ເສດຖະກິດພະລັງງານຈີນດີຂຶ້ນຢ່າງຕໍ່ເນື່ອງ
(GMT+08:00) 2010-07-21 16:02:26 cri
ຍ້ອນໄດ້ຮັບການກະຕຸ້ນຈາກເສດຖະກິດມະຫາພາກຈີນທີ່ເຕີບໂຕຢ່າງຫມັ້ນທ່ຽງແລະໄວສົມຄວນ,ທ່າອຽງຂອງເສດຖະກິດພະລັງງານຈີນໄດ້ເຕີບໂຕໄປທາງທີ່ດີຕື່ມອີກ. ໃນການຖະແຫຼງຂ່າວທີ່ກົມພະລັງງານແຫ່ງຊາດຈີນດຂຶ້ນໃນວັນທີ 20 ກໍລະກົດນີ້,ທ່ານໂຈວສີອ່ານ,ຫົວຫນ້າພະແນກສັງລວມຂອງກົມພະລັງງານແຫ່ງຊາດກ່າວວ່າ,ໃນ 6 ເດືອນ ຕົ້ນປີນີ້,ການສະຫນອງດ້ານພະລັງງານຂອງຈີນໄດ້ເພີ່ມຂຶ້ນຢ່າງຫນັກແຫນັ້ນ, ຄວາມຕ້ອງການກໍ່ເພີ່ມຂຶ້ນຢ່າງຫມັ້ນທ່ຽງ, ແລະລາຄາພະລັງງານກໍ່ຫມັ້ນທ່ຽງໂດຍພື້ນຖານ. ເມື່ອພິຈາລະນາເຖິງປັດໄຈອັນບໍ່ແນ່ນອນຕ່າງໆໃນການພັດທະນາຂອງເສດຖະກິດ,ຄາດວ່າໃນ6ເດືອນທ້າຍປີນີ້,ການເພີ່ມຂຶ້ນຂອງການສະຫນອງກັບຄວາມຕ້ອງການຂອງພາຍໃນປະເທດຈີນຈະເລີ່ມຫຼຸດລົງ.ໃນ6ເດືອນຕົ້ນປີນີ້,ນະໂຍບາຍຕ່າງໆເພື່ອກະຕຸ້ນເສດຖະກິດໃຫ້ເຕີບໂຕທີ່ຈີນໃຊ້ເພື່ອຮັບມືກັບວິກິດການການເງິນສາກົນໄດ້ຮັບຜົນຕໍ່ມາ,ແລະເສດຖະກິດຈີນມີສະພາບທີ່ຟື້ນຕົວຄືນຢ່າງຕໍ່ເນື່ອງແລະຫມັ້ນທ່ຽງ.ພ້ອມກັນນັ້ນ,ການສະຫນອງກັບຄວາມຕ້ອງການດ້ານພະລັງງານຂອງຈີນໃນ 6 ເດືອນຕົ້ນປີນີ້ກໍ່ເພີ່ມຂຶ້ນຫຼາຍກວ່າເກົ່າ,ປະລິມານສ່ວນຫຼາຍໄດ້ຟື້ນຟູແລະຫຼາຍກວ່າລະດັບໃນໄລຍະດຽວກັນຂອງປີ 2008. ໃນການຖະແຫຼງຂ່າວ,ທ່ານໂຈວສີອ່ານ,ຫົວຫນ້າພະແນກສັງລວມຂອງກົມພະລັງງານແຫ່ງຊາດກ່າວວ່າ,ສະພາບທີ່ການສະຫນອງກັບຄວາມຕ້ອງການລ້ວນແຕ່ດີຂຶ້ນໃນຕະຫຼາດພະລັງງານໄຟຟ້າກໍ່ໄດ້ສະແດງໃຫ້ເຫັນໃນແງ່ຫນຶ່ງເຖິງທ່າອຽງພັດທະນາທີ່ເສດຖະກິດມະຫາພາກຈີນດີຂຶ້ນຢ່າງຕໍ່ເນື່ອງແລະຫມັ້ນທ່ຽງ.
"ຄວາມຕ້ອງການກັບການສະໜອງຂອງຕະຫຼາດພະລັງໄຟຟ້າໄປໄດ້ດີທັງສອງດ້ານ. ຮອດທ້າຍເດືອນມິຖຸນາຜ່ານມານີ້,ປະລິມານຜະລິດໄຟຟ້າຂອງເຄື່ອງຈັກຜະລິດໄຟຟ້າທັງໝົດມີປະມານ900ລ້ານກິໂລວັດ,ໃນນັ້ນ,ປະລິມານຜະລິດໄຟຟ້າດ້ວຍແຮງນ້ຳຫຼາຍກວ່າ 200ລ້ານກິ ໂລວັດ.ເມື່ອເຂົ້າສູ່ເດືອນມິຖຸນາ,ປະລິມານໃຊ້ໄຟຟ້າຂອງທົ່ວປະເທດສູງຂຶ້ນຫຼາຍຕະຫຼອດ,ແຕ່ບໍ່ເກີດມີໄຟມອດຫຼືວ່າຈຳກັດການໃຊ້ໄຟຟ້າ.ໃນ6ເດືອນຕົ້ນປີນີ້,ປະລິມານຜະລິດໄຟຟ້າຂອງທົ່ວປະເທດແມ່ນ1970ຕື້600ລ້ານກິໂລວັດໂມງ,ຫຼາຍກວ່າໄລຍະດຽວກັນຂອງປີ2009 19,3%,ຈັງຫວະເຕີບໂຕເພີ່ມຂຶ້ນ21%ເມື່ອທຽບໃສ່ໄລຍະດຽວກັນຂອງປີ2009."
