ເອຊຽນເກມເຮັດໃຫ້ປະຊາຊົນໄດ້ຊົມໃຊ້ຊີວິດທີ່ດີງາມ
(GMT+08:00) 2010-11-02 15:56:53 cri
ນັບແຕ່ໄດ້ຖືກເລືອກເປັນເຈົ້າພາບຈັດມະຫະກຳກິລາອາຊີຫຼືເອຊຽນເກມໃນເດືອນ7ປີ2004ເປັນຕົ້ນມາ, ເມືອງກວາງໂຈ່ວເຊິ່ງເປັນເມືອງພາກໃຕ້ຂອງຈີນ, ກໍໄດ້ກະກຽມວຽກງານທຸກຢ່າງເພື່ອຕ້ອນຮັບງານໃຫຍ່ນີ້.ປັດຈຸບັນນີ້, ເມືອງກວາງໂຈ່ວໄດ້ເຜີຍໂສມໜ້າໃຫມ່ອອກມາ, ເມືອງດອກໄມ້ແລະຄົນກວາງໂຈ່ວທີ່ຮັກແຂກແພງຄົນກຳລັງຕ້ອນຮັບແຂກພາຍໃນແລະຕ່າງປະເທດເຂົ້າມາຊົມໃຊ້ຊີວິດທີ່ດີງາມທີ່ເອຊຽນເກມນໍາມາໃຫ້.
ໃນໄລຍະກະກຽມເອຊຽນເກມ, ກວາງໂຈ່ວໄດ້ດຳເນີນການຊໍາລະບຳບັດສະພາບແວດລ້ອມທາງນ້ຳ, ອາກາດ, ເຮືອນຢູ່,ຄົມມະນາຄົມແລະອື່ນໆ. ທ່ານວ້ານຊິ້ງຫຼຽງ, ຮອງປະທານຄະນະກຳມະການຈັດຕັ້ງງານ, ເຈົ້າເມືອງກວາງໂຈ່ວກ່າວວ່າ, ຫຼັງຈາກການຊຳລະບຳບັດ, ເມືອງກວາງໂຈ່ວໄດ້ມີການປ່ຽນແປງອັນໃຫຍ່ຫຼວງ, ທ້ອງຟ້າປອດໂປ່ງຂຶ້ນ, ນ້ຳໃສຂຶ້ນ, ເສັ້ນທາງສະດວກຂຶ້ນ, ເຮືອນງາມຂຶ້ນ.
" ພວກເຮົາວາງຄຳຂວັນທີ່ວ່າຕ້ອນຮັບເອຊຽນເກມ, ສ້າງຊີວິດໃຫມ່, ກໍໝາຍຄວາມວ່າຈະສ້າງສະພາບແວດລ້ອມໃໝ່,ອຳນວຍເງື່ອນໄຂໃໝ່, ຊຸກຍູ້ຄວາມຕ້ອງການໃໝ່ແລະຍົກລະດັບວິຖີຊີວິດໃໝ່ໃຫ້ແກ່ປະຊາຊົນເມືອງກວາງໂຈ່ວ."
ນະຄອນກວາງໂຈ່ວແມ່ນຕົວເມືອງໜຶ່ງໃນ 5 ທີ່ຂຶ້ນກັບລັດຖະບານໂດຍກົງ, ມີທິວທັດງົດງາມແລະພືດພັນອຸດົມສົມບູນຕະຫຼອດປີ, ເອີ້ນວ່າເປັນເມືອງດອກໄມ້. ຄຽງຄູ່ກັບວັນໄຂເອຊຽນເກມໃກ້ເຂົ້າມາ, ນະຄອນກວາງໂຈ່ວໄດ້ເພີ່ມການປູກຕົ້ນໄມ້, ຢູ່ແຄມຖະໜົນຫົນທາງສາຍສຳຄັນຫຼາຍສາຍ, ລ້ວນແຕ່ໄດ້ສ້າງທິວທັດທີ່ຂຽວງາມດ້ວຍຕົ້ນໄມ້ໃບຫຍ້າແລະສວນດອກໄມ້ນັບມື້ນັບຫຼາຍຂຶ້ນເຣັດໃຫ້ນະຄອນກວາງໂຈ່ວມີສີສັນກວ່າເກົ່າ.
