ເຫດການ 5 ກໍລະກົດທີ່ເກີດຂຶ້ນຢູ່ເມືອງອູລຸມກີຂອງເຂດຊິນຈຽງຈີນໄດ້ຜ່ານໄປຄົບຮອບຫນຶ່ງປີແລ້ວ.ເມື່ອຫວນຄືນຫນຶ່ງປີກ່ອນ, ຄົນທັງຫລາຍຍັງລືມເຫດການທີ່ເກີດຂຶ້ນໃນຕອນນັ້ນ, ແຕ່ປັດຈຸບັນ, ເລື່ອງທີ່ໄດ້ເວົ້າເຖິງຫລາຍກວ່າຫມູ່ນັ້ນແມ່ນການພັດທະນາເສດຖະກິດສັງຄົມຂອງຊິນຈຽງ.ນັກ ວິຊາການຊີ້ອອກວ່າ,ປີນີ້ ການວາງຫລາຍມາດຕະການຊ່ວຍເຫລືອເຂດຊິງຈຽງຈະເຮັດໃຫ້ປະຊາຊົນເຂດຊິນຈຽງກັບປະຊາຊົນຈີນທົ່ວປະເທດ,ທຳຄວາມພະຍາຍາມຮ່ວມກັນເພື່ອໃຫ້ເສດຖະກິດສັງຄົມຊິນຈຽງພັດທະນາຢ່າງວ່ອງໄວ.ຕໍ່ໄປ ເຊີນຟັງບົດແຈ້ງຂ່າວລະອຽດ.
ການປ່ຽນແປງໃຫຍ່ທີ່ສຸດຂອງເຂດຊິນຈຽງເຜົ່າອູຍເກີປົກຄອງຕົນເອງໃນປີນີ້ກໍ່ແມ່ນ:ໃນກອງປະຊຸມວຽກງານເຂດຊິນຈຽງຂອງລັດຖະບານຈີນທີ່ຈັດຂຶ້ນໃນຫວ່າງກ່ອນນີ້ບໍ່ດົນ, ໄດ້ວາງນະໂຍບາຍສຳຄັນເພື່ອໃຫ້ເຂດຊິນຈຽງມີການພັດທະນາຢ່າງວ່ອງໄວແລະສັງຄົມມີຄວາມສະຫງົບຢ່າງຍາວນານ. ຕໍ່ເລື່ອງນີ້, ທ່ານລີເຊິ່ງ, ນັກຄົ້ນຄວ້າຂອງສູນຄົ້ນຄວ້າປະຫວັດສາດແລະພູມສາດເຂດຊາຍແດນຂອງຈີນຂອງສະພາບັນດິດວິທະຍາສາດສັງຄົມຈີນເຫັນວ່າ, ເຫດການຈະລາຈົນ 5 ກໍລະກົດທີ່ເກີດຂຶ້ນໃນປີກາຍນີ້ໄດ້ສົ່ງຜົນກະທົບຢ່າງຫນັກຫນ່ວງໄປໃຫ້ປະຊາຊົນເຂດຊິນຈຽງ, ປັດຈຸບັນ, ລັດຖະບານ ພວມອອກແຮງປ້ອງກັນສະພາບແວດລ້ອມທາງສັງຄົມທີ່ຫມັ້ນຄົງປອດໄພທີ່ປະຊາຊົນເຂດຊິງຈຽງຕ້ອງການຢ່າງສູງ.
"ເຫດການ"ວັນທີ5ກໍລະກົດ"ແມ່ນເລື່ອງທີ່ບໍ່ເຄີຍເກີດຂຶ້ນຈັກເທື່ອໃນປະຫວັດຮ້ອຍປີຂອງເຂດຊິ່ນຈ່ຽງ.ມາຮອດປະຈຸບັນນີ້,ການຂົ່ມຂູ່ຍັງຄົງຊົງຕົວຢູ່,ສັງຄົມຍັງອ່ອນແອຫຼາຍ.ສິ່ງທີ່ປະຊາຊົນຊິ່ນຈ່ຽງຕ້ອງການທີ່ສຸດໃນປະຈຸບັນນີ້,ອັນທີໜຶ່ງແມ່ນຄວາມປອດໄພ,ອັນທີສອງແມ່ນຄວາມໝັ້ນຄົງ.ຄວາມປອດໄພຕ້ອງອາໄສການປົກປ້ອງດ້ວຍຊ່ອງທາງຕ່າງໆຂອງພາກສ່ວນອຳນາດພັກແລະລັດ ເຊັ່ນ:ກອງປ້ອງກັນຄວາມສະຫງົບ,ຕຳຫຼວດປະກອບອາ ວຸດແລະທະຫານ.ໜ້າທີ່ອັນດັບໜຶ່ງຂອງພັກແລະລັດແມ່ນໃຊ້ວິທີຕ່າງໆຫຼີກລຽງບໍ່ໃຫ້ເກີດເຫດການກໍ່ການຮ້າຍດ້ວຍກຳລັງຮຸນແຮງແບບນີ້ອີກຢ່າງເດັດຂາດ.ມື້ນີ້ໄດ້ຄົບຮອບປີໜຶ່ງແລ້ວ,ເປົ້າໝາຍນີ້ອາດເວົ້າໄດ້ວ່າແມ່ນໄດ້ບັນລຸຄວາມເປັນຈິງແລ້ວ."
