|
|
||
ກ:ສະບາຍດີ,ທ່ານຜູ້ຟັງທີ່ເຄົາລົບ.
ຂ:ສະບາຍດີ,ທ່ານຜູ້ຟັງ,ຄືນນີ້…ແລະ…ຂໍນຳພາທ່ານສູ່ບັນຍາກາດແຫ່ງຄວາມເບີກບ້ານມ່ວນຊື່ນຂອງລາຍການສຸກສັນສະໂມສອນ.
ກ:ເປັນຈັ່ງໃດໃນມື້ນີ້ແລະມື້ວານທີ່ເປັນວັນພັກທ້າຍສັບປະດາ,ທ່ານມີຄວາມມ່ວນຊື່ນຫຼາຍບໍ່?ຫວັງວ່າ,ລາຍການຂອງພວກເຮົາຈະມອບຄວາມມ່ວນຊື່ນໃຫ້ແກ່ທ່ານໄດ້ບໍ່ຫຼາຍກໍ່ໜ້ອຍໃນຄືນວັນອາທິດຄືແນວນີ້.
ຂ:ຢ່າງໃດກໍ່ຕາມ,ໃນຕອນຄ່ຳຄືນມື້ນີ້,ສອງຄົນເຮົາກໍ່ມາຈັດເພງມ່ວນໆລົມເລື່ອງເບົາສະໝອງໃຫ້ຟັງ,ຈະໃຫ້ຟັງເພງທຳອິດຈາກລາຍການເລີຍໃນເພງທີ່ມີຊື່ວ່າ,ແປວ່າ,ໄປທ່ຽວ ທີ່ຂັບຮ້ອງດ້ວຍ
ຂ:ໜຸ່ມໃຫຍ່ເຄີຍຂໍແຕ່ງດອງຕໍ່ຜູ່ສາວບໍ່?
ກ:ເຄີຍແທ້,ຈົນຢູ່ນຳກັນມາໄດ້20ກວ່າປີແລ້ວ.
ຂ:ມື້ນີ້,ແສງແກ້ວເລົ່າການຂໍແຕ່ງດອງທີ່ເຮັດໃຫ້ອິດເມື່ອຍໂຮຍແຮງທີ່ສຸດໃນໂລກ.
ກ:ຂໍແຕ່ງດອງແບບໃດ,ຈິ່ງວ່າອິດເມື່ອຍເອົາແທ້ເອົາວ່າ?
ຂ:ຫວ່າງມໍ່ໆນີ້,ຢູ່ທີ່ນີວຢອກ,ທ.ຈໍນາຊົງທີ່ມີອາຍຸ25ປີໄດ້ຈັດ"ພິທີຂໍແຕ່ງດອງທີ່ອິດເມື່ອຍກວ່າໝູ່ໃນໂລກ"ກັບແຟນຂອງລາວທີ່ຮັກກັນມາໄດ້2ປີແລ້ວ.ຄືເຂົາເຈົ້າທັງສອງໄດ້ເຂົ້າຮ່ວມການແຂ່ງຂັນ ມາລາທອນມະນຸດເຫຼັກ ທີ່ຈັດຂຶ້ນຢູ່ສວນສາທາລະນະໃຈກາງນີວຢອກ,ຄືຕ້ອງສຳເລັດການລອຍນ້ຳ1500ແມັດ,ຂີ່ລົດຖີບ40ກິໂລແມັດແລະແລ່ນທົນອີກ10ກິໂລແມັດແລ້ວ,ທ.ຈໍນາຊົງກໍ່ຂຸເຂົ່າລົງເບື້ອງໜຶ່ງ,ແລະຈົກແຫວນວົງໜຶ່ງອອກມາ,ຂໍແຕ່ງດອງຕໍ່ແຟນທີ່ແລ່ນມານຳກັນ.
ກ:ຖ້າເປັນແນວນີ້,…ຄິດວ່າ,ແຟນຂອງລາວຄືຊິຮັບປາກແລ້ວເນາະ.