ໃນໄລຍະຈັດເອຊຽນເກມແລະເອຊຽນເກມຄົນພິການ, ອົງການປົກຄອງນະຄອນກວາງໂຈ່ວຍັງຈະປະຕິບັດ 10 ໂຄງການທີ່ສ້າງຜົນປະໂຫຍດໃຫ້ແກ່ປະຊາຊົນ, ລວມທັງເພີ່ມວັນພັກ, ລະບົບຂົນສົ່ງສາທາລະນະຈະບໍ່ເສຍຄ່າ, ຫຼຸດລາຄາທ່ອງທ່ຽວ, ສະໜາມກິລາແລະສິ່ງກໍ່ສ້າງກໍ່ໄດ້ເປີດໃຫ້ປະຊາຊົນເຂົ້າຊົມຢ່າງບໍ່ເສຍຄ່າ, ໄປຊົມສະໜາມກິລາຫຼັກຂອງເອຊຽນເກມໂດຍບໍ່ເສຍຄ່າແລະແຈກປີ້ເຂົ້າປະຕູໃຫ້ແລະອື່ນໆ, ພ້ອມກັນນັ້ນຍັງໃຫ້ເງິນອຸດໜູນແກ່ກຸ່ມຄົນພິເສດ, ແລະສາມາດເຂົ້າຊົມອິນເຕີເນັດໄຮ້ສາຍໄດ້ອີກ. ເລີ່ມແຕ່ວັນທີ 1 ພະຈິກນີ້, ປະຊາຊົນກວາງໂຈ່ວແລະນັກທ່ອງທ່ຽວທີ່ໄປທ່ຽວກວາງໂຈ່ວຂີ່ລົດສາທາລະນະກໍ່ຈະບໍ່ໄດ້ຈ່າຍເງິນ. ໃນໄລຍະທີ່ບໍ່ເກັບຄ່ານັ້ນ, ລົດເມ, ລົດໄຟໃຕ້ດິນຈະເພີ່ມເວລາບໍລິການຕາມສະພາບຕົວຈິງ.
ເອຊຽນເກມກວາງໂຈ່ວຈະໃຊ້ສະໜາມກິລາ 70 ແຫ່ງ, ໃນນັ້ນ 53 ແຫ່ງໃຊ້ແຂ່ງຂັນແລະ 17 ແຫ່ງໃຊ້ຝຶກຊ້ອມ. ທ່ານຊູຣຸ້ຍເຊີງ, ຮອງເຈົ້າຄອງນະຄອນກວາງໂຈ່ວກ່າວວ່າ, ການສ້າງສະໜາມກິລາເອຊຽນເກມໄດ້ພິຈາລະນາເຖິງການນຳໃຊ້ຫຼັງເອຊຽນເກມພ້ອມ, ເຮັດໃຫ້ໝາກຜົນຂອງເອຊຽນເກມສ້າງຜົນປະໂຫຍດໃຫ້ແກ່ປະຊາຊົນກວາງໂຈ່ວໃນໄລຍະຍາວ.
"ເຮັດໃຫ້ປະຊາຊົນທົ່ວໄປສາມາດຊົມໃຊ້ຫມາກຜົນຂອງງານເອຊຽນເກມ,ແມ່ນຈຸດປະສົງພື້ນຖານຂອງການສ້າງສະຫນາມກິລາເອຊຽນເກມ. ການວາງແຜນສ້າງສະຫນາມກິລາແມ່ນເນັ້ນໃສ່ການເອົາການພັດທະນາຂອງຕົວເມືອງແລະຄວາມຕ້ອງການຂອງປະຊາຊົນໃນທົ່ວເມືອງອອກກຳລັງກາຍປະສົມປະສານກັນ.ເຮັດໃຫ້ສະຫນາມກິລາມີຫລາກຫລາຍບົດບາດ,ແລະສ້າງສິ່ງກໍ່ສ້າງພື້ນຖານຢູ່ອ້ອມຂ້າງສະຫນາມກິລາໃຫ້ຄົບຊຸດ."
ພາຍຫລັງງານເອຊຽນເກມສິ້ນສຸດລົງແລ້ວ, ຊາວເມືອງກວາງໂຈວຈະສາມາດຊົມໃຊ້ຫມາກຜົນຂອງເອຊຽນເກມຢ່າງເຕັມສ່ວນ.ເຂດຈັດກິລາເອຊຽນເກມກວາງໂຈວຈະກາຍເປັນຄຸ້ມຊຸມຊົນຢູ່ແຫ່ງໃຫມ່.ສ່ວນສະຫນາມກິລາທີ່ສ້າງຢູ່ເຂດມີມະຫາວິທະຍາໄລຂອງເມືອງກວາງໂຈວເຕົ້າໂຮມກັນຢູ່ກໍ່ຈະກາຍເປັນບ່ອນກິລາສຶກສາຂອງມະຫາວິທະຍາໄລ.ບ່ອນຊ່ວງເຮືອເຈິ່ງເສິງກໍ່ກາຍເປັນສວນສາທາລະນະນ້ຳ.ສະຫນາມກິລາເອຊຽນເກມກວາງໂຈວ, ກໍ່ຍັງສາມາດຈັດການແຂ່ງຂັນກາຍຍະສິນໄດ້ອີກ,ຫລັງການແຂ່ງຂັນແລ້ວສາມາດດັດສ້າງເປັນບ່ອນແຂ່ງຂັນບານບ້ວງ,ບານສົ່ງແລະດອກປີກໄກ່ໄດ້,ຍັງສາມາດຈັດກິດຈະກຳຕ່າງໆເຊັ່ນງານວາງສະແດງ, ຄອນເສີດແລະອື່ນໆ.
