ຄຳຂວັນ: ສະເໜ່ແບບເອີລົບ ນະຄອນນ້ຳກ້ອນພັກຮ້ອນ
ທີ່ຕັ້ງ: ຕັ້ງຢູ່ພາກຕາເວັນຕົກສຽງໃຕ້ແຂວງເຮີ່ຍລົງຈ່ຽງເຊິ່ງເປັນແຂວງທີ່ອົງສາເສັ້ນແວງສູງສຸດທາງພາກຕາເວັນອອກສຽງເໜືອຂອງຈີນ, ເທດສະບານແຂວງເຮີ່ຍລົງຈ່ຽງ, ກໍ່ແມ່ນສູນກາງການເມືອງ, ເສດຖະກິດແລະວັດທະນະທຳທີ່ໃຫຍ່ທີ່ສຸດຢູ່ພາກຕາເວັນອອກສຽງເໜືອຂອງຈີນ. ແມ່ນ້ຳສົ່ງຮວາຈ່ຽງໄຫຼຜ່ານນະຄອນຮ່າເອິປິ່ນ.
ຮ່າເອິປິ່ນມີ 4 ລະດູການຢ່າງຈະແຈ້ງ, ທິວທັດທຳມະຊາດງາມຫຼາຍ, ເປັນນະຄອນທີ່ທັນສະໄໝ, ມີອະລິຍະທຳແລະສວຍງາມ, ມີຊື່ສຽງທາງດ້ານປະຫວັດສາດແລະວັດທະນະທຳ. ໃນສະໄໝບູຮານ, ໄດ້ຮັບອິດທິພົນຈາກວັດທະນະທຳເອີລົບຢ່າງເລິກເຊິ່ງ, ສິ່ງກໍ່ສ້າງແລະຊີວິດການເປັນຢູ່ຂອງປະຊາຊົນລ້ວນແຕ່ມີສີສັນເອີລົບຢ່າງຈະແຈ້ງ, ເຄີຍໄດ້ຮັບການຂະໜານນາມວ່າ "ມົສກູຕາເວັນອອກ", "ປາລີຕາເວັນອອກ". "ງານດົນຕີລະດູຮ້ອນຮາເອິປິ່ນ" ທີ່ຈັດມາໄດ້ 40 ກວ່າປີແລ້ວນັ້ນ, ໄດ້ດຶງດູດນັກສິລະປິນທີ່ມີຊື່ສຽງຈາກຈີນແລະຕ່າງປະເທດຫຼາຍຄົນມາສະແດງລາຍການ, ດຽວນີ້, ໄດ້ກາຍເປັນໜຶ່ງໃນ 3 ງານລາຕີສະໂມສອນໃຫຍ່ຂອງຈີນໄປແລ້ວ, ເຮັດໃຫ້ຮາເອິປິ່ນກາຍເປັນ "ນະຄອນດົນຕີພາກເໜືອ".
ຮອດລະດູໜາວ, ຮາເອິປິ່ນແມ່ນ "ນະຄອນນ້ຳກ້ອນ". ງານນ້ຳກ້ອນຂອງຮາເອິປິ່ນທີ່ຈັດປີລະເທື່ອນັ້ນໄດ້ກາຍເປັນງານມະໂຫລານສາກົນທີ່ລວມເອົາວັດທະນະທຳ, ກິລາ, ສິລະປະ, ເສດຖະກິດການຄ້າ, ວິທະຍາສາດເຕັກໂນໂລຢີແລະການທ່ອງທ່ຽວເຂົ້າກັນ. ງານນ້ຳກ້ອນສາກົນຮາເອິປິ່ນຈີນ, ບຸນຄາຣາວານລະດູໜາວຂອງການາດາ, ງານຫິມະຊາໂພໂຣຂອງຍີ່ປຸ່ນແລະງານຫຼິ້ນສະເກັດໂນເວແມ່ນ 4 ງານນ້ຳກ້ອນສາກົນ.
1 2