ການປະຕິຮູບກົນໄກອັດຕາແລກປ່ຽນເງນວນຂອງຈີນແມ່ນສຳເລັດຜົນ, ອັດຕາແລກປ່ຽນເງິນຢວນບໍ່ຂຶ້ນລົງແຮງ
(GMT+08:00) 2010-06-21 16:49:58 cri
ວັນທີ 19 ມິຖຸນານີ້, ທະນາຄານກາງຈີນປະກາດວ່າຈະຊຸກຍູ້ການປະຕິຮູບກົນໄກອັດຕາແລກປ່ຽນເງິນຢວນຕື່ມອີກ, ເພີ່ມຄວາມອ່ອນໂນ້ມຂອງອັດຕາແລກປ່ຽນເງິນຢວນ. ວັນທີ 20 ມິຖຸນານີ້ຢູ່ທີ່ປັກກິ່ງ, ໂຄສົກຂອງທະນາຄານປະຊາຊົນຈີນເຊິ່ງເປັນທະນາຄານກາງຈີນກ່າວວ່າ, ການປະຕິຮູບກົນໄກອັດຕາແລກປ່ຽນເງິນຢວນທີ່ຈີນເລີ່ມປະຕິບັດມາແຕ່ເດືອນກໍລະກົດປີ 2005 ນັ້ນແມ່ນໄດ້ຮັບຜົນສຳເລັດ, ການຊຸກຍູ້ການປະຕິຮູບກົນໄກອັດຕາແລກປ່ຽນເງິນຢວນຕື່ມອີກຈະບໍ່ມີການປັບປຸງຄືນໃໝ່ຕໍ່ອັດຕາແລກປ່ຽນຂອງເງິນຢວນ, ສຳຄັນແມ່ນຍຶດໝັ້ນຖືການສະໜອງກັບຄວາມຕ້ອງການຂອງຕະຫຼາດເປັນພື້ນຖານ, ພິຈາລະນາເຖິງເງິນສະກຸນສຳຄັນເພື່ອດຳເນີນການປັບປຸງ.
ວັນທີ 21 ກໍລະກົດປີ 2005, ທະນາຄານກາງຈີນໄດ້ເລີ່ມດຳເນີນການປະຕິຮູບກົນໄກອັດຕາແລກປ່ຽນເງິນຢວນ, ອັດຕາແລກປ່ຽນຂອງເງິນຢວນບໍ່ຜູກມັດກັບເງິນໂດລາອີກ, ແຕ່ຫາກປະຕິບັດລະບົບອັດຕາແລກປ່ຽນແບບລອຍຕົວທີ່ມີການຄຸ້ມຄອງຄື:ຖືການສະໜອງແລະຄວາມຕ້ອງການຂອງຕະຫຼາດເປັນພື້ນຖານ, ແລະພິຈາລະນາປັບປຸງອັດຕາແລກປ່ຽນຂອງເງິນຕາທີ່ສຳຄັນຕ່າງໆ. ມື້ດຽວກັນ, ອັດຕາແລກປ່ຽນຂອງເງິນຢວນຕໍ່ໂດລາສະຫະລັດໄດ້ແຂງຄ່າປະມານ 2%.
