ຈັດພິທີສະເຫຼີມສະຫຼອງການສ້າງຕັ້ງເຂດເສດຖະກິດພິເສດເຊີ່ນເຈີ້ນຄົບຮອບ 30 ປີ
(GMT+08:00) 2010-09-07 15:01:32 cri
ຕອນເຊົ້າວັນທີ 6 ກັນຍານີ້, ພິທີສະເຫຼີມສະຫຼອງການສ້າງຕັ້ງເຂດເສດຖະກິດພິເສດເຊີ່ນເຈີ້ນ ຄົບຮອບ 30 ປີໄດ້ຈັດຂຶ້ນຢູ່ນະຄອນເຊິ່ນເຈິ້ນຂອງຈີນ.ພິທີສະຫຼອງເທື່ອນີ້ໄດ້ສະຫຼຸບຜົນສຳເລັດແລະບົດຮຽນທີ່ດີຂອງເຂດເສດຖະກິດພິເສດເຊີ່ນເຈີ້ນໃນ 30 ປີຜ່ານມານີ້, ແລະເບິ່ງ ການພັດທະນາຂອງເຊີ່ນເຈີ້ນໃນອະນາຄົດ.ທ່ານຫູຈີນທ່າວ,ປະທານປະເທດຈີນໄດ້ເຂົ້າຮ່ວມພິທີແລະກ່າວຄຳປາໄສ,ທ່ານໄດ້ຢືນຢັນຢ່າງເຕັມທີ່ເຖິງຜົນສຳເລັດໃນການສ້າງສາແລະພັດທະນາຂອງເຂດເສດຖະກິດພິເສດ.ທ່ານຫູຈີນທ່າວກ່າວວ່າ,ລັດຖະບານຈະສະຫນັບສະຫນູນໃຫ້ເຂດເສດຖະກິດພິເສດຄົ້ນຄວ້າຫາເສັ້ນທາງການພັດທະນາຢ່າງກ້າຫານ,ປະຕິຮູບກ່ອນ ທົດລອງກ່ອນແລະເສີມຂະຫຍາຍບົດບາດຕະຫຼອດໄປ. ໃນຄຳປາໄສ,ທ່ານຫູຈີນທ່າວໄດ້ຢືນຢັນຈິດໃຈທີ່ບຸກບືນສູ້ຊົນແລະທັດສະນະທີ່ປະດິດສ້າງໃຫມ່ຂອງເຂດເສດຖະກິດພິເສດເຊີ່ນເຈີ້ນເພື່ອຍຶດຫມັ້ນການປະຕິຮູບຢ່າງເດັດດ່ຽວ,ກ້າເຮັດ ກ້າທົດລອງແລະກ້າປະຕິບັດກ່ອນກວ່າຫມູ່ຈີນໃນ 30 ປີມານີ້.
ທ່ານກ່າວວ່າ:"ເມື່ອໄດ້ທຳຄວາມພະຍາຍາມຢ່າງບໍ່ລົດລະມາເປັນເວລາ30 ປີ, ນະຄອນເຊີ່ນເຈີ້ນກໍ່ໄດ້ຈາກບ້ານຊາວປະມົງນ້ອຍໆທີ່ຢູ່ຫ່າງໄກ ກາຍມາເປັນນະຄອນໃຫຍ່ທີ່ທັນສະໄຫມ,ກຳລັງແຮງສັງລວມຕົວຈິງດ້ານເສດຖະກິດໄດ້ກ້າວຂຶ້ນສູ່ແຖວຫນ້າໃນນະຄອນຂະຫນາດໃຫຍ່ແລະກາງຂອງທົ່ວປະເທດ,ແລ້ວໄດ້ສ້າງເລື່ອງທີ່ອັດສະຈັນໃນປະຫວັດການພັດທະນາທີ່ຫັນເປັນອຸດສາຫະກຳ ທັນສະໄຫມແລະຕົວເມືອງຂອງໂລກ.ພະນັກງານແລະປະຊາຊົນໃນເຂດເສດຖະກິດພິເສດເຊີ່ນເຈີ້ນໄດ້ປະກອບສ່ວນທີ່ສຳຄັນເຂົ້າໃນການປະຕິຮູບແລະໄຂປະຕູຕໍ່ພາຍນອກແລະສ້າງສາສັງຄົມນິຍົມທັນສະໄຫມຂອງຈີນດ້ວຍຈິດໃຈທີ່ບຸກບືນສູ້ຊົນດ້ວຍພຶດຕິກຳຕົວຈິງທີ່ປະດິດສ້າງໃຫມ່."
