ຄຳຂວັນຂອງຕົວເມືອງ:ໄປທ່ຽວພູຮວງຊ່ານ ສຳຜັດເມືອງຮ່ວຍໂຈ່
ທີ່ຕັ້ງ:ຢູ່ໃຕ້ສຸດຂອງແຂວງອານຮຸ່ຍ ພາກກາງຂອງຈີນ
ພູຮວງຊ່ານຕັ້ງຢູ່ເສັ້ນແວງເໜືອ 30 ອົງສາທີ່ອັດສະຈັນຫຼາຍ,ແມ່ນຢູ່ໃນເສັ້ນແວງດຽວກັນກັບທາດປິລະມິດຂອງເອຢິບແລະເບີມູດາທີ່ເປັນສິ່ງມະຫັດສະຈັນຂອງໂລກ.ພູຮວງຊ່ານເປັນມໍລະດົກວັດທະນະທຳແລະມໍລະດົກທຳມະຊາດຂອງໂລກ,ທັງເປັນສວນສາທາລະນະດ້ານທໍລະນີສາດຂອງໂລກ,ແລະມີຊື່ສຽງໃນໂລກຍ້ອນ"5 ສຸດຍອດ"ຄື:ຕົ້ນແປກທີ່ສວຍງາມ,ໂງ່ນຫິນທີ່ມີຮູບແປກປະຫຼາດ,ທະເລເມກ,ບໍ່ນ້ຳອຸ່ນແລະຫິມະໃນລະດູໜາວ.ນອກນີ້,ພູຮວງຊ່ານຍັງມີທິວທັດທຳມະຊາດທີ່ງາມທີ່ສຸດຫຼາຍໆບ່ອນ,ຕົວຢ່າງຄື:ທິວທັດນ້ຳທີ່ມີຊື່ສຽງຄືນ້ຳຊີ່ນອານແລະໜອງໄທ້ພີງ;ມໍລະດົກວັດທະນະທຳໂລກຄືຊີ່ຕີ້ແລະບ້ານຮົງຊຸ່ນ;ພູຊີຢູນຊ່ານທີ່ເປັນແຫຼ່ງທ່ອງທ່ຽວລະດັບຊາດແລະສວນສາທາລະນະດ້ານທໍລະນີສາດແຫ່ງຊາດ;ຍັງມີ"ຮວ່າຊ່ານມີຄູ່",ຖ້ຳອັດສະຈັນໃນພູດອກໄມ້ແລະແຫ່ງອື່ນໆ.
ຢູ່ເມືອງຮວງຊ່ານມີມໍລະດົກວັດທະນະທຳໂລກ 2 ແຫ່ງ,ມໍລະດົກວັດທະນະທຳບໍ່ແມ່ນວັດຖຸລະດັບຊາດ 15 ປະເພດ.ເມືອງຮວງຊ່ານໄດ້ມອບນາມ"ປະຊາຊົນກຽດຕິຍົດຂອງເມືອງຮວງຊ່ານ"ໃຫ້ແກ່ບຸກຄົນທີ່ມີຊື່ສຽງໃນໂລກຫຼືບຸກຄົນທີ່ໄດ້ປະກອບສ່ວນຢ່າງຫຼວງຫຼາຍເຂົ້າໃນການພັດທະນາເສດຖະກິດແລະສັງຄົມຂອງເມືອງຮວງຊ່ານ 8 ທ່ານ,ລວມທັງທ່ານຈວນ ອັນໂຕນິໂອ ຊາມາຣານຈ໌,ປະທານກຽດຕິຍົດຖາວອນຂອງຄະນະກຳມະການໂອລິມປິກສາກົນທີ່ໄດ້ເຖິງແກ່ກຳໄປແລ້ວ,ທ່ານຟຼານກາລີ,ອະດີດເລຂາທິການໃຫຍ່ແລະທ່ານຕາເລບ ຣີຟາ,ເລຂາທິການໃຫຍ່ຄົນປະຈຸບັນຂອງອົງການການທ່ອງທ່ຽວໂລກຂອງສະຫະປະຊາຊາດ,ນີ້ໄດ້ຍົກສູງຖານະແລະຊື່ສຽງໃນສາກົນຂອງເມືອງຮວງຊ່ານຢ່າງຫຼວງຫຼາຍ.
1 2 
