ຕາມຂ່າວCRI:ຫຼາຍມື້ມານີ້,ມີກຳມະການປະຈຳສະພາປຶກສາການເມືອງປະຊາຊົນແຫ່ງຊາດຈີນເກືອບ300ທ່ານຈັດກອງປະຊຸມຢູ່ປັກກິ່ງ,ປຶກສາຫາລືກັນຢ່າງລະອຽດກ່ຽວກັບການວາງແຜນການຫ້າປີຄັ້ງທີ12ການພັດທະນາເສດຖະກິດແຫ່ງຊາດແລະສັງຄົມຂອງຈີນ,ໃນນັ້ນ,ວິທີຜັນຂະຫຍາຍການເລັ່ງລັດຫັນປ່ຽນຮູບການພັດທະນາເສດຖະກິດໃນແຜນການຫ້າປີຄັ້ງທີ12ນັ້ນແມ່ນຈຸດສຸມໜຶ່ງທີ່ກຳມະການປະຈຳສະພາປຶກສາການເມືອງ ທັງຫຼາຍເອົາໃຈໃສ່.
ສະພາປຶກສາການເມືອງປະຊາຊົນເປັນອົງການສຳຄັນທີ່ໝູ່ຄະນະພັກຝ່າຍຕ່າງໆ,ຕົວ ແທນຊົນເຜົ່າຕ່າງໆແລະວົງການຕ່າງໆຂອງຈີນເຂົ້າຮ່ວມການປົກຄອງປະເທດແລະເສີມຂະຫຍາຍບົດບາດຂອງໃຜລາວ,ສະນັ້ນ,ການດຳເນີນການປຶກສາຫາລືແບບປະຊາທິປະໄຕຕໍ່ການວາງແຜນການຫ້າປີໄດ້ກາຍເປັນທຳນຽມປະຕິບັດງານຂອງສະພາປຶກສາການເມືອງແລ້ວ.ການຈັດກອງປະຊຸມກຳມະການປະຈຳເທື່ອນີ້ກໍ່ແມ່ນເພື່ອສະເໜີຂໍ້ສະເໜີແລະປະກອບຄຳຄິດຄຳເຫັນຕໍ່ແຜນການຫ້າປີຄັ້ງທີ12.
ກຳມະການທັງຫຼາຍເຫັນວ່າ,ໄລຍະແຜນການຫ້າປີຄັ້ງທີ12ແມ່ນໄລຍະຂໍກະແຈທີ່ຈີນສ້າງ ສາສັງຄົມທີ່ອີ່ມໜຳສຳລານຢ່າງຮອບດ້ານ,ແມ່ນຂັ້ນຕອນສຳຄັນທີ່ດ້ານໜຶ່ງຕ້ອງສືບຕໍ່ຮັບມືກັບວິກິດການການເງິນສາກົນ,ອີກດ້ານໜຶ່ງຕ້ອງຊຸກຍູ້ໃຫ້ການພັດທະນາເສດຖະກິດສັງ ຄົມຂຶ້ນສູ່ບາດກ້າວໃໝ່.ເສດຖະກິດສັງຄົມຂອງຈີນມີການພັດທະນາດີຫຼືບໍ່ດີໃນຕໍ່ໜ້າ,ຕົ້ນ ຕໍແມ່ນຂຶ້ນຢູ່ກັບການປັບປຸງໂຄງປະກອບເສດຖະກິດແລະຫັນປ່ຽນຮູບການພັດທະນາ.ກ່ຽວກັບເລື່ອງນີ້,ທ່ານວາງຊິ້ນໝິນ,ກຳມະການປະຈຳສະພາປຶກສາການເມືອງແຫ່ງຊາດ,ຮອງປະທານສູນກາງພັກຈື້ກົ່ງຈີນຊີ້ອອກວ່າ,ດ້ານໜຶ່ງທີ່ສຳຄັນຂອງການເລັ່ງລັດຫັນປ່ຽນຮູບການພັດທະນາເສດຖະກິດແມ່ນຄວນເສີມຂະຫຍາຍບົດບາດຊີ້ນຳຂອງຄວາມຕ້ອງການພາຍໃນທີ່ມີຕໍ່ການເຕີບໂຕຂອງເສດຖະກິດ.ທ່ານກ່າວວ່າ:
"ອອກແຮງເສີມຂະຫຍາຍບົດບາດຂອງຄວາມຕ້ອງການພາຍໃນ, ຊຸກຍູ້ໃຫ້ເສດຖະກິດເຕີບໂຕຫັນປ່ຽນຈາກການອາໄສການລົງທຶນແລະການສົ່ງອອກມາເປັນການອາໄສການບໍລິໂພກ,ການລົງທຶນຢູ່ຕ່າງປະເທດແລະປະສານການສົ່ງອອກ.ໂດຍຜ່ານການປັບປຸງໂຄງປະກອບແບ່ງປັນລາຍໄດ້, ເພີ່ມກຳລັງຊື້ຂອງປະຊາຊົນ, ຖືການເພີ່ມທະວີຄວາມຕ້ອງການບໍລິໂພກເປັນຈຸດສຳຄັນເພື່ອເປີດກວ້າງຄວາມຕ້ອງການພາຍໃນ."ທ່ານຫວາງຊິນໝິ້ນສະເໜີວ່າ, ໃນໄລຍະປະຕິບັດ"ແຜນການ 5 ປີຄັ້ງທີ 12", ເຮັດໃຫ້ລາຍໄດ້ຂອງປະຊາຊົນກວມ45%ຂອງGDPໃນປະຈຸບັນໃຫ້ຂຶ້ນເປັນ 55%, ເຮັດໃຫ້ອັດຕາບໍລິໂພກຂອງປະຊາຊົນຈາກ35% ໃນປະຈຸບັນຂຶ້ນເປັນ50%,ພ້ອມກັນນັ້ນ,ກໍ່ຖືການຫັນເປັນຕົວເມືອງເປັນຈຸດຍຸດທະສາດຂອງການເປີດກວ້າງຄວາມຕ້ອງການຂອງພາຍໃນ.