ບໍ່ພຽງແຕ່ໃນຕະຫຼາດພະລັງໄຟຟ້າມີຄວາມຕ້ອງການແລະການສະໜອງໄດ້ດີເທົ່ານັ້ນ, ຄວາມຕ້ອງການກັບການສະໜອງຂອງຕະຫຼາດຖ່ານຫີນກໍ່ມີສະພາບທີ່ດຸນດ່ຽງແຕ່ມີແຮງກົດດັນໂດຍລວມ,ຕະຫຼາດນ້ຳມັນສຳເລັດຮູບກຳລັງຄ່ອຍໆຟື້ນຟູຄືນໃໝ່.ໃນຂະນະທີ່ຮັບ ປະກັນຄວາມຕ້ອງການຂອງການພັດທະນາເສດຖະກິດທີ່ມີຕໍ່ພະລັງງານ,ຂະແໜງການພະລັງງານຂອງຈີນຍັງຕັ້ງໜ້າຊຸກຍູ້ການຫັນປ່ຽນຮູບການພັດທະນາເສດຖະກິດພະລັງງານ,ປະຕິບັດເປົ້າໝາຍປະຢັດພະລັງງານແລະຫຼຸດການລະບາຍມົນລະພິດໃຫ້ໜ້ອຍລົງນັ້ນຢ່າງແທ້ຈິງ.
ນອກນີ້,ເພື່ອຊຸກຍູ້ການພັດທະນາພະລັງງານສະອາດແລະພະລັງງານໃໝ່ໃຫ້ດີ ກວ່າເກົ່າ,ຮັບມືກັບການປ່ຽນແປງຂອງດິນຟ້າອາກາດໃນທົ່ວໂລກເປັນຢ່າງດີ,ກຳໂອກາດທີ່ມີຜົນປະໂຫຍດຕໍ່ການພັດທະນາຍຸດທະສາດໃນອະນາຄົດ,ລັດຖະບານຈີນຍັງໄດ້ຈັດຕັ້ງການວາງແຜນການພັດທະນາອຸດສາຫະກຳພະລັງງານທີ່ຈະເລີນໃໝ່,ໄລຍະປະຕິບັດແຜນການແມ່ນແຕ່ປີ2011ຫາປີ2020.ແຜນການນີ້ໄດ້ວາງແຜນຢ່າງລະອຽດຕໍ່ເສັ້ນທາງ ທີ່ນຳໃຊ້ເຕັກນິກໃໝ່ດ້ານພະລັງງານແບບອຸດສາຫະກຳ,ຂະໜາດການພັດທະນາແລະນະໂຍບາຍອັນສຳຄັນ.
ສຳລັບທ່າອຽງຂອງພະລັງງານຂອງຈີນໃນ 6 ເດືອນທ້າຍປີນີ້, ທ່ານໂຈ່ວສີອ່ານຄາດຄະເນໃນກອງປະຊຸມຂ່າວວ່າ,ເມື່ອພິຈາລະນາເຖິງປັດໄຈຕ່າງໆເຊັ່ນການພັດທະນາເສດຖະກິດດ້ານມະຫາພາກ,ຕົວເລກພື້ນຖານຂອງປີກາຍນີ້ແລະນະໂຍບາຍການດັດສົມຄວບຄຸມມະຫາພາກໃນມໍ່ໆມານີ້,ການເພີ່ມຂຶ້ນດ້ານການສະໜອງແລະຄວາມຕ້ອງການພະລັງງານຂອງຈີນໃນ 6 ເດືອນທ້າຍປີນີ້ອາດຈະຫຼຸດລົງ, ແຕ່ຍັງຮັກສາສະພາບເພີ່ມຂຶ້ນຢ່າງໝັ້ນທ່ຽງ."ການກໍ່ສ້າງເຮືອນຢູ່ແບບຮັບປະກັນໃນ 6 ເດືອນທ້າຍປີນີ້,ການໃຊ້ໄຟຟ້າຫຼາຍໃນລະດູຮ້ອນແລະລະດູໜາວເຮັດໃຫ້ໃຊ້ຖ່ານຫີນຫຼາຍ.ພ້ອມກັນນັ້ນນະໂຍບາຍໃໝ່ໃນການດັດສົມຄວບຄຸມມະຫາພາກອະສັງຫາລິມະຊັບ, ແຫ່ງຕ່າງໆປະຕິບັດໜ້າທີ່ປະຢັດພະລັງງານແລະຫຼຸດການລະບາຍມົນລະພິດແລະສະພາບຂອງໄຟຟ້າພະລັງນ້ຳໃນ 6 ເດືອນທ້າຍປີນີ້ຈະດີຂຶ້ນ,ຈະເຮັດໃຫ້ຄວາມຕ້ອງການຖ່ານຫີນຫຼຸດລົງ.ຄາດວ່າຄວາມຕ້ອງການຖ່ານຫີນໃນ 6 ເດືອນທ້າຍປີນີ້ຈະບໍ່ເພີ່ມຂຶ້ນຫຼາຍ,ສະພາບຄວາມຕ້ອງການແລະການສະໜອງຈະຜ່ອນຄາຍລົງ.
