|
|
||
ຄຳຂວັນຂອງນະຄອນ: ນະຄອນຫຼວງບູຮານແຫ່ງຊາດຈີນ ເມືອງແຫ່ງພູຜາແລະແມ່ນ້ຳ
ທີ່ຕັ້ງ : ພາກໃຕ້ຂອງແຂວງສ້ານຊີ່ທີ່ຢູ່ພາກກາງຂອງຈີນ, ເປັນເທສະບານແຂວງ.
ນະຄອນຊີ່ອ່ານເປັນພູມລຳເນົາຂອງມະນຸດທະນີລານທຽນທີ່ເປັນຄົນບູຮານຢືນຊື່ສະໄໝທີ່ເກົ່າແກ່ທີ່ສຸດຂອງອາຊີ, ຄືໃນ1ລ້ານ1ແສນ5ໝື່ນກວ່າປີກ່ອນ, ແລະເປັນບ່ອນຢູ່ອາໄສຂອງຄົນບູຮານປ້ານໂພ່ໃນ6,000ປີກ່ອນ, ເປັນດິນແດນແຫ່ງຄວາມສີວິໄລບູຮານນະການຂອງຈີນ. ມີ13ລາຊະວົງເຄີຍສ້າງຕົວເມືອງຫຼວງຢູ່ແຫ່ງນີ້, ແມ່ນນະຄອນທີ່ເປັນນະຄອນຫຼວງເປັນເວລາດົນນານທີ່ສຸດ, ມີລາຊະວົງສ້າງນະຄອນຫຼວງຫຼາຍທີ່ສຸດ, ແລະມີອິດທິພົນຫຼາຍທີ່ສຸດໃນປະຫວັດສາດຂອງຈີນ. ຮູບປັ້ນທະຫານແລະມ້າຈິນຊີ່ຮ້ອງເຕ້ທີ່ມີນາມມະຍົດວ່າ"ສິ່ງອັດສະຈັນທີ8"ຂອງໂລກ, ສຸສານຮວງຕີ້ທີ່ເປັນບັນພະບຸລຸດເກົ່າແກ່ຂອງປະຊາຊາດຈີນ, ກຳແພງເມືອງບູຮານທີ່ມີຂະໜາດໃຫຍ່ທີ່ສຸດແລະສົມບູນທີ່ສຸດໃນໂລກທີ່ຮັກສາໄວ້ໄດ້ຈົນເຖິງປະຈຸບັນ, ປ່າສີລາຈາລຶກຊີ່ອ່ານທີ່ເປັນສາງປຶ້ມຫີນທີ່ໃຫຍ່ທີ່ສຸດຂອງຈີນ, ເຈດີຂອງພະພຸດທະເຈົ້າ, ແລະເຄື່ອງບູຮານອັນລ້ຳຄ່າຫຼາຍແສນອັນ, ລ້ວນແຕ່ມີຊື່ສຽງໂດ່ງດັງຢູ່ພາຍໃນປະເທດຈີນແລະຕ່າງປະເທດ.
ພາບວິວທິວທັດຂອງນະຄອນຊີ່ອ່ານມີຄວາມສວຍສົດງົດງາມເປັນພິເສດ. ທາງທິດຕາເວັນອອກມີພູຮວາຊ່ານທີ່ສູງຊັນ, ສະຮວາຊີ່ງໃນລາຊະນິເວດບໍ່ນ້ຳອຸ່ນຂອງກະສັດຫຼາຍລາຊະວົງ; ທາງທິດໃຕ້ມີສວນປ່າໄມ້ລະດັບຊາດຕ່າງໆ, ເຊັ່ນ: ພູໄທ້ພີງທີ່ສະຫງ່າງາມ, ສວນຈູ່ເຊ້, ພູໄທ້ໄບແລະອື່ນໆ, ທາງທິດຕາເວັນຕົກມີສວນສັດປາຕ້ຽວອີໄຖ, ສວນສັດປ່າຊີ່ອ່ານ, ເຂດຊີວະພາບຊານປ້າທີ່ມີຊື່ວ່າ"ເມືອງນ້ຳທີໜຶ່ງຂອງພາກຕາເວັນຕົກຈີນ", ແລະສວນບົວຕ້າຖັງທີ່ເປັນສວນສາທາລະນະແບບສວນອຸທິຍານຂອງກະສັດຂະໜາດໃຫຍ່ແຫ່ງທຳອິດຂອງຈີນທີ່ວາງສະແດງສະພາບລາຊະວົງຖັງຢ່າງຮອບດ້ານ.
© China Radio International.CRI. All Rights Reserved. 16A Shijingshan Road, Beijing, China. 100040 |