ວັນທີ 19 ສິງຫານີ້,ຢູ່ປັກກິ່ງ,ຫ້ອງການໂຄສະນາຕໍ່ຕ່າງປະເທດສູນກາງພັກກອມມູນິດຈີນໄດ້ຈັດກອງປະຊຸມຂ່າວ,ເພື່ອແຈ້ງຄວາມຄືບໜ້າໃໝ່ຂອງການປະຕິຮູບລະບົບວັດທະນະທຳຈີນ.ໃນກອງປະຊຸມ,ທ່ານຊຸ່ນຈື້ຈຸ່ນ,ຮອງຫົວ ໜ້າຄະນະໂຄສະນາສູນກາງພັກຄອມມູນິດຈີນກ່າວວ່າ,ນັບແຕ່ເດືອນສິງຫາມາຮອດປະຈຸບັນນີ້,ຈີນໄດ້ດຳເນີນການປະຕິຮູບໃນຂົງເຂດຕ່າງໆຢ່າງຮອບດ້ານ,ເຊັ່ນ:ການພິມຈຳໜ່າຍ,ຮູບເງົາ,ການຄຸ້ມຄອງຕະຫຼາດວັດທະນະທຳເປັນຕົ້ນ,ກ່ອນປີ2012,ຈະສຳເລັດການປະຕິຮູບລະບົບວັດທະນະທຳໃນຂັ້ນພື້ນຖານ.
ໃນກອງປະຊຸມຂ່າວທີ່ຈັດຂຶ້ນໃນມື້ດຽວກັນ,ທ່ານຊຸ່ນຈື້ຈຸ່ນ,ຮອງຫົວໜ້າຄະນະໂຄສະນາຂອງສູນກາງພັກຄອມມູນິດຈີນກ່າວວ່າ,ການປະຕິຮູບລະບົບວັດທະນະທຳຂອງຈີນແມ່ນປິ່ນອ້ອມ 4 ດ້ານ,ຄື: ການສ້າງບໍລິສັດຂະໜາດໃຫຍ່ໃນຕະຫຼາດຄືນໃໝ່, ການສ້າງລະບົບຕະຫຼາດໃຫ້ສົມບູນ,ການປັບປຸງການຄຸ້ມຄອງດ້ານມະຫາພາກ,ແລະການຫັນປ່ຽນພາລະໜ້າທີ່ຂອງລັດຖະບານ.ຈີນໄດ້ດຳເນີນການປະຕິຮູບໃນຂົງເຂດຕ່າງໆຢ່າງຮອບດ້ານ, ເຊັ່ນ:ການພິມຈຳໜ່າຍ,ຮູບເງົາ,ການຄຸ້ມຄອງຕະຫຼາດວັດທະນະທຳເປັນຕົ້ນ, ແລະຈະສຳເລັດການປະຕິຮູບລະບົບວັດທະນະທຳໃນຂັ້ນພື້ນຖານກ່ອນປີ 2012.
ໃນກອງປະຊຸມຂ່າວ,ທ່ານໂອ່ຢາງຈ່ຽນ,ລັດຖະມົນຕີຊ່ວຍວ່າການກະຊວງວັດ ທະນະທຳຈີນກ່າວວ່າ,ຈີນກຳລັງເລັ່ງລັດການປະຕິຮູບລະບົບວັດທະນະທຳ. ຕາມຕົວເລກທີ່ບໍ່ຄົບຖ້ວນ,ມາຮອດຕົ້ນປີນີ້,ຈຳນວນຄະນະສິລະປະວັນນະຄະ ດີຂອງລັດທີ່ຫັນປ່ຽນເປັນວິສາຫະກິດມີ228ແຫ່ງ,ຈາກລະດັບແຂວງໄປຮອດລະດັບເມືອງ,ໄດ້ສ້າງຕະຫຼາດແຂງຂອງການສະແດງສິລະປະວັນນະຄະດີ ແບບໃໝ່ທີ່ມີກຳລັງແຂ່ງຂັນແລະສົ່ງຜົນດີຢ່າງຫຼວງຫຼາຍ.ທ່ານຍັງກ່າວວ່າ:
"ນັບແຕ່ປີ 2003 ມານີ້, ກະຊວງວັດທະນະທຳໄດ້ຫັນປ່ຽນ6ຫົວໜ່ວຍລະດັບກົມໃຫ້ເປັນວິສາຫະກິດ, ບົດພື້ນຖານດັ່ງກ່າວໄດ້ສ້າງກຸ່ມບໍລິສັດວັດທະນະທຳຕໍ່ຕ່າງປະເທດຂອງຈີນ,ກຸ່ມບໍລິສັດການສະແດງຕຸ້ງຟັ່ງຈີນ,ກຸ່ມບໍລິສັດສື່ສານວັດທະນະທຳຈີນແລະກຸ່ມບໍລິສັດກາຕູນຈີນຊິ່ງເປັນວິສາຫະກິດວັດທະນະທຳຂອງລັດ,ອັນໄດ້ສ້າງແບບຢ່າງໃຫ້ແກ່ການຫັນປ່ຽນລະບົບເປັນວິສາຫະກິດໃຫ້ແກ່ຫົວໜ່ວຍວຽກງານວັດທະນະທຳລະບົບວັດທະນະທຳຂອງທົ່ວປະເທດຈີນ."
