|
|
||
ໃນຕອນເຊົ້າວັນທີ20ພະຈິກນີ້, ການແຂ່ງຂັນກິລາເທຄວັນໂດເພດຊາຍລຸ້ນ54ກິໂລແລະ58ກິໂລໄດ້ຈັດຂຶ້ນຢູ່ສະໜາມກິລາກວາງຕຸ້ງ. ຍ້ອນວ່າປະເພດກິລາທີ່ມີຄວາມຫວັງໄດ້ຫຼຽນສູງທີ່ສຸດຂອງລາວແມ່ນກິລາວູຊູແລະເທຄວັນໂດ, ແຕ່ການແຂ່ງຂັນວູຊູຂອງລາວໄດ້ຫຼຽນທອງ2ຫຼຽນໄປແລ້ວ, ສະນັ້ນ, ທ່ານແສງພອນ ພົນອາມາດໄດ້ຕື່ນແຕ່ເຊົ້າເພື່ອມາໃຫ້ກຳລັງໃຈແກ່ນັກກິລາເທຄວັນໂດລາວ,ທ່ານເວົ້າວ່າ:
"ກິລາປະເພດນີ້ ຄວາມສາມາດຂອງນັກກິລາລາວທຽບກັບບັນດາປະເທດໃນອາຊີໄດ້,ຖັດຈາກວູຊູທີ່ເຮົາໄດ້ຮັບຫຼຽນທອງແລ້ວ.ກໍ່ແມ່ນກິລາເທຄວັນໂດ,ການຈັບສະຫຼັກມີຄວາມສະດວກດີໂດຍຈະພົບກັບປະເທດທີ່ບໍ່ເກັ່ງຫຼາຍປານໃດ.ສະນັ້ນຄວາມຫວັງຈຶ່ງຍັງມີຢູ່ນຳເທຄວັນໂດ."
ທ້າວພິມມະສອນ ສະຫວັດວິໄລ)PHIMMASONE Sawatvilayພົບກັບຄູ່ແຂ່ງຈາກເຂດບໍລິ ຫານພິເສດມາເກົາແລະຊະນະດ້ວຍຄະແນນ11ຕໍ່0, ທ້າວພຸດທະວົງ ອຸທະສັກOUTHASAK Phouthavongເສຍໃຫ້ນັກກິລາເຢແມນດ້ວຍຄະແນນ0ຕໍ່1,ຫຼັງຈາກການແຂ່ງຂັນ, ທ້າວພຸດທະວົງໃຫ້ສຳພາດຕໍ່ນັກCRIວ່າ:
"ເສຍດາຍທີ່ເສຍ,ຍ້ອນປະສົບການຍັງບໍ່ຫຼາຍປານໃດ.ຈະພະຍາຍາມຝຶກຊ້ອມຕໍ່ອີກຫຼັງຈາກເມືອລາວ."
ເວລາ10ໂມງ30ນາທີ,ທ້າວພິມມະສອນ ສະຫວັດວິໄລ)PHI MMASONE Sawatvilayເຂົ້າແຂ່ງຂັນໃນຮອບ8ຄົນສຸດທ້າຍໂດຍພົບກັບນັກກິລາກຳປູເຈ້ຍ, ໃນການແຂ່ງຂັນ, ທ້າວພິມມະສອນອອກແຮງສຸດຂີດແລະບຸກຄູ່ຕໍ່ສູ້ດ້ວຍສີມືການຫຼິ້ນສູງ, ຫຼັງຈາກການແຂ່ງຂັນ, ລາວເວົ້າວ່າ:
"ຂ້ອຍຮູ້ສຶກດີໃຈຫຼາຍທີ່ຊະນະ,ເພາະວ່າເທື່ອນີ້ແມ່ນຄັ້ງທຳອິດທີ່ຂ້ອຍໄດ້ມາເຂົ້າຮ່ວມເອຊຽນເກມ.ຂ້ອຍກໍ່ໄດ້ອອກແຮງສຸດຂີດເກືອບເຕັມຮ້ອຍເປີເຊັນແລ້ວ."
ທ່ານແສງພອນແລະເຈົ້າໜ້າທີ່ຂອງຄະນະນັກກິລາລາວທີ່ໄດ້ເຊົມລ້ວນແຕ່ດີໃຈຫຼາຍ, ຍ້ອນວ່າຖ້າວ່າທ້າວພິມມະສອນໄດ້ຮັບໄຊຊະນະໃນການແຂ່ງຂັນຮອບທີ3, ກໍ່ຈະເຂົ້າສູ່ຮອບຊີງຊະນະເລີດ.
© China Radio International.CRI. All Rights Reserved. 16A Shijingshan Road, Beijing, China. 100040 |