ແຜນຈັດກິດຈະກຳ
(GMT+08:00) 2010-09-27 09:38:42 cri
ເພື່ອສະແດງໃຫ້ເຫັນໂສມໜ້າຕົວເມືອງທ່ອງທ່ຽວຂອງຈີນ, ເຜີຍແຜ່ແຫຼ່ງທ່ອງທ່ຽວຕົວເມືອງ, ວິທະຍຸສາກົນແຫ່ງປະເທດຈີນ, ເວັບໄຊCriOlineໄດ້ຈັດກິດຈະກຳເວັບໄຊ"ລາຍຊື່ຕົວເມືອງຂອງຈີນປີ 2010--ຕົວເມືອງທ່ອງທ່ຽວຈີນທີ່ຜູ້ໃຊ້ອິນເຕີເນັດທົ່ວໂລກຮ່ວມກັນຄັດເລືອກ".
ຄຽງຄູ່ກັບການຫັນເປັນຕົວເມືອງຂອງຈີນເລັ່ງລັດຂຶ້ນ, ຕົວເມືອງໄດ້ກາຍເປັນສະຖານທີ່ທີ່ສຳຄັນຂອງຈີນ, ຕົວເມືອງຈຳນວນໜຶ່ງທີມີເອກະລັກພິເສດດ້ານວັດທະນະທຳແລະແຫຼ່ງທ່ອງທ່ຽວໄດ້ກາຍເປັນບ່ອນນັກທ່ອງທ່ຽວຢາກທີ່ມາທ່ຽວຈີນ. ເພື່ອຍົກສູງຄວາມສາມາດການແຂ່ງຂັນດ້ານທ່ອງທ່ຽວຂອງຕົວເມືອງ, ເໝາະກັບຂະບວນຫັນເປັນສາກົນທີ່ເລັ່ງລັດຢ່າງບໍ່ຢຸດຢັ້ງ, ຫຼາຍຕົວເມືອງຂອງຈີນໄດ້ປັບປຸງຊັບພະຍາກອນທາງວັດທະນະທຳ, ການທ່ອງທ່ຽວແລະເສດຖະກິດຂອງຕົນໂດຍອີງຕາມລັກສະນະຂອງຕົນ, ໃນເວລາເພີ່ມທະວີການກໍ່ສ້າງພື້ນຖານໂຄງລ່າງທາງການທ່ອງທ່ຽວ, ຍັງໄດ້ເອົາໃຈໃສ່ນຳການສ້າງສິ່ງແວດລ້ອມ, ເພື່ອສ້າງຮູບຊົງຕົວເມືອງທີ່ມີເອກະລັກພິເສດ, ດຶງດູດນັກທ່ອງທ່ຽວຕ່າງປະເທດ. ປະຈຸບັນ, ຈີນໄດ້ກາຍເປັນປະຍທາງການທ່ອງທ່ຽວໃຫຍ່ອັນດັບ 3 ໃນໂລກ, ງານວາງສະແດງໂລກຊຽງໄຮທີ່ໄດ້ຈັດຂຶ້ນທີ່ຖືຕົວເມືອງເປັນຫົວຂໍ້ນັ້ນໄດ້ກາຍເປັນໂອກາດສຳຄັນໜຶ່ງທີ່ສະແດງພາບພົດຂອງຕົວເມືອງຈີນ. "ລາຍຊື່ຂອງຕົວເມືອງຈີນ-- ຕົວເມືອງທ່ອງທ່ຽວຈີນທີ່ຜູ້ໃຊ້ອິນເຕີເນັດທົ່ວໂລກຮ່ວມກັນຄັດເລືອກ" ໄດ້ອີງຕາມເວທີເວັບໄຊຫຼາຍພາສາຂອງCrionlineແລະສື່ຮ່ວມມືກັບຕ່າງປະເທດ, ທ້ອນໂຮມເອົາການຕີລາຄາຂອງຜູ້ໃຊ້ອິນເຕີເນັດທົ່ວໂລກຕໍ່ຕົວເມືອງທ່ອງທ່ຽວຂອງຈີນດ້ວຍວິທີໃຫ້ຄະແນນທາງອິນເຕີເນັດ, ໄດ້ສະໜອງເວທີໜຶ່ງທີ່ຕົວເມືອງທ່ອງທ່ຽວຈີນສະແດງສະເໜ່ພິເສດຂອງຕົນຕໍ່ທົ່ວໂລກ, ແນະນຳແຫຼ່ງທ່ອງທ່ຽວ, ວັດທະນະທຳຮີດຄອງປະເພນີວິຖີຊີວິດທີ່ມີເອກະລັກຂອງຈີນໃຫ້ແກ່ຜູ້ໃຊ້ອິນເຕີເນັດທົ່ວໂລກ.