ບັນດາກຳມະການຄະນະປະຈຳສະພາປຶກສາການເມືອງເຫັນວ່າ, ຖ້າວ່າອອກແຮງເພີ່ມຄວາມຕ້ອງການຂອງພາຍໃນແມ່ນແມ່ແຮງສຳຄັນທີ່ເລັ່ງການປ່ຽນແປງຮູບການພັດທະນາເສດຖະກິດ,ການຍົກສູງຄວາມສາມາດການປະດິດສ້າງໃໝ່ໂດຍຕົນເອງກໍແມ່ນໄດ້ກາຍເປັນຂໍຈະແກທີ່ເລັ່ງລັດການປ່ຽນແປງຮູບການພັດທະນາຂອງເສດຖະກິດ.ທ່ານຫຼິວຈ່ຽງ,ກຳມະການຄະນະປະຈຳສະພາປຶກສາການເມືອງແຫ່ງຊາດຈີນສະເໜີວ່າ, ໃນໄລຍະແຜນການ 5 ປີ ຄັ້ງທີ 12"ຄວນຊີ້ນຳໃຫ້ທົ່ວສັງຄົມເພີ່ມການລົງທຶນດ້ານການປະດິດສ້າງໃໝ່, ຍົກສູງຄວາມສາມາດປະດິດສ້າງໃໝ່ໂດຍຕົນເອງ.
"ໃນໄລຍະແຜນການ 5 ປີຄັ້ງທີ 12,ຄວນຫັນທິດໄປສູ່ການປະດິດສ້າງໃຫມ່ດ້ວຍຕົນເອງ,ຕ້ອງສົ່ງເສີມແລະເສີມຂະຫຍາຍບົດບາດນຳທາງຂອງວິສາຫະກິດຫຼັກແຫຼ່ງໃນຂະແຫນງການ,ເສີມສ້າງໃຫ້ການຜະລິດກັບການຄົ້ນຄວ້າປະສານສົມທົບກັນ, ອອກແຮງຄັດເລືອກແລະພັດທະນາເຕັກນິກທີ່ເປັນຂໍກະແຈອອກມາໃຫມ່ເພື່ອບັນລຸຄວາມກ້າວຫນ້າເປັນໃຈກາງຂອງການພັດທະນາເສດຖະກິດສັງຄົມ,ເພື່ອຍົກກຳລັງແຂ່ງຂັນທີ່ເປັນໃຈກາງວິສາຫະກິດໃຫ້ສູງຂຶ້ນ."
ນອກຈາກເພີ່ມທະວີຄວາມຕ້ອງການພາຍໃນແລະຍົກສູງຄວາມສາມາດດ້ານການປະດິດສ້າງໃຫມ່ດ້ວຍຕົນເອງ,ສະມາຊິກສະພາປຶກສາການເມືອງແຫ່ງຊາດຈຳນວນຫນຶ່ງຍັງສະເຫນີວ່າຄວນປະຕິບັດຍຸດທະສາດພັດທະນາສີຂຽວໃນການວາງ"ແຜນການ5ປີຄັ້ງທີ 12", ເພື່ອຊຸກຍູ້ການປ່ຽນແປງຮູບການພັດທະນາເສດຖະກິດ.
ຄວາມເຫັນແລະຂໍ້ສະເຫນີຂອງບັນດາທ່ານກຳມະການປະຈຳສະພາປຶກສາການເມືອງແຫ່ງຊາດໄດ້ຮັບຄວາມເອົາໃຈໃສ່ໃນລະດັບສູງຈາກທຸກພາກສ່ວນຂອງລັດຖະບານຈີນ.ໃນເວລາທ່ານຫຼີເຄິ້ຊຽງ,ຮອງນາຍົກລັດຖະມົນຕີຈີນເຂົ້າຮ່ວມກອງປະຊຸມເທື່ອນີ້,ທ່ານກ່າວວ່າ,ສຳລັບຄວາມເຫັນແລະຂໍ້ສະເຫນີທີ່ບັນດາທ່ານກຳມະການປະຈຳສະເຫນີອອກມາ,ພາກສ່ວນທີ່ກ່ຽວຂ້ອງຈະນຳໄປຄົ້ນຄວ້າພິຈາລະນາແລະຮັບຮອງເອົາເປປັນຢ່າງດີ.
