ຕາມຂ່າວCRI: ວັນທີ 28 ກັນຍານີ້, ກອງປະຊຸມຜູ້ແທນພັກແຮງງານເກົາຫຼີໄດ້ຈັດຂຶ້ນຢູ່ພຽງຢາງ, ທ່ານກິມເຈິງອິນ, ຜູ້ນຳສູງສຸດຂອງສ.ປ.ປ.ເກົາຫຼີໄດ້ເຂົ້າຮ່ວມ. ກອງປະຊຸມໄດ້ເລືອກຕັ້ງອົງການນຳສູງສຸດຂອງພັກແຮງງານເກົາຫຼີ; ເລືອກຕັ້ງທ່ານກິມເຈິງອິນເປັນເລຂາທິການໃຫຍ່ພັກແຮງງານເກົາຫຼີ, ແລະເປັນປະທານຄະນະກຳມະການການທະຫານສູນກາງ. ເລືອກຕັ້ງທ່ານກິມເຈິງອຸນເປັນຮອງປະທານຄະນະກຳມະການການທະຫານສູນກາງ, ສື່ຕ່າງປະເທດແຈ້ງວ່າ, ທ່ານກິມເຈິງອຸນແມ່ນລູກຂອງທ່ານກິມເຈິງອິນ, ແຕ່ສື່ທາງການຂອງສ.ປ.ປ.ເກົາຫຼີບໍ່ໄດ້ເວົ້າເຖິງຖານະຄອບຄົວຂອງເພິ່ນ. ກອງປະຊຸມເທື່ອນີ້ໄດ້ເຮັດໃຫ້ສື່ມວນຊົນໂລກສົນໃຈນຳຢ່າງຫຼວງຫຼາຍ.
ນີ້ແມ່ນພັກແຮງງານເກົາຫຼີຈັດກອງປະຊຸມຜູ້ແທນທົ່ວປະເທດເປັນຄັ້ງທຳອິດໃນ 44 ປີຜ່ານມາ, ນີ້ແມ່ນກອງປະຊຸມສຳຄັນເທື່ອໜຶ່ງທີ່ຈັດຂຶ້ນພາຍໃຕ້ສະພາບທີ່ສ.ປ.ປ.ເກົາຫຼີປະເຊີນກັບສະຖານະການໃໝ່ພາຍໃນສ.ປ.ປ.ເກົາຫຼີແລະຕ່າງປະເທດ. ຫາງສຽງເຫັນວ່າ, ກອງປະຊຸມພັກແຮງງານໄດ້ເລືອກຄະນະນຳໃໝ່, ສາມາດນຳພາປະເທດສ້າງສາເສດຖະກິດຢ່າງເຂັ້ມແຂງ ກວ່າເກົ່າ, ພ້ອມກັນນັ້ນສ.ປ.ປ.ເກົາຫຼີກໍຫວັງວ່າຜ່ານການປັບປຸງຄະນະນຳເທື່ອນີ້, ຜ່ອນຄາຍສະຖານະການແຫຼມເກົາຫຼີຕື່ມອີກ, ພະຍາຍາມສ້າງສະພາບແວດລ້ອມສາກົນທີ່ດີໃຫ້ແກ່ການພັດທະນາປະເທດີ.
ຫາງສຽງທົ່ວໄປເຫັນວ່າ,ພາຍຫຼັງການຢ້ຽມຢາມຈີນໃນເດືອນພຶດສະພາປີນີ້ແລ້ວ,ໃນໄລຍະແຕ່ວັນທີ26ຫາວັນທີ30ສິງຫາແລ້ວນີ້,ທ່ານກິມເຈິງອິນ,ຜູ່ນຳສູງສຸດສປປເກົາຫຼີໄດ້ຢ້ຽມຢາມຈີນຢ່າງບໍ່ເປັນທາງການອີກເທື່ອໜຶ່ງ,ໄປຢ້ຽມຢາມພື້ນຖານການຜະລິດຢູ່ແຂວງຈີລີນແລະແຂວງເຫີ່ຍລົງຈ່ຽງ,ເພື່ອຊອກຮູ້ບົດຮຽນດ້ານການພັດທະນາເສດຖະກິດ.ໃນການຢ້ຽມຢາມເທື່ອນີ້,ທ່ານກິມເຈິງອິນກ່າວວ່າ,ສປປເກົາຫຼີຍຶດໝັ້ນຫຼັກໝັ້ນທີ່ແຫຼມເກົາຫຼີ ປອດນິວເຄຼຍໂດຍບໍ່ປ່ຽນແປງ,ບໍ່ຢາກເຫັນສະພາບການແຫຼມເກົາຫຼີເຄັ່ງຕຶງຂຶ້ນ,ຫວັງ ຢາກຮັກສາການແລກປ່ຽນແລະປະສານງານຢ່າງໃກ້ຊິດກັບຈີນ,ຊຸກຍູ້ໃຫ້ການເຈລະຈາ6ຝ່າຍຟື້ນຟູຄືນໃໝ່ໂດຍໄວ,ເຮັດໃຫ້ສະພາບການທີ່ເຄັ່ງຕຶງຢູ່ແຫຼມເກົາຫຼີຜ່ອນຄາຍລົງ,ແລະປົກປັກຮັກສາສັນຕິພາບ,ສະຖຽນລະພາບຂອງແຫຼມເກົາຫຼີ.ໃນເວລາທ່ານກິມຢົງນຳ,ຜູ່ນຳຂອງສປປເກົາຫຼີພົບກັບທ່ານຈິມມີ ຄາເທີ,ອະດີດປະທານາທິບໍດີອາເມລິກາໃນຫວ່າງ ມໍ່ໆມານີ້,ກໍ່ໄດ້ສົ່ງສັນຍານທີ່ດີທີ່ມີຄວາມຫວັງຈະເປີດການເຈລະຈາ6ຝ່າຍຄືນໃໝ່.ນອກນີ້,ສະພາບການທີ່ເຄັ່ງຕຶງລະຫວ່າງສອງເກົາຫຼີກໍ່ໄດ້ເກີດມີວິແວວທີ່ຜ່ອນຄາຍລົງໃນ ຫວ່າງມໍ່ໆມານີ້.