ບົນພື້ນຖານທີ່ເອົາຄວາມເຫັນຈາກຜູ່ຊ່ຽວຊານທີ່ມີຊື່ສຽງແລະໃຊ້ມາດຕະຖານສາກົນ, ເຈົ້າພາບໄດ້ວາງເງື່ອນໄຂສຳລັບການຄັດເລືອກເອົາຕົວເມືອງທີ່ເຂົ້າຮ່ວມກິດຈະກຳ"ລາຍຊື່ຕົວເມືອງຂອງຈີນປີ 2010--ຕົວເມືອງທ່ອງທ່ຽວຈີນທີ່ຜູ້ໃຊ້ອິນເຕີເນັດທົ່ວໂລກຮ່ວມກັນຄັດເລືອກ".ຄື: ທິດທັດຕົວເມືອງທີ່ສວຍງາມ, ສະພາບແວດລ້ອມເໝາະກັບຄົນອາໄສທີ່ປອດໄພແລະກົມກຽວ, ສະພາບປະຊາຊົນທີ່ເປັນມິດເປີດປະຕູສູ່ພາຍນອກແລະສິ່ງກໍ່ສ້າງຕົວເມືອງແລະແຫຼ່ງທ່ອງທ່ຽວທີ່ອຸດົມສົມບູນ. ຕາມລະບຽບຂອງການເຂົ້າຮ່ວມກິດຈະກຳ, ວັນທີ 12 ເມສາຫາວັນທີ 27 ມິຖຸນາແມ່ນໄລຍະຮັບເອົາຕົວເມືອງເຂົ້າຮ່ວມການເລືອກຕັ້ງ, ເລີ່ມຮັບຕົວເມືອງສະເໜີຕົວແລະການແນະນຳຂອງຜູ້ໃຊ້ອິນເຕີເນັດ, ສຸດທ້າຍຕົກລົງຄັດເລືອກເອົາ 50 ຕົວເມືອງທີ່ໄດ້ມາດຕະຖານ. ວັນທີ 28 ມິຖຸນາຫາວັນທີ 26 ກັນຍາ, ເວັບໄຊພາສາຕ່າງໆຂອງCrionlineແລະເວັບໄຊຮ່ວມມືກັບຕ່າງປະເທດຈະສະເໜີກິດຈະກຳໃຫ້ຄະແນນ, ຕາມຜົນການໃຫ້ຄະແນນຂອງຜູ້ໃຊ້ອິນເຕີເນັດ, ຈະເລືອກເອົາ 20 ຕົວເມືອງເຂົ້າຮ່ວມການແຂ່ງຂັນຮອບສຸດທ້າຍ. ວັນທີ 27 ກັນຍາຫາວັນທີ 26 ພະຈິກ, ຕາມຜົນການໃຫ້ຄະແນນຂອງຜູ້ໃຊ້ອິນເຕີເນັດ, ໃຫ້ຄະນະກຳມະການຜູ້ຊ່ຽວຊານຕັດສິນເລືອກເອົາ 10 ຕົວເມືອງທີ່ຈະໄດ້ຮັບນາມມະຍົດ"ຕົວເມືອງທ່ອງທ່ຽວຈີນທີ່ຜູ້ໃຊ້ອິນເຕີເນັດທົ່ວໂລກຄັດເລືອກ". ຫຼັງຈາກນັ້ນ, ເຈົ້າພາບຈະຈັດພິທີມອບລາງວັນຢ່າງຄືກຄື້ນ, ຜູ້ໃຊ້ອິນເຕີເນັດທີ່ເຂົ້າຮ່ວມການລົງຄະແນນຈະມີໂອກາດໄດ້ຮັບລາງວັນທີ່ເຂົ້າຮ່ວມພິທີມອບລາງວັນແລະທ່ຽວບາງຕົວເມືອງທີ່ຖືກຄັດເລືອກ.
ຍິນດີຕ້ອນຮັບທ່ານເຂົ້າຮ່ວມການແນະນຳຕົວເມືອງແລະໃຫ້ຄະແນນຢ່າງຕັ້ງໜ້າ, ເຮັດໃຫ້" 10 ຕົວເມືອງດີເດັ່ນຂອງຈີນ"ໃນຫົວໃຈຂອງທ່ານມີໂອກາດໄດ້ຮັບການຄັດເລືອກຫຼາຍຂຶ້ນ.