ມື້ນີ້ແມ່ນບຸນໄຫວ້ພະຈັນ ເຊິ່ງເປັນບຸນປະເພນີຂອງຈີນ, ແຫ່ງຕ່າງໆຂອງຈີນໄດ້ຈັດກິດຈະກຳອັນອຸດົມສົມບູນ, ຫຼິ້ນບຸນໄຫວ້ພະຈັນຢ່າງມ່ວນຊື່ນ. ຕໍ່ໄປເຊີນຟັງລາຍລະອຽດ.
ຢູ່ນະຄອນຫຼວງປັກກິ່ງ, ບຸນໄຫວ້ພະຈັນໃນປີນີ້ມີຮູບກາຕຸນໃໝ່, ຄືຮູບກາຕຸນກະຕ່າຍ, ຮູບກາຕຸນກະຕ່າຍມາຈາກພື້ນສືບທີ່ມີຫົວເລື່ອງວ່າ ກະຕ່າຍໃນລາດຊະວັງດວງຈັນ ໃນວັດທະນະທຳບູຮານຂອງຈີນ, ຮູບໂສມໃບໜ້າຂອງກະຕ່າຍນີ້ຖືກເຮັດເປັນຮູບກາຕຸນ, ແມ່ນເຄື່ອງໄຫວ້ບູຊາແລະເຄື່ອງຫຼິ້ນຂອງເດັກນ້ອຍໃນຍາມບຸນໄຫວ້ພະຈັນ. ຫຼາຍມື້ມານີ້, ຮູບກາຕຸນກະຕ່າຍໄດ້ຂ່າຍດິບຂາຍດີຢູ່ໃນຮ້ານທາງອິນເຕີເນັດແລະຮ້ານຄ້າຕ່າງໆຢູ່ນະຄອນຫຼວງປັກກິ່ງ.
ບຸນໄຫວ້ພະຈັນຍັງແມ່ນໜຶ່ງໃນສາມບຸນໂຄມໄຟທີ່ມີຊື່ສຽງຂອງຈີນ, ຊົມໂຄມໄຟກໍແມ່ນກິດຈະກຳວັດທະນະທຳທີ່ຂາດບໍ່ໄດ້ໃນຍາມບຸນໄຫວ້ພະຈັນ. ຕອນກາງຄືນວັນທີ21ກັນຍານີ້ ຄືນກ່ອນບຸນໄຫວ້ພະຈັນ, ໃນຮ້ານຄ້າອີ້ຢວນຂອງນະຄອນຊຽງໄຮ, ໂຄມໄຟຕ່າງໆໄດ້ຕົບແຕ່ງຮ້ານຕ່າງໆຢ່າງງົດງາມ.
ໃນໄລຍະບຸນໄຫວ້ພະຈັນ, ແຫ່ງຕ່າງໆຂອງຈີນຍັງໄດ້ຈັດງານລາຕີສະໂມສອນປະເພດຕ່າງໆ. ທ່ານອີກ່ວງຈົ່ງ ນັກກະວີທີ່ມີຊື່ສຽງຂອງໄຕ້ຫວັນຈີນກໍໄດ້ຜ່ານຈາກໜ້າຈໍໃຫຍ່, ອ່ານກາບກອນທີ່ມີຫົວເລື່ອງວ່າ ຊ່ຽງໂສ ແປວ່າຄິດຮອດບ້ານເກີດເມືອງນອນ ເຊິ່ງເປັນບົດກະວີທີ່ມີຊື່ສຽງທີ່ສຸດຂອງທ່ານສູ່ພີ່ນ້ອງຢູ່ບ້ານເກີດຂອງຕົນຟັງ, ຜ່ານຈາກບົດກະວີດັ່ງກ່າວຮັດແໜ້ນການພົວພັນລະຫວ່າງແຜ່ນດິນໃຫຍ່ກັບໄຕ້ຫວັນ, ແລະກໍໄດ້ສ່ອງແສງໃຫ້ເຫັນເຖິງຈິດໃຈຂອງທ່ານທີ່ຄິດຮອດບ້ານເກີດໃນຍາມບຸນໄຫວ້ພະຈັນ:
ຈິດໃຈທີ່ຄິດຮອດບ້ານເກີດກໍຄືສະແຕັມນ້ອຍໆໃບໜຶ່ງ, ຂ້ອຍຢູ່ສົ້ນນີ້, ແມ່ຢູ່ສົ້ນນັ້ນ, ເມື່ອເຕີບໃຫຍ່ຂຶ້ນມາແລ້ວ, ຈິດໃຈທີ່ຄິດຮອດບ້ານເກີດກໍຄືປີ້ເຮືອ, ຂ້ອຍຢູ່ສົ້ນນີ້, ເຈົ້າສາວຂອງຂ້ອຍຢູ່ສົ້ນນັ້ນ.
