ຄຳຂວັນ:ເມືອງເວນິສຕາເວັນອອກ
ທີ່ຕັ້ງ:ພາກເຫນືອຂອງແຂວງເຈີ້ຈ່ຽງ,ພາກຕາເວັນອອກຂອງຈີນ,ເປັນເທດສະບານຂອງແຂວງເຈີ້ຈ່ຽງ.ເມືອງຮາງໂຈ່ວຢູ່ຕອນເຫນືອຂອງພາກຕາເວັນອອກທີ່ແຄມທະເລ,ເປັນເມືອງເສດຖະກິດອັນດັບ2ໃນເຂດສາມຫຼ່ຽມປາກແມ່ນ້ຳຢາງຊີກຽງ.
ເມືອງຮາງໂຈ່ວແມ່ນເມືອງທ່ອງທ່ຽວທິວທັດທຳມະຊາດທີ່ມີຊື່ສຽງຂອງຈີນ.ຢູ່ຈີນມີສຸພາສິດເວົ້າວ່າ"ຢູ່ເທິງຟ້າມີເມືອງສະຫວັນ,ຢູ່ເມືອງຄົນມີເມືອງຊູ່ໂຈ່ວແລະຮາງໂຈ່ວ",ເຊິ່ງໄດ້ສະແດງເຖິງຄວາມ ຍ້ອງຍໍສັນລະເສີນດ້ວຍຄວາມຈິງໃຈຂອງຄົນບູຮານຕໍ່ເມືອງທີ່ສວຍງາມນີ້.ເມືອງຮາງໂຈ່ວເປັນຫນຶ່ງໃນ8ເມືອງຫລວງບູຮານຂອງຈີນ,ເປັນເມືອງວັດທະນະທຳປະຫວັດສາດແຫ່ງຊາດງວດທຳອິດຂອງຈີນ.
ເມືອງຫາງໂຈ່ວມີຊັບພະຍາກອນທຳມະຊາດອັນອຸດົມສົມບູນ,ມີແມ່ນ້ຳ130ກວ່າສາຍໄຫລຜ່ານໃຈກາງເມືອງ,ສົມຊື່ເປັນເວນິສຕາເວັນ ອອກ.ເມືອງຮາງໂຈ່ວມີແຫຼ່ງທ່ອງທ່ຽວທຳມະຊາດລະດັບຊາດ2ແຫ່ງຄື:ແຫຼ່ງທ່ອງທ່ຽວຊີ່ຫູ ແລະ ແຫຼ່ງທ່ອງທ່ຽວ2ແມ່ນນ້ຳແລະ1ຫນອງ
(ແມ່ນ້ຳຟູ້ຊຸ່ນ,ແມ່ນ້ຳຊິນອ່ານແລະຫນອງພັນດອນ),ເຂດສະຫງວນທຳ ມະຊາດລະດັບຊາດ2ແຫ່ງ,ຄື:ພູທ່ຽນມູ້,ຈອມພູຊິງລຽງ,ປ່າສະຫງວນແຫ່ງຊາດ6ແຫ່ງ,ຄື:ຫນອງພັນດອນ,ພູຕ້າຊີ,ພູອູຊາວ,ແມ່ນ້ຳຟູ້ຊຸ່ນ, ຫນອງພູຊິ່ງຊ່ານແລະປ່າສະຫງວນຢາວຫຼິນ,ດິນທາມລະດັບຊາດແຫ່ງທຳອິດ,ຄື:ເຂດດິນທາມແຫ່ງຊາດຊີ່ຊີ່.
1 2 
