 |
|
|
|||
| |
 |
|
||||||
 |
||
|
||
|
||
|
||
|
||
|
ໃນເວລາ 19 ໂມງ 30 ນາທີຂອງວັນທີ 13 ພະຈິກນີ້, ການແຂ່ງຂັນປະເພດວູຊູໄດ້ຈັດຂຶ້ນໃນສະໜາມກີລານານຊາທີ່ນະຄອນກວາງໂຈວ. ໂພໄຊ ອະໄພລາດ ນັກກີລາວູຊູລາວທີ່ເຄີຍໄດ້ຫຼຽນເງິນໃນເອຊຽນເກມຄັ້ງທີ 15 ໃນນະຄອນຫຼວງ ໂດຮາໄດ້ເຂົ້າຮ່ວມການແຂ່ງຂັນວູຊູລຸ້ນ 56 ກິໂລເພດຊາຍ. ຜ່ານການແຂ່ງຂັນທີ່ມ່ວນຊຶ່ນ, ໂພໄຊໄດ້ຊະນະໃນການແຂ່ງຂັນເທື່ອນີ້ແລະເຂົ້າສູ່ການແຂ່ງຂັນຮອບ 4 ສຸດທ້າຍທີ່ຈະຈັດຂຶ້ນໃນວັນທີ 15 ພະຈິກນີ້.
ຫຼັງຈາກການແຂ່ງຂັນເລີ່ມຕົ້ນແລ້ວ, ທ້າວໂພໄຊໄດ້ສູ້ກັນຢ່າງອົງອາດກ້າຫານ, ໂຈມຕີຄູ່ແຂ່ງຂັນດ້ວຍສີມືເຕັກນິກຊັດກຳປັ້ນແລະເຕະຂາທັງໄວທັງແຮງ, ຈົນໄດ້ໂຈມຕີໃຫ້ຄູ່ແຂ່ງຂັນລົ້ນຈາກເວທີ1ເທື່ອ, ບໍ່ເຄີຍໃຫ້ໂອກາດໜ້ອຍດຽງແກ່ຄູ່ແຂ່ງຂັນ. ສຸດທ້າຍ, ທ້າວໂພໄຊໄດ້ເອົາຊະນະດ້ວຍຄະແນນ 2 ຕໍ່ 0 ໃນການແຂ່ງຂັນຢ່າງງ່າຍ.
ພາຍຫຼັງການແຂ່ງຂັນ, ທ້າວໂພໄຊໄດ້ໃຫ້ສຳພາດຕໍ່ນັກຂ່າວ CRI.
ຫຼັງຈາກອອກຈາກສະໜາມກິລາ, ທ່ານດ.ຣ. ພູທອງ ແສງອາຄົມທີ່ມາໃຫ້ກຳລັງໃຈແກ່ທ້າວໂພໄຊ ອະໄພລາດ, ໄດ້ໃຫ້ສຳພາດຕໍ່ນັກຂ່າວເຮົາ
ການແຂ່ງຂັນຮອບທີ1ໄດ້ສຳເລັດລົງຢ່າງຈົບງາມ, ແລະຫຼັງຈາກການແຂ່ງຂັນທ້າວໂພໄຊ ອະໄພລາດຍັງບໍ່ຮູ້ສຶກເໝື່ອຍປານໃດ, ຂ້າພະເຈົ້າໄດ້ເຫັນຄູ່ເຝິກຜູ້ໜຶ່ງແມ່ນຄົນຈີນທີ່ໄດ້ໄປເຝິກນັກກີລາວູຊູລາວເປັນເວລາ2ປີແລ້ວ, ຄູເຝິກອີກຜູ້ໜຶ່ງແມ່ນທ້າວອຸດອນນັກກີລາມວຍ, ໂດຍມີການສະໜັບສະໜູນຢ່າງຮອບດ້ານແລະແຂງແຮງ, ຄາດວ່າການຍາດໄດ້ຫຼຽນຄຳໃນເອຊຽນເກມກວາງໂຈວຄັ້ງນີ້ກໍ່ຈະມີຫວັງຢູ່.
 |
 |
| © China Radio International.CRI. All Rights Reserved. 16A Shijingshan Road, Beijing, China. 100040 |