ໂຄສົກຂອງທະນາຄານກາງວິຈານເລື່ອງນີ້ວ່າ:ການປະຕິຮູບກົນໄກອັດຕາແລກປ່ຽນເງິນຕາຈະເຮັດໃຫ້ວິສາຫະກິດຈີນເລັ່ງລັດຍົກລະດັບເຕັກນິກໃຫ້ສູງຂຶ້ນ, ເພີ່ມການປະດິດສ້າງດ້ານຜະລິດຕະພັນ, ແລະຍົກກຳລັງແຂ່ງຂັນທີ່ເປັນໃຈກາງໃຫ້ສູງຂຶ້ນ, ໄດ້ສ້າງກຳລັງແຮງແລະແຮງກົດດັນຊຸກຍູ້ການພັດທະນາຂອງອຸດສາຫະກຳໃຫ້ທັນສະໄຫມແລະຍົກລະດັບການໄຂປະຕູສູ່ພາຍນອກ,ທັງຊຸກຍູ້ການສ້າງໂຄງປະກອນການຄ້າຂາອອກໃຫ້ດີຂຶ້ນແລະຫັນປ່ຽນຮູບການພັດທະນາການຄ້າກັບຕ່າງປະເທດ,ມີຜົນດີຕໍ່ການຫັນປ່ຽນຣູບການພັດທະນາເສດຖະກິດແລະການພັດທະນາແບບຍືນຍົງ.ທັງເຮັດໃຫ້ຄວາມສາມາດຂອງວິສຫາະກິດຈີນໃນການຮັບມືກັບການປ່ຽນແປງຂອງອັດຕາແລກປ່ຽນເງິນຢວນແລະຄວາມສາມາດຄວບຄຸມຄວາມສ່ຽງຍົກສູງຂຶ້ນ.ພຶດຕິກຳໃນ 5 ປີມານີ້ໄດ້ຢັ້ງຢືນແລ້ວວ່າ, ການປະຕິຮູບອັດຕາແລກປ່ຽນເງິນຢວນຂອງຈີນແມ່ນສຳເລັດຜົນ.
ນັບແຕ່ທ້າຍປີ 2008 ເປັນຕົ້ນມາ, ເພື່ອຮັບມືກັບການໂຈມຕີຂອງວິກິດການການເງິນສາກົນ, ທະນາຄານກາງຂອງຈີນໄດ້ຮັດແຫນ້ນຂະຫນາດອັດຕາແລກປ່ຽນເງິນຢວນລອຍຕົວ, ເຮັດໃຫ້ອັດຕາແລກປ່ຽນເງິນຢວນກັບເງິນໂດລາສະຫະລັດາໄດ້ຮັກສາຄວາມຫມັ້ນຄົງໂດຍພື້ນຖານ.ໂຄສົກທະນາຄານກາງກ່າວວ່າ,ວິກິດການການເງິນທົ່ວໂລກໄດ້ນຳເອົາຄວາມຫຍຸ້ງຍາກແລະຄວາມບໍ່ແນ່ນອນຢ່າງຫລວຫງລາຍມາໃຫ້ເສດຖະກິດທົ່ວໂລກແລະເສດຖະກິດຈີນ,ຈີນຮັດແຫນ້ນຂະຫນາດອັດຕາແລກປ່ຽນເງິນຢວນລອຍຕົວເພື່ອຕ້ານກັບວິກິດການການເງິນສາກົນ,ແມ່ນສອດຄ່ອງກັບຜົນປະໂຫຍດຂອງຕົນເອງ, ທັງມີຜົນດີໃຫ້ເສດຖະກິດຫມັ້ນຄົງແລະຟື້ນຄືນເປັນປົກກະຕິໂດຍໄວ.ທ່ານກ່າວເນັ້ນວ່າ, ໃນເວລາທີ່ວິກິດການການເງິນສາກົນຮ້າຍແຮງທີ່ສຸດນັ້ນ,ເງິນຕາຂອງຫລາຍປະເທດທີ່ແລກປ່ຽນກັບເງິນໂດລາສະຫະລັດນັ້ນໄດ້ຫລຸດລາຄາ,ແຕ່ອັດຕາແລກປ່ຽນເງິນຢວນຈີນກັບເງິນໂດລາໄດ້ຮັກສາຄວາມຫມັ້ນຄົງໂດຍພື້ນຖານ, ນີ້ກໍ່ເປັນການປະກອບສ່ວນໃຫ້ແກ່ເສດຖະກິດອາຊີກໍ່ຄືທົ່ວໂລກຟື້ນຕົວຄືນໃຫມ່.