ບຸນໄຫວ້ພະຈັນ, ນອກຈາກການອ່ານບົດກະວີຊົມເບິ່ງດວງຈັນແລ້ວ, ການຊີມຂະໜົມໄຫວ້ພະຈັນແລະອາຫານແຊບມົວຊະນິດຕ່າງໆກໍ່ແມ່ນປະເພນີຂອງແຫ່ງຕ່າງໆ, ໃນຍາມບຸນໄຫວ້ພະຈັນ, ຄົບເມືອງຢາງໂຈວມັກກິນຂະໜົມເປຍ, ເປັນສັນຍາລັກແຫ່ງການເຕົ້າໂຮມສາມັກຄີກັນ, ກໍ່ມີຄວາມໝາຍສະຫຼອງການເກັບກ່ຽວໄດ້ຜົນອຸດົມສົມບູນ. ທ່ານຮວງຈີລີນຜູ້ຊ່ຽວຊານດ້ານປະເພນີພື້ນເມືອງຂອງເມືອງຢາງໂຈວກ່າວວ່າ:
"ທີ່ຈິງແລ້ວບໍ່ວ່າຈະແມ່ນຂະໜົມໄຫວ້ພະຈັນ, ຂະໜົມເປຍເຮັດເອງຫຼືວ່າຂະໜົມເປຍປະເພດຕ່າງໆ, ລ້ວນແຕ່ເພື່ອສະແດງການເຕົ້າໂຮມສາມັກຄີກັນຂອງຄອບຄົວ. ຂະໜົມຊະນິດນີ້ມີແຫຼ່ງກຳເນີດໃນລາຊະວົງຈີ້ນຄ.ສ265ປີຫາຄ.ສ420ປີຂອງຈີນ. ແລະກາຍເປັນປະເພນີຕົວຈິງໃນລາຊະວົງໂຊ້ງຄ.ສ960ປີຫາຄ.ສ1279ປີຂອງຈີນ"
ເມື່ອຮອດບຸນແລ້ວກໍ່ຄິດຮອດຍາດພິ່ນ້ອງຫຼາຍ. ມີຫຼາຍຫຼາຍຄົນເຮັດວຽກຫຼືສຶກສາຢູ່ຕ່າງຖິ່ນຕ່າງແຂວງກັບຄືນບ້ານເກີດບໍ່ໄດ້, ເຂົາເຈົ້າກໍ່ໂທລະສັບແລະຝາກສົ່ງຂະໜົມໄຫວ້ພະຈັນເພື່ອສະແດງອາລົມຈິດທີຄິດຮອດຄອບຄົວຍາດພິ່ນ້ອງເພື່ອນມິດຂອງຕົນເອງ. ທ່ານປາຍກ່າວວ່າ:
"ຍ້ອນວ່າຂ້ອຍເຮັດວຽກຢູ່ຕ່າງຖິ່ນ,ໃນບຸນໄຫວ້ພະຈັນບໍ່ມີເວລາຢ່າງພຽງພໍທີ່ກັບຄືນບ້ານເກີດ,ສະນັ້ນຂ້ອຍກໍ່ໄດ້ສົ່ງຂະໜົນໄຫວ້ພະຈັນແລະຂອງຂວັນໄປຍັງຍາດພີ່ນ້ອງຢູ່ບ້ານເກີດໃນສອງສາມມື້ກ່ອນ.ເຖິງວ່າບໍ່ມີໂອກາດກັບຄືນບ້ານເກີດ,ແຕ່ວ່າການສົ່ງຄຳອວຍພອນແມ່ນຂາດບໍ່ໄດ້."
ໃນບຸນໄຫວ້ພະຈັນທີ່ຄອບຄົວເຕົ້າໂຮມກັນ,ສະພາບຊີວິດການເປັນຢູ່ຂອງຜູ່ປະສົບໄພດິນພູເຈື່ອນຢູ່ເມືອງຈູ່ຊູ່ແຂວງກັ່ນຊູ້ເຮັດໃຫ້ຄົນທັງຫຼາຍເປັນຫ່ວງເປັນໃຍຫຼາຍ.ເມື່ອໄພດິນພູເຈື່ອນໄດ້ເກີດຂຶ້ນເດືອນໜຶ່ງແລ້ວ,ຕະຫຼາດຂອງເຂດປະສົບໄພໄດ້ຄ່ອຍໆຟື້ນຟູເປັນປົກກະຕິ,ຢູ່ໃຈກາງເມືອງໄດ້ມີພໍ່ຄ້າຊາວຂາວເອກະຊົນ650ກວ່າຫົວໜ່ວຍໄດ້ຟື້ນຟູຂາຍເຄື່ອງ,ມີສິນຄ້າຊະນິດຕ່າງໆຢ່າງພຽງພໍ,ຂອງຂວັນເພື່ອບຸນໄຫວ້ພະຈັນທີ່ທ້ອງຖິ່ນຕ່າງໆສົ່ງມາໃຫ້ແກ່ເຂດປະສົບໄພກໍ່ໄດ້ສົ່ງຄວາມເອົາໃຈໃສ່ແລະຮັກແພງມາຍັງຜູ່ປະສົບໄພ.ໃນໂອກາດທີ່ບຸນໄຫວ້ພະຈັນວຽນມາເຖິງ,ໃນຕຶກຫ້ອງການຂອງເມືອງໂຈ່ວຊູ່,ພະນັກງານຂອງອົງການກາແດງກຳລັງຄາວຽກຮັບເອົາແລະຈົດທະບຽນຂະໜົມໄຫວ້ພະຈັນທີ່ບໍລິ ຈາກ.ທ່ານລິວເພີງຫວູ,ຫົວໜ້າອົງການກາແດງເມືອງໂຈ່ວຊູ່ບອກນັກຂ່າວວ່າ:"ພວກເຮົາຈະສົ່ງຂະໜົມໄຫວ້ພະຈັນທີ່ບໍລິຈາກເຫຼົ່ານີ້ໃຫ້ແກ່ບ້ານຢຸ້ຍຢວນແລະບ້ານຊ່ານຢັນທີ່ປະສົບໄພໜັກໜ່ວງທີ່ສຸດ,ຍັງຈະສົ່ງສ່ວນໜຶ່ງໃຫ້ແກ່ຜູ່ເຖົ້າທີ່ບໍ່ມີຄອບຄົວ,ເຮັດໃຫ້ປະຊາຊົນຜູ່ປະສົບໄພມີຂະໜົມໄຫວ້ພະຈັນກິນໃນຍາມບຸນ."
