|
|
||
ທີ່ຕັ້ງ: ພາກຕາເວັນຕົກຂອງແຂວງຊານຕຸ່ງທີ່ພາກຕາເວັນອອກຂອງຈີນ,ເປັນ
ເທດສະບານແຂວງຊ່ານຕຸ່ງ
ຄຳຂວັນ: ເມືອງບໍ່ນ້ຳຂອງໂລກ,ຈີນານທີ່ມີສະເໜ່
ນະຄອນຈີ່ນານເປັນເມືອງທີ່ມີວັດທະນະທຳເກົ່າແກ່,ມີຊື່ສຽງໂດ່ງດັງແລະມີ
ນາມມະຍົດວ່າ"ບໍ່ນ້ຳເປັນທີໜຶ່ງໃຕ້ຟ້າ".ມີບໍ່ນ້ຳທຳມະຊາດ733ບໍ່,ກະແຈກກະຈາຍຢູ່ທົ່ວນະຄອນ,ໃນນັ້ນ,ບໍ່ປ້າວທູມີຊື່ສຽງທີ່ສຸດ,ຖືກເອີ້ນເປັນ"ບໍ່ທີໜຶ່ງໃຕ້ຟ້າ",ບໍ່ປາຍມ້າຍມີນາມມະຍົດວ່າ"ມະຫັດສະຈັນໃຕ້ຟ້າ".
ວັດທະນະທຳລົງຊ່ານທີ່ເປັນໜຶ່ງໃນ3ວັດທະນະທຳບູຮານຂອງຈີນກໍ່ກຳເນີດຢູ່ຈີນານ.ພູເສິງຈືຢາຂອງຈີນານແມ່ນບ່ອນກຳເນີດວັດທະນະທຳລົງຊ່ານທ້າຍສະໄໝຍຸກຫີນໃໝ່ຂອງຈີນ,ປະເທດຕ່າງໆໃນໂລກຖືພູເສິງຈືຢາເປັນຕົວແທນຂອງບົດປະພັນທີ່ດີທີ່ສຸດຂອງອາລິຍະທຳໂລກເມື່ອ4000ປີກ່ອນ.ສານເຈົ້າສຸສານໂກວຊື້ພູຊ້ຽວຖາງແມ່ນສິ່ງກໍ່ສ້າງເທິງໜ້າດິນທີ່ມີປະຫວັດເກົ່າແກ່ທີ່ສຸດຂອງຈີນ,ຮູບພາບແລະຕົວໜັງສືທີ່ຂຽນຢູ່ໃນສິ່ງກໍ່ສ້າງນີ້ຖືກຄັດເລືອກເປັນສີລາຈາລຶກສິລະປະຂຽນງາມທີ່ມີຊື່ສຽງຂອງຈີນ.ທາດ4ປະຕູລີວຟູແມ່ນທາດຫີນຊັ້ນດຽວທີ່ເກົ່າແກ່ທີ່ສຸດຂອງຈີນ,ຕົ້ນແປກຈີວຕິງທີ່ມີອາຍຸພັນປີ,ທາດລົງຫູທີ່ແກະສະຫຼັກຢ່າງປານີດແລະປ່າທາດສຸສານລ້ວນແຕ່ເປັນວັດຖຸບູຮານທີ່ມີຄຸນຄ່າ,ວັດຊາງຊິງລິງຢຽນເປັນທີໜຶ່ງໃນ4ວັດບູຮານຍອດຢ້ຽມຂອງຈີນ,ຢູ່ໃນວັດນີ້ມີຮູບປັ້ນອໍລະຫັນດິນສີ40ອົງສະໄໝລາຊະວົງຊົ້ງມີຊີວິດຊີວາຫຼາຍ, ເປັນຮູບປັ້ນທີ່ມີຊື່ສຽງທີ່ສຸດຂອງຈີນ.
© China Radio International.CRI. All Rights Reserved. 16A Shijingshan Road, Beijing, China. 100040 |