ຄຽງຄູ່ກັບທາງຜ່ານນານນິງ-ສິງກະໂປ ນັບມື້ນັບດຳເນີນໄປເປັນຢ່າງດີ,ທ່າກ່ຳປັ່ນຢູ່ບໍລິເວນອ່າວເປີຍປູ້ ໄດ້ພັດທະນາຢ່າງວ່ອງໄວ, ແລະເສັ້ນທາງທີ່ເຊື່ອມຕໍ່ອາຊຽນເພີ່ມຫຼາຍຂຶ້ນຢ່າງບໍ່ຢຸດຢັ້ງ, ບໍລິເວນອ່າວເປີຍປູ້ຂອງເຂດກວາງຊີທີ່ມີທ່າແຮງທາງພູມສາດໄດ້ກາຍເປັນຊຸມທາງມມະນາຄົມທາງທະເລ,ທາງບົກແລະທາງອາກາດລະຫວ່າງຈີນກັບອາຊຽນເທື່ອລະກ້າວ.
ຜູ່ຊ່ຽວຊານເຫັນວ່າ,ເມື່ອສັງເກດຈາກເງື່ອນໄຂດ້ານພູມສາດ, ເຂດເສດຖະກິດຂອງບໍລິເວນອ່າວເປີຍປູ້ແຂວງກວາງຊີ ຕັ້ງຢູ່ແຫ່ງທີ່ແລວເສດຖະກິດພາກໃຕ້ ພາກຕາເວັນຕົກສຽງໃຕ້ແລະແລວເສດຖະກິດອາຊຽນ, ແມ່ນເຂດໃຈກາງຂອງເຂດການຄ້າເສລີຈີນ-ອາຊຽນ,ມີທ່າແຮງທີ່ມີຈຸດພິເສດເພື່ອສ້າງຊຸມທາງຄົມມະນາຄົມທາງທະເລ ທາງບົກແລະທາງອາກາດທີ່ເຊື່ອມຕໍ່ຈີນກັບອາຊຽນ. ໃນຫຼາຍປີມໍ່ໆມານີ້,ເຂດກວາງຊີໄດ້ກຳແຫນັ້ນທ່າແຮງທາງພູມສາດເພື່ອພັດທະນາຢ່າງໃຫຍ່ຫຼວງ,ຍຶດຫມັ້ນຍຸດທະສາດພັດທະນາຄົມມະນາຄົມກ່ອນ,ເພື່ອປັບປຸງເຄືອຂ່າຍລະບົບຄົມມະນາຄົມດ້ວຍຮູບການສາມມິຕິຂອງອາຊຽນໃຫ້ດີຂຶ້ນ.
ທ່ານໂຈວອີ່ຫນົງ,ຮອງຫົວຫນ້າພະແນກຄົມມະນາຄົມແລະການຂົນສົ່ງຂອງເຂດປົກຄອງຕົນເອງເຜົ່າຈ້ວງກວາງຊີກ່າວວ່າ, ໃນການກໍ່ສ້າງທາງຫຼວງ,ມາຮອດທ້າຍປີ 2009,ຄວາມຍາວຂອງທາງຫຼວງເຂດກວາງຊີຍາວກວ່າ 1ແສນກິໂລແມັດ,ທາງ ຜ່ານທາງບົກສາກົນທີ່ເຊື່ອມຕໍ່ອາຊຽນໄດ້ສ້າງທາງດ່ວນເສັ້ນທຳອິດຄື:ທາງດ່ວນແຕ່ ນານນິງຫາດ່ານມິດຕະພາບພ້ອມດ້ວຍທາງຫຼວງລະດັບ 2 ແຫ່ງຊາດຫຼາຍເສັ້ນ. ; ວາງແຜນແລະກໍ່ສ້າງຈຸດເຊື່ອມຕໍ່ຂອງທາງດ່ວນຈາກກວາງຊີຫາຫວຽດນາມ, ທາງດ່ວນຈາກນານນິງຫາດ່ານມິດຕະພາບໄດ້ສ້າງສຳເລັດແລ້ວ,ທາງດ່ວນຈາກເມືອງທ່າຝາງເສີງຫາຕຸ່ງຊິ່ງໄດ້ເລີ່ມກໍ່ສ້າງແລ້ວ, ທາງດ່ວນງແຕ່ຈິ້ງຊີ່ຫາລົງປ່າງແລະທາງດ່ວນຈາກຊົງຈົວຫາສ້ຽວໂຂງກໍ່ຈະເລີ່ມກໍ່ສ້າງຕາມລຳດັບ. ທາງດ່ວນອອກສູ່ທະເລຂອງເຂດເສດຖະກິດບໍລິເວນອ່າວເປີຍປູ້ທີ່ວາງແຜນກໍ່ສ້າງ6ສາຍ, ໃນນັ້ນ3 ສາຍໄດ້ສ້າງສຳເລັດແລ້ວ ,ນອກນີ້ຍັງມີ 3 ສາຍກໍ່ຈະເລີ່ມບໍລິການໃນປີນີ້.
