ຕາມຂ່າວ cri: ກົດລະບຽບຄ້ມຸຄອງເກມອິນເຕີເນັດສະບັບຊົ່ວຄາວ ເຊິ່ງແມ່ນກົດລະບຽບເພື່ອເພີ່ມທະວີການຄຸ້ມຄອງເກມອິນເຕີແນັດສະບັບທຳອິດຂອງຈີນໄດ້ເລີ່ມປະຕິບັດນັບແຕ່ວັນທີ 1 ສິງຫານີ້ເປັນຕົ້ນໄປ,ກົດລະບຽບດັ່ງກ່າວໄດ້ມີການກຳນົດຢ່າງຈະແຈ້ງເທື່ອທຳອິດຕໍ່ເນື້ອໃນ,ຕະຫລາດ, ການດຳເນີນທຸລະກິດ,ການຕິດຕາມຄຸ້ມຄອງແລະຄວາມຮັບຜິດຊອບຕໍ່ກົດຫມາຍຂອງເກມອິນເຕີເນັດ.ພາກສ່ວນກ່ຽວຂ້ອງຜ່ານການຈະເພີ່ມທະວີຕິດການຕາມຄຸ້ມຄອງເນື້ອໃນ, ໃຊ້ມາດຕະການດ້ານເຕັກນິກແລະການປະຕິບັດວິໄນຂອງຂະແຫນງການ,ເພື່ອສ້າງສະພາບແວດລ້ອມອິນເຕີເນັດທີ່ປອດໃສໃຫ້ແກ່ຜູ່ໃຊ້ອິນເຕີເນັດໂດຍສະເພາະແມ່ນຜູ່ອາຍຸບໍ່ເຖິງກະສຽນ.
ໃນຫລາຍປີມານີ້,ຂະແຫນງການເກມອິນເຕີເນັດຂອງຈີນໄດ້ຂະຫຍາຍ ຕົວຢ່າງວ່ອງໄວ.ປື້ມປົກຂາວກ່ຽວກັບຕະຫລາດເກມອິນເຕີເນັດຈີນປີ 2009 ທີ່ກະຊວງວັດທະນະທຳປະກາດໃນຕົ້ນປີນີ້ຊີ້ອອກວ່າ, ປີ 2009, ຕະຫລາດເກມອິນເຕີເນັດຂອງຈີນມີມູນຄ່າເຖິງ 25 ຕື້ 800 ລ້ານຢວນ, ເພີ່ມຂຶ້ນຫລາຍກວ່າປີ 2008 ເກືອບ 40%,ຢູ່ແຖວຫນ້າຂອງໂລກ.ແຕ່ໃນຂະນະດຽວກັນນີ້, ຂະແຫນງການເກມອິນເຕີເນັດຂອງຈີນກໍ່ເກີດມີບັນຫາພົ້ນເດັ່ນຈຳນວນຫນຶ່ງ.ຕໍ່ເລື່ອງນີ້, ທ່ານລີຊຸງ, ຫົວຫນ້າກົມຕະຫລາດວັດທະນະທຳຂອງກະຊວງວັດທະນະທຳຈີນກ່າວວ່າ, ເພື່ອແກ້ໄຂບັນຫາເຫລົ່ານີ້ໄດ້ຕົກເປັນຢ່າງດີ, ກະຊວງວັດທະນະທຳຈີນໄດ້ວາງ ວິທີຄຸ້ມຄອງເກມອິນເຕີເນັດສະບັບຊົ່ວຄາວອອກ.ທ່ານກ່າວວ່າ:
"ເກມອິນເຕີເນັດໃນຖານະທີ່ເປັນສິ່ງບັນເທິງໃໝ່ແບບໜຶ່ງ, ໃນເວລາພັດທະນາຢ່າງວ່ອງໄວໃນຫຼາຍປີມານີ້, ກໍໄດ້ພາໃຫ້ເກີດບັນຫາສັງຄົມຕ່າງໆ, ກາຍເປັນຈຸດສຸມທີ່ວົງການຕ່າງໆຂອງສັງຄົມແລະສື່ມວນຊົນເປັນຫ່ວງນຳ.ປະຈຸບັນ,ບັນຫາພົ້ນເດັ່ນຂອງເກມອິນເຕີນັດສະແດງອອກໃນດ້ານການຕິດເກມອິນເຕີເນັດ, ເນື້ອໃນຂອງເກມອິນເຕີເນັດແລະຮັກສາສິດຜົນປະໂຫຍດຂອງຜູ້ຫຼິ້ນເກມອິນເຕີເນັດເປັນຕົ້ນ."
