ເພງ ຊີກວົງເດືອນ ຂອງເສິນຄຸນ. ເສິນຄຸນແມ່ນດາລານັກສະແດງຮູບເງົາແລະລະຄອນໂທລະພາບທີ່ກຳລັງດັງທີ່ສຸດຢູ່ແຜ່ນດິນໃຫຍ່ຈີນ.ລາວໄດ້ສະແດງເປັນຕົວລະຄອນຫຼາຍໆບົດບາດດ້ວຍ ການສະແດງອັນດີເດັ່ນ,ການສະແດງຂອງລາວເປັນທີ່ ຍອມຮັບແລະ ຕີລາສູງຈາກມວນຊົນທົ່ວໄປ.ແຕ່ວ່າຜູ່ຊົມຫຼາຍຄົນບໍ່ຮູ້ວ່າ,ກ່ອນເປັນນັກສະແດງ,ເສິນຄຸນເຄີຍເປັນນັກຮ້ອງດ່ຽວໃນຄະນະຮ້ອງແລະຟ້ອນຕົ່ງຟ້າງຈີນ.ເສິນຄຸນມີສຽງດີສົມຄວນ,ລາວຝັນ ຕະຫຼອດມາວ່າຢາກເປັນນັກຮ້ອງເພງສະໄໝນິຍົມທີ່ມີຊື່ສຽງ.ເຖິງວ່າເສິນຄຸນສ້າງຊື່ສຽງດົ່ງດັງຂຶ້ນຍ້ອນການສະແດງລະຄອນໂທລະພາບກໍຕາມ,ແຕ່ລາວບໍ່ໄດ້ຢຸດເຊົາການຮ້ອງເພງເລີຍ.ໃນລະຄອນໂທລະພບເລື່ອງຄວາມຮັກທີ່ຍິ່ງໃຫຍ່,ເສິນຄຸນໄດ້ລອງສຽງຂອງຕົນ,ຮ້ອງເພງນຳຂອງລະຄອນ ເລື່ອງນີ້ຄືເພງ ກັບຄືນສູ່ຄວາມງ່າຍດາຍ ອັນໄດ້ຮັບການຕິລາຄາສູງ,ເສິນຄຸນຈິ່ງໄດ້ ຕັດສິນໃຈກ້າວເຂົ້າສູ່ວົງການເພງ.
ປີ2004,ເສິນຄຸນໄດ້ເຊັນຂໍ້ຜູກພັນກັບບໍລິສັດແຜ່ນສຽງBMGຮົງກົງ,ເລີ່ມກະກຽມການອອກອາລະບ້ຳຂອງຕົນ,ກ້າວສູ່ວົງການເພງຢ່າງເຕັມຕົວ.ພາຍຫຼັງກະກຽມມາເປັນເວລາເກືອບ1ປີ,ອາລະບ້ຳທີ່ຊື່ວ່າ" ແຊກຊຶມ" ໄດ້ອອກສູ່ຕະຫຼາດ.ອາລະບ້ຳຊຸດນີ້ມີເນື້ອໃນກ່ຽວກັບ"ຄວາມງ່າຍດາຍແລະໂລແມນຕິກ",ເຊິ່ງມີນັກວິຊາການດົນຕີທີ່ມີຊື່ສຽງຫຼາຍຄົນຮ່ວມກັນຜະລິດ,ອັນໄດ້ສ່ອງແສງໃຫ້ເຫັນແນວດົນຕີຫຼາຍແບບ.ຕໍ່ໄປມາຟັງເພງນຳໃນອາລະບ້ຳຊຸດນີ້ຄືເພງມັດໄຟຢາສູບ.
