ຄຳຂວັນ: ຖ້າໄປບໍ່ຮອດເມືອງຄາສືກໍ່ຄືໄປບໍ່ຮອດຊິນຈ່ຽງ. ທິວທັດທ່ອງທ່ຽວຢູ່ຄາສື, ແມ່ນໜຶ່ງດຽວໃນໂລກ
ທີ່ຕັ້ງ: ພາກຕາເວັນຕົກສຽງໃຕ້ຂອງເຂດຊິ່ນຈ່ຽງຂອງຊາຍແດນພາກຕາເວັນຕົກ ຂອງຈີນ, ທິດເໜືອມີພູທ່ຽນຊານຕາເວັນຕົກ, ທິດຕາເວັນຕົກມີພູພຽງພ້າໝີ້ເອີ, ທິດໃຕ້ມີສາຍພູຄາຫຼ້າຄຸ່ນ ຫຼຸນແລະທິດຕາເວັນອອກແມ່ນຕິດກັບທະເລຊາຍຖ້າເຄີ້ລ້າໝ້າກັ່ນ.
ເມືອງຄາສືມີແຫຼ່ງທ່ອງທ່ຽວ4ປະເພດ ຄືຮີດຄອງປະເພນີອຸຍເກີ, ຂຶ້ນພູຊົມທິວທັດ, ພະຈົນໄພຢູ່ທະເລຊາຍແລະໄປສຳຜັດເສັ້ນທາງສາຍໄໝ,ເຊິ່ງແມ່ນແຫຼ່ງທ່ອງທ່ຽວທີ່ມີທັງທິວທັດທຳມະຊາດ, ສະຖານທີ່ວັດທະນະທຳແລະຮີດຄອງປະເພນີປະສົມປະສານເຂົ້າເປັນອັນໜຶ່ງອັນດຽວກັນ, ແມ່ນແຫຼ່ງທ່ອງທ່ຽວທີ່ມີເອ ກະລັກຂອງອຸຍເກີທີ່ແທ້ຈິງຢູ່ເສັ້ນທາງສາຍໄໝ, ແລະແມ່ນແຫຼ່ງທ່ອງທ່ຽວພຽງໜຶ່ງດຽວໃນໂລກ. ເມືອງຄາສື, ມີ26ຊົນເຜົ່າ ເຊັ່ນເຜົ່າອຸຍເກີ, ເຜົ່າຮັ້ນ, ເຜົ່າຫຸຍ, ເຜົ່າເຄີ່ເອີເຄີ້ຈື່, ອຸສເບກແລະອື່ນໆ, ມີຊື່ສຽງໂດ່ງດັງໃນໂລກຍ້ອນເປັນບ້ານແຫ່ງ ການຟ້ອນລຳທຳເພງຢູ່ພາກຕາເວັນຕົກຂອງຈີນ, ເຊິ່ງແມ່ນແຫຼ່ງວັດທະນະທຳທີ່ພົ້ນເດັ່ນຂອງເຜົ່າອຸຍເກີ.
ເມືອງຄາສືມີທິວທັດທ່ອງທ່ຽວທີ່ສະແດງໃຫ້ເຫັນວັດທະນະທຳຮີດຄອງປະເພນີແລະທິວທັດທຳມະຊາດພິເສດ. ເມືອງນີ້ມີທິວທັດທຳມະຊາດປະເພດຕ່າງໆ ເຊັ່ນ ຈອມພູສຽວເກີ່ຫຼີ້ທີ່ສູງເປັນອັນດັບ2ຂອງໂລກ, ຈອມພູມູ້ຊື້ຖ້າເກີທີ່ເປັນບິດາຂອງພູນ້ຳແຂງ, ປ່າດົງດິບຕົ້ນໂພພູລຸສ, ປ່າຕົ້ນຫຼິ້ວແດງ, ປ່າສະຫງວນທີ່ສວຍງາມໃນໂລກແລະທະເລຊາຍເປັນຕົ້ນ, ແລະມີຮອງຮອຍເກົ່າແກ່ດ້ານວັດຖຸບູຮານແລະປະຫວັດສາດ, ເຊັ່ນທາດພຸດທະສາສະໜາມໍ້ເອີທີ່ເປັນທາດເກົ່າແກ່ທີ່ມີຊື່ສຽງ, ເມືອງບູຮານເຈົ້າຊີວິດລາຊະວົງຖາງທີ່ມີປະຫວັດພັນກວ່າປີ, ຮ່ອງຮອຍບູຮານໃນລາຊະວົງເຢ້ຍເອີສຽງຮັ້ນ, ເຮືອນພັກພ່ອນຢູ່ເສັ້ນທາງສາຍໄໝແລະອື່ນໆ.
1 2 
