ຕາມຂ່າວ CRI: ວັນທີ 28 ມິຖຸນານີ້ແມ່ນວັນແຫ່ງຫໍວາງສະແດງກຳປູເຈຍຂອງງານວາງສະແດງໂລກຊຽງໄຮ, ນັກສິນລະປິນຕ່າງໆຂອງກຳປູເຈຍໄດ້ສະແດງການເຕັ້ນລຳທີ່ໂດດເດັ່ນໃຫ້ຜູ້ຊົມ. ທ່ານວາງຊ່າວ, ຜູ້ຊ່ອຍລັດຖະມົນຕີກະຊວງການຄ້າຈີນກັບທ່ານຈຳປຼະສິດ, ລັດຖະມົນຕີລັດຖະກິດທັງເປັນລັດຖະມົນຕີກະຊວງການຄ້າໄດ້ເຂົ້າຮ່ວມກິດຈະກຳສະຫຼອງຢູ່ສູນວາງສະແດງໂລກຊຽງໄຮ.
ທ່ານວາງຊ່າວກ່າວປາໄສວ່າ, ແມ່ນ້ຳລ້ານຊ້າງ—ແມ່ນ້ຳຂອງເປັນສາຍພານສາຍໜຶ່ງເຮັດໃຫ້ປະຊາຊົນສອງປະເທດຢູ່ນຳກັນຢ່າງສະໜິດແໜ້ນ, ສ່ວນວັນແຫ່ງຫໍວາງສະແດງກຳປູເຈຍຈະເຮັດໃຫ້ຄົນທັງຫຼາຍສຳຜັດກັບສະຕິປັນຍາແລະຫົວຄິດປະດິດສ້າງຂອງປະຊາຊົນກຳປູເຈຍໃນເວລາສັ້ນ, ນີ້ກໍ່ຄືສະເໜ່ຂອງງານວາງສະແດງໂລກ, ກໍ່ແມ່ນຕົວຢ່າງທີ່ມີຊີວິດຊີວາທີ່ສະແດງໃຫ້ເຫັນວ່າ, ປະຊາຊົນປະເທດຕ່າງໆໃນໂລກລວມທັງຈີນແລະກຳປູເຈຍຢາກສະແຫວງຫາຕົວເມືອງທີ່ດີງາມກວ່າເກົ່າ, ຊີວິດທີ່ດີກວ່າເກົ່າແລະມິດຕະພາບທີ່ເລິກເຊິ່ງກວ່າເກົ່າ, ຮ່ວມກັນສ້າງຊີວິດທີ່ຢູ່ຮ່ວມກັນຢ່າງກົມກຽວແລະຢູ່ກັບທຳມະຊາດຢ່າງກົມກຽວ, ບັນລຸການພັດທະນາແບບຍືນຍົງ.