ຂ:ແນ່ນອນ,ການຂໍແຕ່ງດອງຢ່າງກະທັນຫັນແບບນີ້,ເຮັດໃຫ້ແຟນຂອງລາວງົງຈົນຕາຄ້າງ.ໃນສຽງຮ້ອງໂຮຊົມເຊີຍຂອງຄົນທັງຫຼາຍ,ແຟນຂອງທ.ຈໍນາຊົງໄດ້ຕອບຮັບການຂໍແຕ່ງງານກັບທີ່,ແລ້ວ ສອງຄົນຈູງມືກັນຜ່ານເສັ້ນໄຊຂອງການແຂ່ງຂັນ.
ກ:ອື່!ເປັນຕາສະອອນນຳເຂົາເຈົ້າເນາະ.
ຂ:ຄັນຊັ້ນຍາມໃດ…ຈິງຈະຂໍແຕ່ງງານແບບສ້າງສະຖິຕິໂລກແບບນີ້ນຳເພິ່ນ?
ກ:ໂອຍ,ບໍ່ມີໂອກາດອີກແລ້ວ.
ຂ:ເອົາຄັນຊັ້ນ,ພວກເຮົາມາຟັງເພງຕໍ່,ສອງເພງມອບໃຫ້ຜູ້ຟັງທັງຫຼາຍທີ່ຕິດຕາມຮັບຟັງລາຍການຂອງພວກເຮົາໃນຂະນະນີ້,ແມ່ນເພງຮັກເຈົ້າສຸດຫົວໃຈ,ແລະເພງກົງຫັນລົມສີຂາວ.
ກ:ບັດນີ້,ຮອດເວລາທີ່ໜຸ່ມໃຫຍ່ຈະເລົ່າຕະຫຼົກສູ່ຟັງແລ້ວ.
ຂ:ເຈົ້າ,(ເລື່ອງຕະຫຼົກທີ1)
ກ:ສອງເພງເມື່ອກີ້ນີ້ແມ່ນ,ເພງມື້ທີ່ຈາກກັນ,ແລະເພງນອກປ່ອງຢ້ຽມ
ຂ:…ຊັງແມງສາບບໍ່?
ກ:ເຈົ້າແມ່ນແລ້ວ,ແມງສາບສົກກະປົກຫຼາຍ,ໂດຍສະເພາະແມ່ນອາຫານຂອງພວກເຮົາ.
ຂ:ຖືກຕ້ອງ,ແຕ່ວ່າແມງສາບ6000ກວ່າຊະນິດນັ້ນ,ມີພຽງປະມານ1%ເທົ່ານັ້ນໄດ໋ທີ່ເປັນແມງສາບອັນຕະລາຍ.
ກ:ເມື່ອເວົ້າເຖິງແມງສາບ,ໃນຫຼາຍມື້ມານີ້,…ໄດ້ອ່ານວາລະສານທີ່ແມງສາບຖືກຂຽນເປັນສັດທີ່ປັບຕົວເຂົ້າກັນກັບສິ່ງແວດລ້ອມເກັ່ງທີ່ສຸດ.ໃນວາລະສານ,ຜູ່ຊ່ຽວຊານໄດ້ຕັ້ງຂໍ້ສະຫຼຸບແບບນີ້:ຖ້າວ່າມື້ໃດມື້ໜຶ່ງ,ໃນໂລກໄດ້ເກີດສົງຄາມນີວເຄຼຍ,ຊີວະນານາພັນ,ເຊິ່ງລວມທັງມວນມະນຸດກໍ່ຈະຕາຍ,ມີແຕ່ແມງສາບເທົ່ານັ້ນທີ່ສາມາດສືບຕໍ່ມີຊີວິດໄດ້.ນີ້ກໍ່ຍ້ອນວ່າ,ໃນສະພາບທຳມະດາ,ການອົດທົນຕໍ່ການແຜ່ກຳມັນຕະພາບລັງສີຂອງມະນຸດແມ່ນ5rems,ຖ້າວ່າການແຜ່ລັງສີຫຼາຍກວ່າ800remsແລ້ວຄົນກໍ່ຈະຕາຍ,ແຕ່ແມງສາບນ້ອຍເຢັຍລະມັນສາມາດທົນ9000-10500rems,ແລະແມງສາບໃຫຍ່ອາເມລິກາສາມາດທົນໄດ້ເຖິງ967500 rems!ສະນັ້ນ,ເຖິງວ່ານີວເຄຼຍແຕກຂຶ້ນ,ແມງສາບກໍ່ຍັງສາມາດສືບຕໍ່ມີຊີວິດຢູ່ໄດ້.