ຫາງສຽງທົ່ວໄປເຫັນວ່າ,ການຈັດກອງປະຊຸມຜູ່ແທນພັກແຮງງານເກົາຫຼີໝາຍຄວາມວ່າ,ສປປເກົາຫຼີຈະກ້າວເຂົ້າສູ່ຍຸກໃໝ່ໃນໄວໆນີ້,ສະນັ້ນ,ກອງປະຊຸມຄັ້ງນີ້ຈຶ່ງໄດ້ກາຍເປັນຈຸດສົນໃຈຂອງທົ່ວໂລກ.
ທ່ານເບຣ,ຜູ່ຊ່ວຍລັດຖະມົນຕີການຕ່າງປະເທດທີ່ຮັບຜິດຊອບວຽກງານອາຊີຕາເວັນ ອອກແລະປາຊິຟິກຂອງກະຊວງການຕ່າງປະເທດອາເມລິກາໄດ້ມີຄຳເຫັນກ່ຽວກັບກອງປະຊຸມຄັ້ງນີ້ໃນທັນທີ,ທ່ານກ່າວວ່າ,ດຽວນີ້ມັນໄວເກີນໄປທີ່ຈະວິຈານຕໍ່ການປ່ຽນແປງ ດ້ານການເມືອງຂອງສປປເກົາຫຼີ.ທ່ານກ່າວວ່າ:"ອາເມລິກາພວມສັງເກດເບິ່ງຄວາມຄືບໜ້າດ້ານການເມືອງຂອງສປປເກົາຫຼີຢ່າງໃກ້ຊິດ,ຈະຕິດຕໍ່ພົວພັນກັບຄູ່ຮ່ວມມືຢູ່ເຂດອາຊີ ປາຊິຟິກຢ່າງໃກ້ຊິດ,ເພື່ອດຳເນີນການປະເມີນສະພາບການເມືອງຂອງສປປເກົາຫຼີ."
ຢູ່ຍີ່ປຸ່ນ,ປະເທດບ້ານໃກ້ຄຽງຂອງສປປເກົາຫຼີ,ເລຂາທິການລັດຖະບານຍີ່ປຸ່ນກ່າວວ່າສົນໃຈນຳສະຖານະການການເມືອງຂອງສປປເກົາຫຼີໃນລະດັບສູງ,ທ່ານກ່າວວ່າ"ລັດຖະບານຍີ່ປຸ່ນຈະສືບຕໍ່ຕິດຕາມຂ່າວສານຂອງສປປເກົາຫຼີ,ລວມທັງການສືບທອດອຳນາດແລະອື່ນໆ,ແລະແລກປ່ຽນຂໍ້ມູນຂ່າວສານກັບປະເທດອື່ນໆ."
ມື້ດຽວກັນ,"ຣັດເຊຍໃນປັດຈຸບັນ"ທີ່ເປັນຊ່ອງຂ່າວສາກົນຂ່າວຂອງຣັດເຊຍໄດ້ກະຈາຍລາຍການສຳພາດເຈາະເລິກ,ຜູ່ຊ່ຽວຊານບັນຫານິວເຄຼຍແຫຼມເກົາຫຼຂອງີຣັດເຊຍວິເຄາະຢ່າງຮອບດ້ານຕໍ່ກອງປະຊຸມຜູ່ແທນພັກຂອງສປປເກົາຫຼີຄັ້ງນີ້ແລະທິດທາງພາຍໃນປະເທດແລະຕ່າງປະເທດຂອງສປປເກົາຫຼີໃນຕໍ່ໜ້າ.ເວບໄຊ້ຂອງBBCຂອງອັງກິດກໍ່ໄດ້ລົງຂ່າວທີ່ທ່ານກີມເຈິງອຸນໄດ້ຮັບການແຕ່ງຕັ້ງເປັນພົນເອກພິເສດ.CNNຂອງອາເມລິກາກໍ່ມີລາຍການວິເຄາະຢ່າງຮອບດ້ານດ້ວຍຫຼາຍວິທີເຊັ່ນໂທລະສັບລົມກັບນັກຂ່າວເປັນຕົ້ນ.
ຄົນທັງຫຼາຍທີ່ສົນໃຈນຳສະຖານະການແຫຼມເກົາຫຼີຖືກອງປະຊຸມຂອງພັກແຮງງານເກົາຫຼີຄັ້ງນີ້ເປັນຈຸດສຸມ,ຕິດຕາມທິດທາງພັດທະນາຂອງສປປເກົາຫຼີໃນປະຫວັດສາດແລະອະນາຄົດຂອງປະເທດນີ້.