ປີ2005,ເວົ້າສຳລັບເສິນຄຸນແລ້ວແມ່ນປີໜຶ່ງທີ່ຈາກນັກສະແດງກ້າວໄປສູ່ວົງການເພງຢ່າງສຳເລັດຜົນ.ໃນປີນັ້ນ,ລາວໄດ້ທຳລາຍສະຖິຕິຂອງວົງການເພງຈີນ,ໄດ້ຮັບລາງວັນນັກຮ້ອງນ້ອງໃໝ່ດີເດັ່ນຂອງລາງວັນດົນຕີປະເພດຕ່າງໆຂອງຈີນ.ຍອດຈຳໜ່າຍອາລະບ້ຳ"渗透 ແຊກຊຶມ" ໄດ້ເອົາຊະນະນັກຮ້ອງທີ່ມີຊື່ດັງຫຼາຍຄົນໃນຄາວນັ້ນ,ແລ້ວເຂົ້າຮອບ3ໃນການຈຳໜ່າຍອາລະບ້ຳເພງຈີນ.ເສິນຄຸນກໍໄດ້ກາຍເປັນຊຸບເປີນັກຮ້ອງນ້ອງໃໝ່ຍອດຢ້ຽມທີ່ຢູ່ໃນຄວາມສົນໃຈຂອງຜູ່ຊົມແລະສື່ມວນຊົນທີ່ສຸດໃນປີ2005.
ຫຼັງຈາກນັ້ນ,ເສິນຄຸນໄດ້ເຂົ້າສູ່ໄລຍະກະກຽມການສ້າງອາລະບ້ຳຊຸດທີສອງຂອງຕົນ,ເດືອນພຶດສະພາປີ2006,ລາວໄດ້ອອກອາລະບ້ຳຊຸດໃໝ່ທີ່ຊື່ວ່າ ບັນລຸຜົນເປັນຈິງອີກເທື່ອໜຶ່ງ. ອາລະບ້ຳຊຸດນີ້ໄດ້ກວມເອົາແນວດົນຕີສະໄໝນິຍົມຫຼາຍປະເພດເຊັ່ນສະບາຍອາລົມ,R&B jazz ແລະເພງສາກົນ world music .ເສິນຄຸນເວົ້າວ່າ,ຢາກຜ່ານຈາກອາລະບ້ຳຊຸດນີ້ເຮັດໃຫ້ຄົນທັງຫຼາຍສາມາດຫຼຸດພົ້ນອອກຈາກຕົວລະຄອນທີ່ລາວສະແດງ,ຜ່ານຈາກດົນຕີມາຮັບຮູ້ລາວຢ່າງແທ້ຈິງແລະຮອບດ້ານກວ່າເກົ່າ. ຕໍ່ໄປມາຟັງເພງນຳໃນອາລະບ້ຳຊຸດທີສອງຂອງເສິນຄຸນໃນເພງທີ່ຊື່ວ່າ ພາບມາຍາ
ນັກສິລະປິນຜູ່ໜຶ່ງ,ຄັນຢາກເຮັດໃຫ້ອາຍຸການເປັນສິລະປິນຂອງຕົນຍືນຍາວກວ່າເກົ່າ,ກໍຕ້ອງພະຍາຍາມຢ່າງສຸດຂີດ,ພັດທະນາຢ່າງບໍ່ຢຸດຢັ້ງ.ເສິນຄຸນກ້າວໄປພັດທະນາໃນວົງການເພງສາມາດເວົ້າໄດ້ວ່າແມ່ນການເລີ່ມຕົ້ນໃໝ່ຂອງອາຊີບສິລະປິນຂອງລາວ.ພວກເຮົາກໍຫວັງວ່າດົນຕີຂອງລາວກໍ່ຄືກັນກັບລີລາການສະແດງອັນດີເດັ່ນຂອງລາວ,ສາມາດນຳເອົາຄວາມຮູ້ສຶກໃໝ່ແລະຄວາມຕື່ນເຕັ້ນ ມາໃຫ້ພວກເຮົາຕະຫຼອດ.
ເພງ ນາງຟ້າກັບຊາດ ຜົນງານເພງຂອງເສິນຄຸນ ນັກຮ້ອງແຜ່ນດິນໃຫຍ່ຈີນ.
