ເມືອງລີ້ຈ່ຽງ

(GMT+08:00) 2010-09-27 17:36:35 cri

ຄຳຂວັນຕົວເມືອງ:ເມືອງລີ້ຈ່ຽງໃນຍາມຝົນຕົກຄືເມືອງໃນຝັນ, ເວລາອາກາດເຢັນສະບາຍ,ເຊີນທ່ານມາພັກຜ່ອນຍ່ອນອາລົມຢູ່ເມືອງລີ້ຈ່ຽງ.

ທີ່ຕັ້ງຕົວເມືອງ: ຕັ້ງຢູ່ພາກຕາເວັນຕົກສຽງເໜືອຂອງແຂວງຢຸນນານ ພາກຕາເວັນຕົກສຽງໃຕ້ຂອຈີນ,ແມ່ນເຂດພູພຽງຊີງໄຫ-ຕິເບດກັບພູພຽງຢຸນກຸ້ຍຕິດຈອດກັນ,ສູງກວ່າລະດັບໜ້ານ້ຳທະເລ 2400 ແມັດ.

ລີ້ຈ່ຽງແມ່ນເມືອງປະຫວັດສາດວັດທະນະທຳ ແລະ ແຫ່ຼງທ່ອງທ່ຽວທີ່ມີຊື່ສຽງຂອງຈີນ. ເມືອງເກົ່າລີ້ຈ່ຽງມີປະຫວັດສາດ 800 ກວ່າປີ, ເປັນຕົວເມືອງທີ່ງຽບສະຫງົບແບບບູຮານ.ລີ້ຈ່ຽງແມ່ນຕົວເມືອງທີ່ມີຊົນເຜົ່າສ່ວນໜ້ອຍຫຼາຍຊົນເຜົ່າຕັ້ງພູມລຳເນົາຢູ່ສິ່ງກໍ່ສ້າງຂອງເມືອງລີ້ຈ່ຽງໄດ້ເຕົ້າໂຮມຫົວຕິດປະດິດສ້າງຂອງເຜົ່າຮ້ານ,ເຜົ່າຂາວ,ເຜົ່າອີ໋ ແລະ ເຜົ່າຕິເບດ ພ້ອມທັງສີສັນຂອງເຜົ່ານ້າຊີ່. ຢູ່ຕາມເຂາດຜ່າກາງຈາກທິດຕາເວັນອອກຮອດທິດຕາເວັນຕົກຂອງຕົວເມືອງ,ມີສິ່ງກໍ່ສ້າງບູຮານຕ່າງໆ ເຊັ່ນ,ປະຕູໂຂງຫີນ,ສະຕ່ານ ແລະ ຫໍໃຫຍ່ເປັນຕົ້ນ, ເໜືອຂອງເມືອງແມ່ນເຂດການຄ້າ."ເມືອງຢູ່ແຄມນ້ຳ,ນ້ຳໄຫຼອ້ອມເມືອງ"ແມ່ນສີສັນພິເສດທີ່ສຸດຂອງເມືອງເກົ່າລີ້ຈ່ຽງ. ນ້ຳໃນໜອງເຫີຍຫົງຖານໄຫຼຕົກຈາກທິດເໜືອໄປສູ່ທິດໃຕ້,ແລ້ວໄຫຼອ້ອມກຳແພງອ້ອມເຮືອນຕ່າງໆ. ຖະໜົນນ້ອຍໃຫຍ່ຕ່າງໆຕິດຈອດກັນດ້ວຍຂົວຫີນ ແລະ ຂົວໄມ້ຮູບຊົງຕ່າງໆ 354 ແຫ່ງ, ເປັນພາບວິວທິວທັດສ້າງຕຶກຂ້າມນ້ຳຂອງເມືອງລີ້ຈ່ຽງ, ກາຍເປັນຄວາມລັບທີ່ມີຊີວິດຊີວາຂອງເມືອງເກົ່າ

ເຜົ່ານ້າຊີ່ໄດ້ປະດິດສ້າງຕົວອັກສອນຕົ່ງປ່າ,ເຊິ່ງແມ່ນ"ຕົວໜັງສືທີ່ມີຄວາມໝາຍຕາມຮູບທີ່ຍັງໃຊ້ຢູ່ໜຶ່ງດຽວ"ໃນໂລກ, ສ່ວນປື້ມບູຮານຕົ່ງປ່າຖືກຈັດເຂົ້າໃນລາຍຊື່ມໍລະດົກ ໂລກໃນເດືອນສິງຫາປີ2003. ດົນຕີເກົ່ານ້າຊີ່, ພາບແຕ້ມຕົ່ງປ່າ ແລະ ວັດທະນະທຳສາດສະໜາກໍ່ມີຊື່ສຽງຢູ່ຈີນ ແລະ ໂລກ. ລີ້ຈ່ຽງຕັ້ງຢູ່ເຂດເສັ້ນແວງຕ່ຳ ເຊິ່ງ ລະດັບຕ່ຳກວ່າໜ້ານ້ຳທະເລ, ດິນຟ້າອາກາດປ່ຽນແປງບໍ່ຫຼາຍປານໃດໃນ 4 ລະດູການ, ລະດູແລ້ງ ແຕ່ວ່າອາກາດຊຸ່ມເຢັນແລະແຈ່ມໃສດີ, ເນື້ອທີ່ປົກຫຸ້ມດ້ວຍປ່າໄມ້ຮອດ66,13%, ດິນຟ້າອາກາດດີທີ່ສຸດ, ຖືກອົງການ HABITATສະຫະປະຊາຊາດຄັດເລືອກເປັນຕົວເມືອງທີ່ໜ້າຢູ່.

ໃນໃຈຂອງນັກທ່ອງທ່ຽວສ່ວນຫຼາຍ, ສິ່ງທີ່ດຶງດູດຈິດໃຈຫຼາຍກວ່າໝູ່ຂອງລີ້ຈ່ຽງທີ່ຈິງແລ້ວບໍ່ແມ່ນການທ່ຽວຊົມທິວທັດທີ່ອັດສະຈັນ,ຫາກແມ່ນການສຳຜັດກັບສະພາບການດຳລົງຊີວິດແບບໜຶ່ງທີ່ງຽບສະຫົງບ, ວັດທະນະທຳພິເສດອີກແບບໜຶ່ງ,ເຊິ່ງຊີວິດການເປັນຢູ່ທີ່ເບິ່ງແລ້ວຮູ້ສຶກທຳມະດາ ແຕ່ພັດໄດ້ຈາງຫາຍໄປແຕ່ດົນນານແລ້ວໃນຕົວເມືອງເຕັມໄປດ້ວຍຄວາມເນືອງນັນໃນຊູ່ມື້ນີ້.

1 2

ຂ່າວ-ບົດທີ່ກ່ຽວຂ້ອງ

ຄຳເຫັນ

ເມືອງ​ລີ້​ຈ່ຽງ

ເມືອງລີ້ຈ່ຽງ