ຕອນຄ່ຳວັນທີ20ກໍລະກົດນີ້,ທ່ານສົມດີ ບຸນຄຸ້ມ,ເອກອັກຄະລັດຖະທູດແຫ່ງສ.ປ.ປລາວປະ ຈຳສ.ປຈີນທີ່ນະຄອນຫຼວງປັກກິ່ງໄດ້ຕ້ອນຮັບທ່ານກົ້ວອີ້,ປະທານບໍລິສັດຟິວເຈີກຼຸບ (Future Group)ຂອງຈີນເພື່ອມອບເງິນຈຳນວນ1ໝື່ນ5ພັນຢວນຫຼືປະມານຫຼືປະມານ18ລ້ານກີບໃຫ້ແກ່ພາກສ່ວນກ່ຽວຂ້ອງຂອງລາວໂດຍຜ່ານສະຖານທູດລາວ.ເງິນຈຳນວນນີ້ ຈະໃຊ້ເຂົ້າໃນການຮຽບຮຽງ,ອັດເພງແລະດົນຕີທີ່ມີເນື້ອໃນກ່ຽວກັບມິດຕະພາບລາວ-ຈີນຄືນໃໝ່,ເພື່ອເປັນການກະກຽມໃຫ້ແກ່ການສະເຫຼີມສະຫຼອງວັນສ້າງຕັ້ງສາຍພົວພັນການທູດລະຫວ່າງລາວ-ຈີນຄົບຮອບ50ປີໃນປີໜ້າ.ໃນໂອກາດນີ້,ທ່ານເອກອັກຄະລັດຖະທູດລາວໄດ້ສະແດງຄວາມຂອບໃຈນຳຄະນະອຳນວຍການບໍລິສັດດັ່ງກ່າວແລະຈະນຳເອົາເງິນດັ່ງກ່າວໄປມອບໃຫ້ກົມສິນລະປະການສະແດງ,ກະຊວງຖະແຫຼງຂ່າວແລະວັດທະນະທຳເພື່ອນຳໃຊ້ເຂົ້າໃນຈຸດປະສົງທີ່ກ່າວມາ.