ທ່ານໂອ່ຢາງຈ່ຽນຍັງກ່າວວ່າ, ໃນຂະບວນການປະຕິຮູບ,ຄະນະສິລະປະວັນນະຄະດີເອກະຊົນຂອງຈີນມີຫຼາຍກວ່າ 6800ຄະນະແລ້ວ, ໄດ້ສະແດງຫຼາຍກວ່າ 2 ລ້ານເທື່ອຕໍ່ປີ,ນີ້ໄດ້ສະໜອງບົດຮຽນທີ່ດີໃຫ້ແກ່ການປະຕິຮູບຂອງຄະນະສິລະປະວັນນະຄະດີຂອງລັດ.
ກ່ຽວກັບບັນຫາລົງເລິກປະຕິຮູບການປ່ຽນແປງລະບົບຂອງວຽກງານວິທະຍຸ, ຮູບເງົາແລະໂທລະພາບຂອງຈີນ, ນາງຈ້າວສື, ຮອງຫົວໜ້າກົມໃຫຍ່ວິທະຍຸ,ຮູບເງົາແລະໂທລະພາບແຫ່ງຊາດຈີນກ່າວເນັ້ນໃນກອງປະຊຸມວ່າ, ຈີນພວມອອກແຮງຊຸກຍູ້ການກໍ່ສ້າງລະບົບບໍລິການມວນຊົນທາງວິທະຍຸ, ຮູບເງົາແລະໂທລະພາບ, ເພື່ອສ້າງຜົນປະໂຫຍດໃຫ້ແກ່ປະຊາຊົນໃນຕົວເມືອງແລະຊົນນະບົດ. ຕໍ່ເລື່ອງນີ້, ນາງກ່າວວ່າ: "ພຽງແຕ່ໃນໄລຍະແຜນການຫ້າປີຄັ້ງທີ11,ຄະນະກຳມະການພັດທະນາແລະປະຕິຮູບແຫ່ງລັດຈີນແລະກະຊວງການເງິນຈີນໄດ້ອະນຸມັດເງິນງົບປະມານ8ຕື້670ລ້ານຢວນໃຊ້ເຂົ້າໃນໂຄງການໃຫ້ສັນຍານໂທລະພາບວິທະຍຸເຂົ້າໄປທຸກບ້ານ,11ຕື້40ລ້ານຢວນໃຊ້ເຂົ້າໃນໂຄງການໃຫ້ເຂດຕິເບດແລະຊິ່ນຈ່ຽງມີສັນຍານໂທລະພາບວິທະຍຸແລະ2ຕື້290ລ້ວນຢວນເຂົ້າໃນໂຄງການສາຍຮູບເງົາຢູ່ຊົນນະບົດ.ພວກເຮົານຳໃຊ້ເຕັກນິກຫຼາຍຢ່າງ ຄື:ນຳໃຊ້ສັນຍານແບບມີສາຍແລະບໍ່ມີສາຍແລະຖ່າຍທອດສົດຜ່ານດາວທຽມເປັນຕົ້ນ,ສຳເລັດວຽກງານທີ່ໃຫ້ສັນຍານໂທລະພາບວິທະຍຸເຂົ້າໄປໃນທຸກບ້ານທີ່ມີໄຟຟ້າແລະທຸກບ້ານທີ່ມີຫຼາຍກວ່າ50ຄອບຄົວໃນທົ່ວປະເທດ.ກ່ອນທ້າຍປີ2010,ຈະເຮັດໃຫ້ສັນຍານໂທລະພາບວິທະຍຸເຂົ້າໄປເຖິງ7ແສນ1ໝື່ນກວ່າບ້ານ ເຊິ່ງເປັນບ້ານທີ່ມີຫຼາຍກວ່າ20ຄອບຄົວໃນທົ່ວປະເທດ."
ນອກນີ້,ໃນກອງປະຊຸມ,ທ່ານຈຽງຈ້ຽນກົວ,ຮອງຫົວໜ້າກົມໃຫຍ່ຂ່າວສານແລະພິມຈຳ ໜ່າຍແຫ່ງຊາດຈີນບອກໃຫ້ຮູ້ວ່າ,ຂະແໜງການຂ່າວສານແລະພິມຈຳໜ່າຍຂອງຈີນໄດ້ມີໂຄງປະກອບທີ່ຖືລະບອບກຳມະສິດບໍ່ແມ່ນຂອງເອກະຊົນເປັນຕົ້ນຕໍ,ແລະລະບອບກຳມະສິດຫຼາຍປະເພດຮ່ວມກັນພັດທະນາໃນຂັ້ນພື້ນຖານ.ໃນຫົວໜ່ວຍຂ່າວສານພິມຈຳໜ່າຍ3ແສນ5ໝື່ນ7ພັນແຫ່ງທົ່ວປະເທດ,ມີຫົວໜ່ວຍຂອງເອກະຊົນຫຼາຍກວ່າ3ແສນ2ໝື່ນ4ພັນ ແຫ່ງ,ກວມ90,8%ຂອງຈຳນວນຫົວໜ່ວຍທັງໝົດ.
