|
|
||
ໃນຕອນແລງວັນທີ16ພະຈິກນີ້, ການແຂ່ງຂັນວູຊູລຸ້ນ56ກິໂລຮອບ4ຄົນສຸດທ້າຍໄດຈັດຂຶ້ນໃນສະໜາມກິລານານຊາທີ່ນະຄອນຫຼວງກວາງໂຈວ, ທ້າວໂພໄຊ ອະໄພລາດທີ່ສູ້ກັບທ້າວຮວງເວີນຄຸນນັກກີລາຈາກເຂດບໍລິຫານພິເສດມາກາວຂອງຈີນ, ແລະຊະນະດ້ວຍຄະແນນ2ຕໍ່0. ໃນການແຂ່ງຂັນເທື່ອນີ້, ທ້າວໂພໄຊບໍ່ຮູ້ສຶກກົດດັນຫຍັງ, ແລະບຸກດ້ວຍການຊັດກຳປັ້ນແລະການເຕະຂາຢ່າງແຮງ, ເຖິງແມ່ນວ່າຄູ່ຕໍ່ສູ້ຮ່າງໃຫຍ່ສູງ, ແຕ່ວ່າທ້າວໂພໄຊກໍ່ບໍ່ຢ້ານກົວເລີຍ, ບຸກດ້ວຍການປ້ຳແລະເຮັດໃຫ້ຄູ່ຕໍ່ສູ້ລົ້ມລົງຫຼາຍເທື່ອ, ໃນທີ່ສຸດກໍຊະນະຢ່າງຂາວສະອາດ. ຫຼັງຈາກການແຂ່ງຂັນ, ທ້າວໂພໄຊໃຫ້ສຳພາດຕໍ່ນັກຂ່າວCRI
ຫຼັງຈາກການແຂ່ງຂັນວູຊູລຸ້ນ56ກິໂລເພດຊາຍສຳເລັດລົງແລ້ວ, ກໍມີການແຂ່ງຂັນວູຊູເພດຍິງລຸ້ນ60ກິໂລຮອບ4ຄົນສຸດທ້າຍ, ໂດຍແມ່ນນາງປາລອຍ ບາກຄຳ, ນັກກິລາລາວແຂ່ງຂັນກັບນາງກູຣັງ ຈະຮາຣານາ, ນັກກິລາເນປານ.ໃນການແຂ່ງຂັນ, ເຖິງແມ່ນວ່າເປັນເທື່ອທຳອິດທີ່ມາເຂົ້າຮ່ວມການແຂ່ງຂັນລະດັບສາກົນແນວນີ້, ແຕ່ວ່ານາງປາລອຍກໍ່ທຸ່ນທ່ຽງດີ, ບຸກຄູ່ແຂງຂັນທັງແຮງທັງໄວ, ສຸດທ້າຍກໍ່ໄດ້ເຮັດຮັບໄຊຊະນະ. ການໄດ້ຮັບໄຊຊະນະເທື່ອນີ້ໄດ້ສ້າງປະຫວັດສາດໃໝ່ຂອງການແຂ່ງຂັນວູຊູເພດຍິງຂອງລາວ, ແລະນາງປາລອຍກໍ່ກາຍເປັນຜູ້ທຳອິດທີ່ໄດ້ຮັບໄຊຊະນະໃນການແຂ່ງຂັນວູຊູເພດຍິງລາວ, ຫຼັງຈາກການແຂ່ງຂັນ, ນາງບອກນັກຂ່າວວ່າ, ຮູ້ສຶກດີໃຈຫຼາຍຍ້ອນການໄດ້ຮັບໄຊຊະນະເທື່ອນີ້ເປັນເທື່ອທຳອິດຂອງນາງ, ເປັນຜູ້ຍິງຜູ້ທຳອິດຂອງກິລາວູຊູ, ຢາກໃຫ້ປະຊາຊົນລາວໃຫ້ກຳລັງໃຈຕໍ່ໄປແລະຫວັງວ່າຈະໄດ້ຫຼຽນເງິນຫຼືຫຼຽນຄຳ.
ໃນການແຂ່ງຂັນວູຊູລຸ້ນ60ແລະ70ກິໂລເພດຊາຍ, ທ້າວວາລະສິດ ບົວພາກັບທ້າວໄຊຍະວົງ ສົມໝາຍເສຍໄຊໃນການແຂ່ງຂັນ, ເມື່ອເວົ້າເຖິງເສຍໄຊເທື່ອນີ້, ຄູເຝິກຈີນບອກນັກຂ່າວວ່າ:
ເຫດຜົນຕົ້ນຕໍກໍ່ແມ່ນນັກກິລາ2ຄົນນີ້ເຂົ້າຮ່ວມການແຂ່ງຂັນລະດັບສາກົນ ແນວນີ້ບໍ່ຫຼາຍ, ປະສົບການຍັງບໍ່ພຽງພໍ, ມີສີມືດີ, ແຕ່ ຕື່ນເຕັ້ນເກີນໄປຈຶ່ງບໍ່ກ້າບຸກຫລາຍ, ຕົກທ່າຮັບຕະຫລອດ, ແລະມີອາຍຸຍັງໜຸ່ມຫລາຍບໍ່ເປັນຫຍັງ, ຖ້າໄດ້ເຂົ້າຮ່ວມຫຼາຍເທື່ອແລ້ວກໍ່ຈະດີຂຶ້ນ.
ຫຼັງຈາກການແຂ່ງຂັນສິ້ນສຸດລົງແລ້ວ, ນັກຂ່າວໄດ້ພົບກັບນັກກິລາວູຊູເພດ ຊາຍ3ຄົນ, ເຫັນວ່າທ້າວໄຊຍະວົງແລະທ້າວວາລະສິດເສຍໃຈຫຼາຍ, ທ້າວໂພໄຊ ອະໄພລາດບອກນັກກິລາລຸ້ນນ້ອງບໍ່ຕ້ອງເສຍໃຈ, ເຖິງວ່າບໍ່ໄດ້ຫຼຽນກໍ່ໄດ້ປະສົບການທີ່ລ້ຳຄ່າ, ຝຶກຊ້ອມໃຫ້ດີກວ່ານີ້, ເພື່ອພະຍາຍາມຍາດໄດ້ຫຼຽນໃນເອຊຽນເກມ ຄັ້ງໜ້າ.
© China Radio International.CRI. All Rights Reserved. 16A Shijingshan Road, Beijing, China. 100040 |