ທ່ານຫູຈີນທ່າວກ່າວວ່າ, ການປະຕິຮູບເປີດປະຕູສູ່ພາຍນອກແມ່ນການເລືອກທີ່ສຳຄັນຕັດສິນຊະຕາກຳຂອງຈີນໃນຍຸກປະຈຸບັນ,ສອດຄ່ອງກັບຈິດໃຈຂອງພັກແລະປະຊາຊົນ, ຖືກກັບຍຸກສະໄໝ. ທ່ານກ່າວເນັ້ນວ່າ, ເຂດເສຖະກິດພິເສດບໍ່ພຽງແຕ່ຈະສືບຕໍ່ໄປເທົ່ານັ້ນ, ແຕ່ຄວນເຮັດໃຫ້ດີກວ່າເກົ່າ: "ກ້າປະຕິຮູບ, ກ້າປະດິດສ້າງໃໝ່, ບໍ່ຫູກການຕາຍຕົວຈົນເກີນໄປແລະບໍ່ຢຸດບາດກ້າວຄວາມກ້າວໜ້າ, ບໍ່ຢ້ານກົວຄວາມສ່ຽງໃດໆ, ບໍ່ຖືກລົບກວນຈາກສິ່ງໃດໆ. ສືບຕໍ່ຊຸກຍູ້ພາລະກິດຍິ່ງໃຫຍ່ການປະຕິຮູບເປີດປະຕູສູ່ພາຍນອກແລະສ້າງສາສັງຄົມນິຍົມທັນສະໄໝຢ່າງກ້າຫານ. ໃນຂະບວນການທີ່ສ້າງສັງຄົມອິ່ມໜຳສຳລານຢ່າງຮອບ ດ້ານແລະເລັ່ງລັດຊຸກຍູ້ສ້າງສັງຄົມນິຍົມທັນສະໄໝ, ຄວນສືບຕໍ່ສ້າງເຂດເສດຖະກິດພິເສດແລະສ້າງໃຫ້ດີກວ່າເກົ່າ. ລັດຖະບານຈີນຈະສືບຕໍ່ສະໜັບສະໜູນເຂດເສດຖະກິດພິເສດຄົ້ນຄວ້າຢ່າງກ້າຫານກວ່າເກົ່າ, ມີການກະທຳຕົວຈິງແລະການທົດລອງ, ເສີມຂະຫຍາຍບົດບາດຂອງເຂດເສດຖະກິດພິເສດ."
ທ່ານຫູຈິນທ່າວຮຽກຮ້ອງໃຫ້ເຂດເສດຖະກິດພິເສດລື້ງເຄີຍກັບການປ່ຽນແປງອັນໃໝ່ຂອງສະ ພາບການໃໝ່ພາຍໃນຈີນແລະຕ່າງປະເທດ,ອີງຕາມຄວາມຮຽກຮ້ອງຕ້ອງການອັນໃໝ່ຂອງການພັດທະນາຂອງປະເທດ,ສອດຄ່ອງກັບຄວາມປາຖະໜາອັນໃໝ່ຂອງປະຊາຊົນ,ອ່ວາຍໜ້າໄປສູ່ຄວາມທັນສະໄໝ,ອ່ວາຍໜ້າໄປສູ່ໂລກ,ອ່ວາຍໜ້າໄປສູ່ອະນາຄົດ, ສືບຕໍ່ປົດປ່ອຍແນວຄິດ,ຍຶດໝັ້ນການປະຕິຮູບແລະໄຂປະຕູສູ່ພາຍນອກ,ພະຍາຍາມເປັນ ຜູ່ຢືນຢູ່ແຖວໜ້າແຫ່ງການຊຸກຍູ້ການພັດທະນາຢ່າງຖືກຫຼັກວິທະຍາສາດແລະຊຸກຍູ້ຄວາມກົມກຽວຂອງສັງຄົມ.ທ່ານຫູຈິນທ່າວຮຽກຮ້ອງໃຫ້ເມືອງເຊິ່ນເຈີ້ນເລັ່ງລັດຫັນປ່ຽນຮູບການພັດທະນາເສດຖະກິດ,ສືບຕໍ່ລົງເລິກການປະຕິຮູບແລະໄຂປະຕູສູ່ພາຍນອກ,ສືບຕໍ່ເພີ່ມທະວີການສ້າງຄວາມສິວິໄລດ້ານຈິດໃຈຂອງສັງຄົມນິຍົມ,ສືບຕໍ່ຊຸກຍູ້ຄວາມກົມກຽວຂອງສັງຄົມແລະສືບຕໍ່ຊຸກຍູ້ການສ້າງສາພັກ.
ທ່ານວາງຢົງ,ເລຂາຄະນະພັກເມືອງເຊິ່ນເຈີ້ນກ່າວວ່າ,ເມືອງເຊິ່ນເຈີ້ນແມ່ນຂອງທົ່ວປະເທດ,ຄວາມຈະເລີນຮຸ່ງເຮືອງຂອງເຊິ່ນເຈີ້ນແມ່ນຜົນງານຂອງພັກແລະປະຊາຊົນທົ່ວປະເທດ.ເມືອງເຊິ່ນເຈີ້ນຈະຍຶດໝັ້ນດຳເນີນການປະຕິຮູບແລະໄຂປະຕູສູ່ພາຍນອກ,ກ້າບຸກບືນ,ກ້າທົດລອງ,ກ້າທົດລອງກ່ອນໝູ່,ພະຍາຍາມໃຫ້ໄດ້ຮັບຜົນງານກ່ອນໝູ່ໃນຂົງເຂດຈຸດສຸມແລະຂອດທີ່ເປັນຂໍ້ກະແຈ,ເສີມຂະຫຍາຍບົດບາດທີ່ເປັນປ່ອງຢ້ຽມແລະນາທົດລອງນັ້ນເປັນຢ່າງດີຕື່ມອີກ.
ທ່ານເຈິ່ງອິ່ນຊວນ,ຜູ່ວ່າການເຂດບໍລິຫານພິເສດຮົງກົງແລະທ່ານຊຸ່ຍຊື້ອ່ານ,ຜູ່ວ່າການເຂດບໍລິຫານພິເສດມາກາວກໍ່ໄດ້ເຂົ້າຮ່ວມພິທີສະຫຼອງ.
