ຄຳຂວັນຂອງຕົວເມືອງ:ເມືອງຊ່ານຢາທີ່ສວຍງາມ,ສຸດຂອບຟ້າແດນໄກທີ່ໂຣແມນຕິກ
ທີ່ຕັ້ງ:ຢູ່ໃຕ້ສຸດຂອງແຂວງໄຫຫຼຳ,ເກາະເຂດຮ້ອນພຽງແຫ່ງດຽວຂອງຈີນ,ໄປທິດຕາເວັນອອກຜ່ານແດນຟີລິບປິນຮອດມະຫາສະໝຸດປາຊີຟິກຕາເວັນຕົກ,ໄປທິດໃຕ້ຜ່ານແດນອົສຕຼາລີຮອດມະຫາສະໝຸດປາຊີຟິກໃຕ້,ໄປທິດຕາເວັນຕົກສຽງໃຕ້ຜ່ານແຫຼມພາກໃຕ້ຈີນຮອດມະຫາສະໝຸດອິນເດຍແລະມະຫາສະໝຸດອັດລັງຕິກ,ຖືກເອີ້ນວ່າເປັນປະຕູໃຕ້ຂອງຈີນ.
ເມືອງຊ່ານຢາຕັ້ງຢູ່ໃຕ້ສຸດຂອງເກາະໄຫຫຼຳ(ໄຫໜານ)ແມ່ນເມືອງທ່ອງທ່ຽວແຄມທະເລເຂດຮ້ອນພຽງແຫ່ງດຽວຂອງຈີນ.ສິ່ງແວດລ້ອມເມືອງຊ່ານຢາມີເອກະລັກສະເພາະຫຼາຍ,ໄດ້ເຕົ້າໂຮມທິວທັດທຳມະຊາດທີ່ສວຍງາມຂອງພູ,ທະເລແລະແມ່ນ້ຳ,ສິ່ງເຫຼົ່ານີ້ໄດ້ປະກອບເຂົ້າເປັນທິວທັດທຳມະຊາດທີ່ມີເອກະລັກຂອງເມືອງຊ່ານຢາ.ຢູ່ເມືອງຊ່ານຢາ,ຍັງມີແຫຼ່ງທ່ອງທ່ຽວທີ່ຫຼາກຫຼາຍ 10 ປະເພດຄື:ແສງແດດ,ທະເລ,ຫາດຊາຍ,ອາກາດ,ປ່າໄມ້,ບໍ່ນ້ຳອຸ່ນ,ສັດ,ຖ້ຳ,ໄຮ່ນາຮົ້ວສວນແລະວັດທະນະທຳຮີດຄອງປະເພນີ,ມີແຫຼ່ງທ່ອງທ່ຽວທີ່ມີຊື່ສຽງຫຼາຍບ່ອນຄື:ພູນານຊ່ານ,ຖ້ຳນ້ອຍແລະຖ້ຳໃຫຍ່,ອ່າວຢາລົງ,ສຸດຂອບຟ້າສຸດຂອບທະເລແລະ"ກວາງຫັນໜ້າ",ເກາະຊີ່ຕາວ,ເກາະອູຈືໂຈ່ແລະຕ້າຕຸ່ງໄຫ,ແມ່ນເຂດທີ່ມີແຫຼ່ງທ່ອງທ່ຽວອຸດົມສົມບູນທີ່ສຸດຢູ່ເຂດແຄມທະເລແຖບຮ້ອນຂອງຈີນ.
ເມືອງຊ່ານຢາແມ່ນປະຕູເຂົ້າຈີນຈາກເຂດຮ້ອນ,ມີທ່າແຮງພິເສດດ້ານທີ່ຕັ້ງໃນການໄປມາຫາສູ່ກັບສາກົນ.ເມືອງຊ່ານຢາຍັງແມ່ນເມືອງທ່ອງທ່ຽວທີ່ໄຂປະຕູທີ່ສຸດຂອງຈີນ,ລັດຖະບານໄດ້ອຳນວຍຄວາມສະດວກພິເສດດ້ານນະໂຍບາຍແກ່ເມືອງນີ້ຄື:ສຳລັບນັກທ່ອງທ່ຽວທີ່ມາຈາກ 21 ປະເທດທີ່ສຳຄັນເຊັ່ນອາເມລິກາ,ຣັດເຊຍ,ເຢຍລະມັນ,ອົສຕຼາລີ,ຍີ່ປຸ່ນ,ໄທ,ຝະຣັ່ງແລະປະເທດອື່ນໆ,ຖ້າຢູ່ບໍ່ຮອດ 15 ວັນ,ກໍ່ບໍ່ຕ້ອງການວີຊາເລີຍ,ສຳລັບປະເທດອື່ນ,ເອົາວີຊາກັບດ່ານກໍ່ໄດ້.
1 2 
