ຕອນແລງວັນທີ17ພະຈິກນີ້, ພິທີມອບຫຼຽນໄດ້ຈັດຂຶ້ນໃນສະໜາມກິລານານຊານະຄອນກວາງໂຈ, ທ້າວໂພໄຊ ອະໄພລາດກັບນາງປາລອຍ ບາກຄຳໄດ້ຂຶ້ນແທ່ນຮັບຫຼຽນທອງ2ຫຼຽນ, ຫຼັງຈາກພິທີມອບຫຼຽນ, ທ້າວໂພໄຊ ອະໄພລາດໃຫ້ສຳພາດຕໍ່ນັກຂ່າວCRIວ່າ:
ເຖິງແມ່ນວ່າການເຂົ້າຮ່ວມການແຂ່ງຂັນວູຊູຄັ້ງນີ້, ບໍ່ໄດ້ບັນລຸເປົ້າໝາຍຂອງທ້າວໂພໄຊ ແຕ່ວ່າກໍ່ໄດ້ຜົນງານອັນດີເດັ່ນແກ່ປະເທດລາວແລ້ວ, ຄະນະນັກກິລາວູຊູໄດ້ຫຼຽນທອງທັງໝົດ2ຫຼຽນ, ມາຊົມເຊີຍຜົນງານທີ່ດີຂອງເຂົາເຈົ້າຮ່ວມກັນ.
ໃນເວລາ9ໂມງວັນທີ17ພະຈິນນີ້, ການແຂ່ງຂັນເທຄັວນໂດລຸ້ນ49ກິໂລແລະລຸ້ນ74ກິໂລໄດ້ຈັດຂຶ້ນໃນສະໜາມກິລາກວາງຕຸ້ງ. ທ້າວພິມມະສອນ ສະຫວັດວິໄລກັບນາງມະນີວັນ ຄູນວິເສດ ເຂົ້າຮ່ວມການແຂ່ງຂັນ, ເຖິງແມ່ນວ່າໄດ້ເສຍໄຊ, ແຕ່ວ່າການແຂ່ງຂັນດຸເດືອດຕື່ນເຕັ້ນຫຼາຍແລະຄະແນນກໍ່ສູສີກັນຫຼາຍນັ້ນໄດ້ສະແດງໃຫ້ເຫັນວ່ານັກກິລາລາວກໍ່ມີສີມືສູງ, ເວົ້າໄດ້ວ່າເສຍໄຊແຕ່ໄດ້ກຽດຊື່ສຽງ.
ຜູ້ລາຍງານຂ່າວສັງເກດເຫນວ່າ, ນັກກິລາລາວມີອາຍຸສະເລ່ຍພຽງແຕ່ປະມານ20ປີເທົ່ານັ້ນ, ແຕ່ສວນຫຼາຍກໍ່ໄດ້ຮຽນແລະເຝິກຊ້ອມເທຄັວນໂດເປັນເວລາປະມານ10ປີແລ້ວ, ໂດຍສະເພາະແມ່ນນາງມະນີວັນ ຄູນວິເສດໄດ້ເຝິກເທຄັວນໂດມາຕັ້ງແຕ່ອາຍຸ8ປີ. ເຂົາເຈົ້າເວົ້າວ່າ, ຮູ້ສຶກວ່າການເຝິກຊ້ອມເທຄັວນໂດມີຜົນດີຕໍ່ສຸຂະພາບ, ແລະປະຈຸບັນນີ້, ຢູ່ລາວມີຄູເຝິກແລະສະໜາມກິລາເທຄັວນໂດຫຼາຍ, ໝູ່ເພື່ອນທີ່ຫຼິ້ນກໍ່ຫຼາຍ, ມີນັກກິລາລາວໃນທີມນີ້ຜູ້ໜຶ່ງແມ່ນພໍ່ຂອງລາວພາລາວໄປຮຽນແຕ່ຍັງນ້ອຍໆພຸ້ນ. ໃນຊີເກມຄັ້ງທີ25ທີ່ຈັດຂຶ້ນໃນນະຄອນຫຼວງວຽງຈັນປີກາຍນີ້, ທິມເທຄັວນໂດລາວໄດ້ທັງຫຼຽນຄຳ, ຫຼຽນເງິນແລະຫຼຽນທອງ, ຜູ້ລາຍງານຂ່າວກໍ່ງຶດວ່າທີມທີ່ປະກອບດ້ວຍນັກກິລາແບບມືສະໝັກຫິ້ນແຕ່ສາມາດຍາດໄດ້ຜົນງານດີຂະໜາດນີ້. ເຖິງແມ່ນເສຍໄຊໃນມື້ນີ້, ແຕ່ວ່າຄູເຝິກກໍ່ຍັງທຸ່ນທ່ຽງຢູ່, ລາວເວົ້າວ່າ:
ຜົນງານຂອງນັກກິລາລາວຈະເປັນແນວໃດຕໍ່ໄປ,ຂໍເຊີນຊວນທ່ານຕິດຕາມນຳກັນຕໍ່ໄປ.