ໃນດ້ານທາງລົດໄຟ, ເຂດກວາງຊີພວມຕັ້ງໜ້າຊຸກຍູ້ການສ້າງທາງລົດໄຟຜ່ານອາຊີ, ທາງລົດໄຟຖຽນຕຸ່ງຫາເຕີປາວທີ່ໄດ້ເປີດໃຫ້ນຳໃຊ້ແລ້ວຈະຕິດຈອດກັບທາງລົດໄຟເຕີປາວຫາຈິ້ນຊີ່ທີ່ພວມສ້າງຢູ່ແລະທາງລົດໄຟຈິ້ນຊີ່ຫາຖຽນຫຼົງທີ່ພວມວາງແຜນຈະສ້າງນັ້ນ, ກາຍເປັນທາງລົດໄຟສາຍກາງທີ່ເນັ່ງໄປຫາຊາຍແດນຈີນກັບຫວຽດນາມ, ຄາດວ່າຈະກາຍເປັນໜຶ່ງໃນທາງລົດໄຟຜ່ານອາຊີ. ນອກນີ້, ລົດໄຟສາກົນຈາກນະຄອນນານນິງຂອງຈີນຫານະຄອນຮາໂນ້ຍຂອງຫວຽດນາມໄດ້ເລີ່ມເປີດບໍລິການແລ້ວ, ຊຸມທາງລົດໄຟນະຄອນນານນິງທີ່ລົງທຶນ 10 ຕື້ຢວນ, ຄວາມໄວ 250 ກິໂລແມັດຕໍ່ຊົ່ວໂມງນັ້ນກໍໄດ້ເລີ່ມສ້າງແລ້ວ, ພາຍຫຼັງຊຸມທາງດັ່ງກ່າວສ້າງສຳເລັດແລ້ວ, ຈະມີຜົນດີຕໍ່ລົດໄຟດ່ວນຂອງຈີນຕິດກັບປະເທດອາຊຽນ.
ພ້ອມກັນນັ້ນ, ເຂດກວາງຈີນໄດ້ນຳໃຊ້ທ່າແຮງຂອງອ່າວເປປູ້ເປັນທາງອອກທະເລທີ່ສະດວກທີ່ສຸດຂອງເຂດພາກຕາເວັນຕົກສຽງໃຕ້, ເລັ່ງລັດສ້າງພື້ນຖານໂຄງລ່າງຂອງທ່າກ່ຳປັ່ນອ່າວເປປູ້. ຮອດທ້າຍປີ 2009, ທ່າກ່ຳປັ່ນອ່າວເປປູ້ຂອງເຂດກວາງຊີມີບ່ອນຈອດກ່ຳປັ່ນລະດັບໝື່ນໂຕນ 46 ບ່ອນ, ມີຄວາມສາມາດສູງດ້ານຂົນສົ່ງເຖິງ 115 ລ້ານໂຕນ, ໄດ້ບັນລຸເປົ້າໝາຍທີ່ສ້າງທ່າກ່ຳປັ່ນຂັ້ນ 100 ລ້ານໂຕນຂອງ"ແຜນການ 5 ປີຄັ້ງທີ 11" ກ່ອນເວລາກຳນົດໜຶ່ງປີ.
ນອກນີ້,ໃນການຂົນສົ່ງທາງອາກາດ,ກວາງຊີໄດ້ເປີດຖ້ຽວບິນສາກົນໄປຫາ11ຕົວເມືອງສຳຄັນຂອງ8ປະເທດອາຊຽນ,ໂຄງການຂະຫຍາຍສ້າງສະໜາມບິນນານນີງກໍ່ພວມດຳເນີນຢູ່.
ພະແນກຄົມມະນາຄົມເຂດປົກຄອງຕົນເອງເຜົ່າຈ້ວງກວາງຊີແຈ້ງໃຫ້ຊາບວ່າ,ເພື່ອສ້າງຊຸມທາງ ຄົມມະນາຄົມສາມມິຕິຈີນ-ອາຊຽນຕື່ມອີກ,ເຂດກວາງຊີຈະໃຊ້ເວລາປະມານ10ປີ,ພະຍາຍາມສ້າງລະບົບຊ່ອງທາງສາກົນທີ່ອອກແຂວງ,ອອກຊາຍແດນແລະອອກທະເລໃຫ້ສຳເລັດ,ລະບົບ ນີ້ຈະຖືຊຸມທາງຄົມມະນາຄົມສາກົນນານນີງເປັນໃຈກາງ,ຖືທ່າກຳປັ່ນ,ດ່ານອາກາດເປັນການນຳ ທາງ,ຖື3ຊ່ອງທາງໃຫຍ່ຄື:ທາງທະເລອ່າວເປີຍປູ້,ທາງບົກນານນີງ-ສິງກະໂປແລະທາງອາກາດນານນີງ-ສິງກະໂປເປັນຊ່ອງທາງຕົ້ນຕໍ,ແລະຖືເສັ້ນທາງຂົນສົ່ງຈາກເຂດກວາງຊີໄປຫາແຂວງກວາງຕຸ້ງ,ຫູນານ,ກຸ້ຍໂຈ່ວແລະຢຸນນານເປັນສ່ວນຍູ້ໜູນທີ່ສຳຄັນ.
