|
|
||
ຄຳຂວັນ: ລາຊະທານີເກົ່າແກ່ ເມືອງດອກໂບຕັ່ນ ຕົ້ນທາງສາຍໃໝ ໂລ້ຢາງທີ່ມີທິວທັດສວຍງາມ
ທີ່ຕັ້ງນະຄອນ: ພາກຕາເວັນຕົກແຂວງເຮີນານທີ່ຢູ່ພາກກາງຈີນ, ຢູ່ສອງຝັ່ງຍ່ານກາງແມ່ນ້ຳເຫຼືອງ
ນະຄອນໂລ້ຢາງ, ຕັ້ງຢູ່ພາກຕາເວັນຕົກແຂວງເຮີນານ, ຝັ່ງໃຕ້ຂອງແມ່ນ້ຳເຫຼືອງ, ສ້າງຂຶ້ນກ່ອນຄ.ສສະຕະວັດທີ 12, ແມ່ນໜຶ່ງໃນ 8 ລາຊະທານີເກົ່າແກ່ຂອງຈີນ, ແມ່ນນະຄອນແຫ່ງດຽວໃນປະຫວັດສາດຈີນທີ່ຖືກເອີ້ນວ່າ "ລາຊະທານີສັກສິດ". ເຂດເຮີໂລ້ທີ່ຖືໂລ້ຢາງເປັນໃຈກາງນັ້ນ ແມ່ນແຫຼ່ງກຳເນີດອັນສຳຄັນຂອງອະລິຍະທຳຈີນ. ໃນປະຫວັດສາດ, ເຄີຍມີ 13 ລາດສະວົງຖືໂລ້ຢາງເປັນລາຊະທານີ, ລວມມີ 1500 ກວ່າປີ. ແຕ່ບູຮານນະການມານີ້, ນັກປະພັນມັກມາເຕົ້າໂຮມກັນຢູ່ນີ້, ສະນັ້ນ, ນະຄອນໂລ້ຢາງຍັງຖືກເອີ້ນວ່າ "ເມືອງແຫ່ງກາບກອນ", ໂລ້ຢາງມີດອກໂບຕັ່ນຫຼວງຫຼາຍ, ສົ່ງກິ່ນຫອມໄປທົ່ວ, ສະນັ້ນ, ຍັງຖືກເອີ້ນວ່າ "ເມືອງແຫ່ງດອກໄມ້". ແຕ່ລະປີ, ຢູ່ລະຫວ່າງວັນທີ 15 ເມສາຫາວັນທີ 8 ພຶດສະພາ, ດອກໂບຕັ່ນບານເຮືອງເຮື່ອ, ໂລ້ຢາງກໍ່ຈັດ "ງານດອກໂບຕັ່ນ", ຕ້ອນຮັບແຂກມາຊົມພາບທິວທັດທີ່ສວຍງາມ.
ໂລ້ຢາງມີແຫຼ່ງທ່ອງທ່ຽວດ້ານວັດທະນະທຳທີ່ອຸດົມສົມບູນ, ໃນນັ້ນ, ຖໍ້າລົງເມີນເປັນໜຶ່ງໃນ 3 ຖໍ້າໃຫຍ່ຂອງຈີນ, ວັດປາຍໝາເປັນວັດສາສະໜາພຸດແຫ່ງທຳອິດທີ່ສ້າງໂດຍລັດຖະບານຂອງຈີນ. ໃນສະໄໝບູຮານ, ໂລ້ຢາງກໍ່ເປີດປະຕູສູ່ພາຍນອກ, ຮັກແຂກແພງຄົນ, ແລະທັງເປັນໃຈກາງຄົມມະນາຄົມໃນສະໄໝບູຮານ. ເສັ້ນທາງສາຍໃໝທີ່ມີຊື່ສຽງໃນທົ່ວໂລກນັ້ນ, ກໍ່ແມ່ນຖືໂລ້ຢາງເປັນຈຸດເລີ່ມຕົ້ນຢູ່ພາກຕາເວັນອອກ, ປາຍທາງແມ່ນຢູ່ຝັ່ງຕາເວັນອອກຂອງທະເລເມດິເຕລາເນ, ການຂົນສົ່ງຢ່ຕາມເສັ້ນູທາງນີ້ໝາແໜ້ນຫຼາຍ, ພໍ່ຄ້າຊາວຂາຍໄປມາບໍ່ຂາດສາຍ.
© China Radio International.CRI. All Rights Reserved. 16A Shijingshan Road, Beijing, China. 100040 |