ຂ:ເຈົ້າ,ແມ່ນແລ້ວ,ໃນຫຼາຍຮ້ອຍລ້ານປີມານີ້,ການເອົາຊີວິດລອດແລະຄວາມສາມາດອົດທົນຕໍ່ສິ່ງແວດລ້ອມຂອງແມງສາບໄດ້ນັບມື້ນັບແຮງຂຶ້ນ,ສ່ວນໜ້າຕາຂອງພວກມັນກໍ່ບໍ່ໄດ້ປ່ຽນແປງຫຍັງ,ຊາກແມງສາບທີ່ພວກເຮົາໄດ້ເຫັນໃນ
ກ:…ຍັງຮູ້ວ່າ,ທ່ານມັກ·ໂປຕານ ຜູ່ຊ່ຽວຊານແມງໄມ້ອາເມລິກາໄດ້ໄຂຫໍພິພິທະພັນລະລຶກບຸກຄົນຊື່ດັງ,ເກັບໂຮມແມງສາບທີ່ນຸ່ງເສື້ອຫຼາຍຢ່າງ.ແມງສາບເຫຼົ່ານີ້ລ້ວນແຕ່ຕາຍແລ້ວ,ແຕ່ໃສ່ເຄື່ອງນຸ່ງໃຫ້ມັນ,ຖືກແຕ່ງເປັນຮູບຊົງບຸກຄົນຊື່ດັງ.ຖ້າວ່າທ່ານເຫັນແມງສາບເຫຼົ່ານີ້,ຍ່ອມຈະບໍ່ຢ້ານຈັກດີ້.
ຂ:ພວກເຮົາມາຟັງສອງເພງຕໍ່,ແມ່ນເພງປ້າຍໃດ,ແລະເພງເຈົ້າຮັກລາວແທ້ໆ.
ກ:…ເຄີຍຄິດວ່າຈະມີເຂົ້າໜົມຕົກມາຈາກທ້ອງຟ້າບໍ່?
ຂ:ເຄີຍຝັນຢູ່,ແຕ່ໃນຊີວິດຕົວຈິງອາດຈະເກີດເລື່ອງແບບນີ້ບໍ່ໄດ້.
ກ:ບໍ່ແນ່ນອນ,ໃນຫຼາຍມື້ມໍ່ໆມານີ້,ມີເງິນສົດໄປຢູ່ໃນຕູ້ໄປສະນີເຮືອນຂອງຄົນຍີ່ປຸ່ນຈຳນວນໜຶ່ງ,ຫຼືວ່າຕົກຈາກທ້ອງຟ້າໂດຍກົງບໍ່?
ຂ:ເລື່ອງນີ້ແຮງຕື່ນເຕັ້ນກວ່າເຂົ້າໜົມອີກນໍ້,ເລື່ອງເປັນແນວໃດ?
ກ:ຫວ່າງມໍ່ໆນີ້,ພົນລະເມືອງຍີ່ປຸ່ນ18ຄອບຄົວທີ່ພັກໃນອາຄານຫຼັງໜຶ່ງໄດ້ເຫັນເງິນສົດໃນຕູ້ໄປສະນີຂອງເຮືອນຕົນ,ນັບລວມແລ້ວມີ1ລ້ານ8ແສນ1ໝື່ນເຢັນ,ຫຼືປະມານ1ໝື່ນ5ພັນໂດລາ.ຕຳຫຼວດບອກວ່າ,ເງິນສົດລ້ວນແຕ່ຢູ່ໃນຊອງຈົດໝາຍທຳມະດາ.ຊອງຈົດໝາຍນັ້ນບໍ່ໄດ້ປິດ,ແລະບໍ່ມີຂໍ້ມູນຫຍັງຢູ່ໃນຊອງເລີຍ.
ຂ:ຜູ້ທີ່ໄດ້ເຫັນເງິນສົດຄືຊິດີໃຈຫຼາຍເນາະ!
