິງຈະບໍ່ສາມາດຫລີກເວັ້ນຜົນກະທົບຍ້ອນການເງິນທົ່ວໂລກຊຸດໂຊມລົງກໍ່ຕາມ, ແຕ່ເຂົາເຈົ້າກໍ່ສາມາດແລະຄວນເປີດກວ້າງສູນການເງິນຂອງພາກພື້ນແລະເພີ່ມທະວີການແຂ່ງຂັນແລະຕິດຕາມກວດກາຕໍ່ຂະແຫນງການທະນາຄານຂອງທ້ອງຖີ່ນຕົນ,ເພື່ອຫລຸດຕົ້ນທຶນກູ້ເງິນພາຍໃນປະເທດແລະຊຸກຍູ້ຕະຫລາດທຶນຂອງພາກພື້ຕົນໃຫ້ພັດທະນາ.