ສິ່ງທີ່ໜ້າສົນໃຈຄື: ໃນການພັດທະນາຂອງເກມອິນເຕີເນັດ, ເນື້ອໃນຂອງເກມອິນເຕີເນັດບໍ່ສ້າງສັນແລະຕິດງ່າຍມີຜົນສະທ້ອນຢ່າງໃຫຍ່ຫຼວງຕໍ່ຜູ້ຫຼິ້ນເກມອິນເຕີເນັດທີ່ອາຍຸບໍ່ເຕັມກະສຽນ.ຕາມສະຖິຕິ,ຮອດທ້າຍປີ 2009 ໃນທົ່ວປະເທດມີຜູ້ໃຊ້ອິນເຕີເນັດ 384 ລ້ານຄົນ, ໃນນັ້ນຜູ້ອາຍຸບໍ່ເຕັມກະສຽນກວມປະມານ 1 ສ່ວນ 3. ເປົ້າໝາຍຂອງຜູ້ໃຊ້ອິນເຕີເນັດເຫຼົ່ານີ້ຕົ້ນຕໍ່ກໍແມ່ນຫຼິ້ນເກມ.
ຕໍ່ຈຳນວນຜູ້ໃຊ້ອິນເຕີເນັດອາຍຸບໍ່ເຕັມກະສຽນຫຼາຍຂະໜາດນີ້, ນາງເສີນອີຢຸນ, ສາດສະດາຈານຂອງມະຫາວິທະຍາໄລສ້າງຄູປັກກິ່ງ,ຜູ້ຊ່ຽວຊານຄົ້ນຄວ້າຊາວໜຸ່ນໃຊ້ອິນເຕີເນັດທີ່ມີຊື່ສຽງຂອງຈີນຊີ້ອອກວ່າ: "ປະເທດພວກເຮົາມີຜູ່ອາຍຸບໍ່ເຖິງກະສຽນຈຳນວນຫຼວງຫຼາຍ,ແລະມີສ່ວນຫຼາຍຂຶ້ນອິນເຕີເນັດ.ສັງຄົມ,ໂຮງຮຽນ,ລັດຖະບານແລະພາກສ່ວນອື່ນໆຄວນເອົາໃຈໃສ່ຕໍ່ເລື່ອງນີ້ຢ່າງເອົາຈິງເອົາຈັງ,ຊອກຫາວິທີແລະໃຊ້ມາດຕະການຈຳນວນໜຶ່ງເພື່ອຫຼີກເວັ້ນບໍ່ໃຫ້ເຂົາເຈົ້າຕິດອິນເຕີເນັດ,ນຳພາໃຫ້ເຂົາເຈົ້ານຳໃຊ້ອິນເຕີເນັດຢ່າງຖືກຕ້ອງແລະປອດໄສ."
ໃນກົດລະບຽບສະບັບນີ້ມີມາດຕາພິເສດຂໍ້ໜຶ່ງແມ່ນແນໃສ່ຜູ່ອາຍຸບໍ່ເຖິງກະສຽນ. ມາດຕານີ້ຮຽກຮ້ອງໃຫ້ບໍລິສັດທຸລະກິດເກມອິນເຕີເນັດຕ້ອງໃຊ້ວິທີເພື່ອຮັບປະກັນບໍ່ໃຫ້ທຳລາຍຜູ່ອາຍຸບໍ່ເຖິງກະສຽນ.
ນອກນີ້,ກົດລະບຽບສະບັບນີ້ຍັງໄດ້ເພີ່ມທະວີການຄຸ້ມຄອງຕໍ່ເນື້ອໃນຂອງເກມອິນເຕີ ເນັດ,ລະບຸຢ່າງຊັດເຈນວ່າ,ເກມອິນເຕີເນັດບໍ່ຄວນມີເນື້ອໃນທີ່ລະເມີດກົດໝາຍ,ເຜີຍແຜ່ສິ່ງລາມົກ,ພະນັນ,ຄວາມຮຸນແຮງຫຼືຊີ້ທາງການກະທຳທີ່ບໍ່ດີເປັນຕົ້ນ.ພາກສ່ວນທີ່ກ່ຽວຂ້ອງຂອງລັດຈະເຊີນຜູ່ຊ່ຽວຊານດຳເນີນການສຳຫຼວດກວດກາແລະຈົດທະບຽນ,ວິສາຫະກິດທຸລະກິດເກມອິນເຕີເນັດຍັງຄວນສ້າງລະບອບກວດກາໂດຍຕົນເອງ,ຮັບປະກັນເນື້ອໃນແລະການເຮັດທຸລະກິດເກມອິນເຕີເນັດທີ່ຊອບດ້ວຍກົດໝາຍ.
