ມາດຖານການຄັດເລືອກ
(GMT+08:00) 2010-09-27 09:42:47 cri
1.ທິວທັດຂອງນະຄອນສວຍງາມດຶງດູດຄົນເປັນພິເສດ
ອະລິຍະທຳຈີນທີ່ຮຸ່ງເຮືອງ,ວັດທະນະທຳປະຫວັດສາດອັນຍາວນານ,ທິວທັດທຳມະຊາດຂອງນະຄອນຈີນທີ່ສວຍສົດງົດງາມເຫມືອນມະນຸດເຮົາສ້າງຂຶ້ນລ້ວນແຕ່ເປັນສິ່ງດຶງດູດນັກທ່ອງທ່ຽວຕ່າງປະເທດເຂົ້າມາທ່ອງທ່ຽວເມືອງຈີນ.ພູມສັນ ຖານເຂດແຄວ້ນທີ່ຕ່າງຫມູ່,ວັດທະນະທຳມາແຕ່ປະຫວັດສາດອັນເກົ່າແກ່ຈະເຮັດໃຫ້ນະຄອນມີສະເຫນ່ຫລາຍຂຶ້ນ.ບໍ່ວ່າຈະເປັນທິວທັດທຳມະຊາດຫລືວ່າເປັນທິວ ທັດວັດທະນະທຳ,ຍິ່ງມີເອກະລັກຂອງຈີນກໍຍິ່ງມີສະເຫນ່.
2.ສະພາບແວດລ້ອມຫນ້າຢູ່,ປອດໄພ ແລະ ກົມກຽວ
ນະຄອນທີ່ດີກວ່າ,ພາໃຫ້ຊີວິດທີ່ດີກວ່າ.ສະພາບແວດລ້ອມກໍປຽບຫມືອນເສື້ອຂອງນະຄອນ,ແມ່ນປັດໄຈທຳອິດທີ່ດຶງດູດນັກລົງທຶນ ແລະ ນັກທ່ອງທ່ຽວ .ຄວາມປອດໄພແລະສະຖຽນລະພາບກໍເປັນປັດໄຈທີ່ສະແດງໃຫ້ເຫັນວ່ານະຄອນນີ້ກຳລັງພັດ ທະນາແບບຍືນຍົງຢ່າງມີຊີວິດຊີວະ.ສະພາບພື້ນຖານໂຄງລ່າງຂອງນະຄອນ,ສະ ຕິອະນຸລັກສິ່ງແວດລ້ອມຂອງຊາວນະຄອນລ້ວນແຕ່ສະແດງໃຫ້ເຫັນເຖິງຊີວິດການເປັນຢູ່ແລະທ່າທີຊີວິດຂອງຊາວນະຄອນ.
3.ປະຊາຊົນມີໄມຕິຈິດມິດຕະພາບ ແລະ ມັກພົວພັນກັບພາຍນອກ
ປະຊາຊົນທີ່ດຳລົງຊີວິດຢູ່ໃນນະຄອນກໍເປັນແວ່ນທີ່ສ່ອງແສງເຖິງຈຸດພິເສດຂອງນະຄອນນັ້ນ, ເອກະລັກ ແລະ ວັດທະນະທຳຊົນເຜົ່າເປັນສິ່ງທີ່ເຮັດໃຫ້ນະຄອນພົ້ນເດັ່ນຂຶ້ນ,ປະຊາຊົນທີ່ເປັນມິດ ແລະ ມີນ້ຳໃຈສະແດງໃຫ້ຊາວໂລກເຫັນເຖິງທາດແທ້ອະລິຍະທຳຕາເວັນອອກ.
4.ສິ່ງກໍ່ສ້າງທ່ອງທ່ຽວຄົບຖ້ວນ
ເມືອງທ່ອງທ່ຽວເປັນປ່ອງຢ້ຽມທີ່ຊາວໂລກເບິ່ງປະເທດຈີນໂດຍກົງ,ການແນະນຳ
ທີ່ລະອຽດຂອງນະຄອນ,ລະບົບການປົກຄອງຢ່າງມີວິທະຍາສາດຂອງນະຄອນ, ລະບົບໂທລະຄົມທີ່ທັນສະໄຫມລ້ວນແຕ່ເປັນມາດຖານທີ່ວັດແທກລະດັບສະກົນ ຂອງນະຄອນນັ້ນ.