ກ່ຽວກັບທະນາຄານກາງປະກາດການຊຸກຍູ້ການປະຕິຮູບກົນໄກອັດຕາແລກປ່ຽນເງິນຢວນຕື່ມອີກເທື່ອນີ້,ໂຄສົກຜູ່ນີ້ເຫັນວ່າ,ປະຈຸບັນນີ້,ເສດຖະກິດຈີນຟື້ນຟູເຕີບໂຕໄປສູ່ທາງດີແລະໝັ້ນຄົງ,ພ້ອມກັນນັ້ນ,ການເລັ່ງລັດປັບປຸງໂຄງປະກອບເສດຖະກິດກໍເປັນວຽກຮີບຮ້ອນ,ພໍດີແມ່ນໂອກາດທີ່ດີສຳລັບການຊຸກຍູ້ການປະຕິຮູບອັດຕາແລກປ່ຽນເງິນຢວນຕື່ມອີກ.ການປະຕິບັດອັດຕາແລກປ່ຽນແບບລອຍຕົວ,ເພີ່ມຄວາມອ່ອນໂນ້ມຂອງອັດຕາແລກປ່ຽນ,ມີຜົນດີຕໍ່ການຊຸກຍູ້ໃຫ້ອຸດສາຫະກຳພັດທະນາທັນສະໄໝຂຶ້ນ,ຜ່ອນຄາຍການເສຍຄວາມດຸນດ່ຽງດ້ານການຄ້າແລະເຮັດໃຫ້ເສດຖະກິດຫຼຸດຜ່ອນການອີງອາໄສການຄ້າຂາອອກຫຼາຍເກີນໄປ,ມີຜົນດີຕໍ່ການສະກັດກັ້ນໄພເງິນເຟີ້ແລະຟອງສະບູ່ດ້ານຊັບສິນ,ແລະເສີມສ້າງຄວາມເປັນເຈົ້າການແລະຄວາມມີປະສິດທິຜົນຂອງການຄວບຄຸມທາງມະຫາພາກ,ແລະຍັງມີຜົນດີຕໍ່ການປົກປັກຮັກສາສະພາບແວດລ້ອມສາກົນດ້ານເສດຖະກິດການຄ້າຂອງຈີນ.
ໂຄສົກຂອງທະນາຄານກາງຍັງຊີ້ອອກວ່າ,ປະຈຸບັນນີ້,ການຄ້າຂາເຂົ້າກັບຂາອອກຂອງຈີນຄ່ອຍໆຟື້ນຟູຄວາມດຸນດ່ຽງ,ໂຄງການທີ່ມີມູນຄ່າຂາອອກຫຼາຍກວ່າຂາເຂົ້າເລື່ອຍໆນັ້ນກວມຍອດມູນຄ່າຜະລິດຕະພັນພາຍໃນປະເທດໜ້ອຍລົງຢ່າງເດັ່ນຊັດ,ລາຍຮັບກັບ ລາຍຈ່າຍຄ່ອຍໆດຸນດ່ຽງກັນ.ອັດຕາແລກປ່ຽນເງິນຢວນບໍ່ມີພື້ນຖານທີ່ຈະເກີດການປັ່ນປ່ວນແລະປ່ຽນແປງຂະໜາດໃຫຍ່ອີກ.ທ່ານກ່າວເນັ້ນວ່າ,ອັດຕາແລກປ່ຽນເງິນຢວນປັ່ນປ່ວນຂະໜາດໃຫຍ່ຈະບໍ່ມີຜົນດີຕໍ່ຄວາມໝັ້ນຄົງຂອງເສດຖະກິດແລະການທະນາຄານຂອງຈີນ,ບໍ່ສອດຄ່ອງກັບຜົນປະໂຫຍດພື້ນຖານຂອງຈີນ,ການຮັກສາອັດຕາແລກປ່ຽນເງິນຢວນໃຫ້ຢູ່ໃນລະດັບອັນເໝາະສົມແລະດຸນດ່ຽງຢ່າງໝັ້ນທ່ຽງແມ່ນສ່ວນປະກອບອັນສຳຄັນຂອງການຊຸກຍູ້ການປະຕິຮູບກົນໄກອັດຕາແລກປ່ຽນເງິນຢວນຕື່ມອີກ.