ກ:ບໍ່ແມ່ນແນວນີ້ໄດ໋,ເວລາເຂົ້າເຈົ້າເຫັນເງິນໃນຕູ້ໄປຊະນີຂອງຕົນກໍ່ຮູ້ສຶກຕົກໃຈຫຼາຍ,ເພາະເຂົາເຈົ້າຄິດວ່າຖ້າເອົາເງິນທີ່ບໍ່ຮູ້ທີ່ມາທີ່ໄປນັ້ນເປັນເລື່ອງທີ່ບໍ່ດີແລະອາດຈະອັນຕະລາຍອີກຊ້ຳ.
ຂ:ອື່,ແມ່ນໄດ໋ເນາະ.ເມື່ອກີ້ນີ້,…ເວົ້າວ່າ,ມີເງິນຕົກຈາກທ້ອງຟ້າ,ເລື່ອງເປັນແນວໃດ?
ກ:ຟັງສອງເພງກ່ອນ,ແລ້ວ…ຈະເລົ່າໃຫ້ຟັງ,ແມ່ນເພງສິ່ງຕອບແທນຂອງຄວາມຮັກ,ແລະເພງຊີກໂລກເໜືອທີ່ໂດດດ່ຽວ.
ຂ:ຟັງເພງຈົນໄປແລ້ວ…ເລົ່າເລື່ອງເງິນຕົກຈາກຟ້າໃຫ້ຟັງໄດ້ແລ້ວຕິບາດນີ້,ເລົ່າເບິ່ງມັນເປັນແນວໃດແທ້?
ກ:ເຈົ້າ,ໃນໄລຍະທີ່ຄົນຍີ່ປຸ່ນພວມງົງກັບເງິນໃນຕູ້ໄປຊະນີ ກໍ່ມີເຫດການໜຶ່ງເກີດຂຶ້ນອີກ,6ໝື່ນເຢັນວາງຢູ່ຕໍ່ໜ້າປະຕູຮ້ານຄ້າແຫ່ງໜຶ່ງ.ແຕ່ບໍ່ມີຜູ້ໃດກ້າຈັບເອົາເລີຍ,ຕຳຫຼວດບໍ່ວ່າ,ຄົນບໍ່ກ້າເອົາກໍ່ຍ້ອນເງິນນີ້ເປັນສິ່ງຜິດປົກກະຕິແລ້ວ.
ຂ:ແມ່ນໃຜນໍ້?ສ້າງແປກໆແນວນີ້ຂຶ້ນມາ?
ກ:ກໍ່ບໍ່ຮູ້ກັນ,ແຕ່ຍັງມີເລື່ອງແປກອີກໄດ້…ຄື:ໃນຫ້ອງນ້ຳຊາຍຂອງຕຶກຫ້ອງການຫຼາຍແຫ່ງຂອງຍີ່ປຸ່ນໄດ້ປະກົດມີເງິນສົດເລີກລັບ,ພ້ອມເຈ້ຍໃບໜຶ່ງຂຽນວ່າ"ເຊີນໃຊ້ເພື່ອການກຸສົນ".ສະນັ້ນ,ຫຼາຍຄົນກໍ່ຄາດຄະເນວ່າ,ຜູ້ທີ່ເອົາເງິນສົດນັ້ນມາໄວ້ອາດຈະແມ່ນພະນັກງານຜູ່ໃດຜູ່ໜຶ່ງທີ່ຢາກຮຽກຮ້ອງໃຫ້ຄົນທັງຫຼາຍເຮັດການກຸສົນຫຼາຍກວ່າເກົ່າ.
ຂ:ທີ່ຈິງແລ້ວຄົນ,ຜູ້ນີ້ສາມາດບໍລິຈາກເງິນເຫຼົ່ານີ້ໃຫ້ອົງການກຸສົນ,ໂດຍຕົວລາວເອງເລີຍກໍ່ໄດ້,ແຕ່ຄືຊິຢາກເປັນຂ່າວຫຼາຍກວ່າເນາະ.
ກ:ເຈົ້າ,ເອົາມາຟັງເພງອີກ2ເພງຄື:",ບໍ່ຮູ້ຮັກເຈົ້າເມື່ອໃດ,ແລະເພງເບີໂທໂລແມ່ນຕິກ.
© China Radio International.CRI. All Rights Reserved. 16A Shijingshan Road, Beijing, China. 100040 |