ເພື່ອຮັກສາຄວາມປອດໄພແລະຄວາມໝັ້ນຄົງທາງສັງຄົມເຂດຊິ່ນຈ່ຽງ,ແຜນການຊ່ວຍເຫຼືອດ້ານເສດຖະກິດທີ່ລັດຖະບານໃຊ້ຕໍ່ເຂດຊິ່ນຈ່ຽງນັ້ນເຮັດໃຫ້ຊິ່ນຈ່ຽງກາຍເປັນບ່ອນທົດລອງການປະຕິຮູບອາກອນຊັບພະຍາກອນ,ບ່ອນເຕົ້າໂຮມນະໂຍບາຍສ້າງຄວາມສະດວກ,ບ່ອນເຂດຕ່າງໆໃນທົ່ວປະເທດສຸດແຮງສຸດໃຈໃຫ້ການສະໜັບສະໜູນຢ່ງງສຸດໃຈແລະບ່ອນທີ່ພະຍາຍາມກໍ່ສ້າງຈຸດເຕີບໂຕດ້ານເສດຖະກິດອັນໃໝ່.ກ່ຽວກັບເລື່ອງເຫຼົ່າ ນີ້,ນາງຫຼີຊິ່ນເອີ,ຮອງຫົວໜ້າພະແນກຄົ້ນຄວ້າການພັດທະນາເສດຖະກິດຂອງສູນຄົ້ນຄວ້າການພັດທະນາອົງການປົກຄອງເຂດປົກຄອງຕົນເອງອຸຍເກີຊິ່ນຈ່ຽງເຫັນວ່າ,ການພັດທະນາເຂດຊິ່ນຈ່ຽງ,ເວົ້າຈາກດ້ານພື້ນຖານແລ້ວ,ຍັງຕ້ອງອາໄສການເສີມຂະຫຍາຍ ຄວາມຫ້າວຫັນ,ຄວາມເປັນເຈົ້າການແລະຄວາມປະດິດສ້າງຂອງປະຊາຊົນຊົນເຜົ່າຕ່າງໆຂອງເຂດຊິ່ນຈ່ຽງອີກ.ນາງເວົ້າວ່າ:
"ໃນຂະບວນການວາງແຜນອອກແບບແລະຂະບວນການການກໍ່ສ້າງ, ສາມາດສະແດງໃຫ້ເຫັນສະຕິປັນຍາຂອງພວກເຮົາໃນຂະບວນການເຮັດວຽກໄດ້ເປັນຢ່າງດີ. ຮຽນນຳແລະເຮັດນຳເຂົາເຈົ້າ, ແລ້ວຍົກສູງຄວາມສາມາດຂອງຕົນ, ເພີ່ມຄວາມສາມາດດ້ານການພັດທະນາຕົນເອງຂອງພວກເຮົາຢ່າງບໍ່ຢຸດຢັ້ງ."
ໃນການສົນທະນາວຽກງານເຂດຊິນຈ່ຽງຂອງລັດຖະບານໃນປີນີ້, ໄດ້ຕົກລົງເປົ້າໝາຍພັດທະນາແບບກ້າວກະໂດດສຳລັບປີ 2015, GDPສະເລ່ຍຕໍ່ຫົວຄົນຕໍ່ປີຂອງເຂດຊິນຈ່ຽງໃຫ້ບັນລຸລະດັບສະເລ່ຍຂອງທົ່ວປະເທດ.
ກ່ຽວກັບມາດຕະການທີ່ປັບປຸງແລະຮັບປະກັນຊີວິດການເປັນຢູ່ຂອງປະຊາຊົນເຂດຊິນຈ່ຽງ, ອົງການປົກຄອງຂອງເຂດປົກຄອງຕົນເອງເຜົ່າອຸຍເກີຊິນຈ່ຽງໄດ້ວາງຕາຕະລາງເວລາທີ່ລະອຽດທີ່ສຸດຄື: ພະຍາຍາມສຳເລັດໜ້າທີ່ການກໍ່ສ້າງໂຄງການເຮືອນຢູ່ຊົນນະບົດໃຫ້ 7 ແສນຄອບຄົວໃນທົ່ວເຂດປົກຄອງຕົນເອງພາຍໃນ 5 ປີ, ແກ້ໄຂບັນຫາເຮືອນຢູ່ຂອງຊາວລ້ຽງສັດ 1 ແສນຄອບຄົວໃຫ້ໄດ້ໃນຂັ້ນພື້ນຖານພາຍໃນ 10 ປີ, ເຜີຍແຜ່ການສຶກສາພາສາຈີນແລະພາສາຊິນຈ່ຽງໃຫ້ທົ່ວເຖິງພາຍໃນ 5 ປີ, ສ້າງລະບົບປະກັນໄພລ້ຽງຜູ້ເຖົ້າຊົນນະບົດແບບໃໝ່ໃນເວລາ 2 ປີ. ຄຽງຄູ່ກັບການປະຕິບັດຕາຕະລາງເວລາປັບປຸງຊີວິດການເປັນຢູ່ຂອງປະຊາຊົນໄວກວ່າເກົ່າຢ່າງບໍ່ຢຸດຢັ້ງ, ຕົວເລກດັດຊະນີດ້ານຄວາມສຸກຂອງປະຊາຊົນບັນດາເຜົ່າຂອງເຂດຊິນຈ່ຽງກໍພວມເລັ່ງລັດເຮັດໃຫ້ສູງຂຶ້ນ.
