ປະທານຄະນະກຳມະການໂອລິມປິກອາຊີຕີລາຄາຢ່າງຕັ້ງໜ້າຕໍ່ເອຊຽນເກມກວາງໂຈ່ວ
(GMT+08:00) 2010-11-27 17:20:50 cri
ເອຊຽນເກມກວາງໂຈ່ວຈະອັດລົງໃນຕອນຄ່ຳວັນທີ 27 ພະຈິກນີ້,ໃນກອງປະຊຸມຂ່າວທີ່ຈັດຂຶ້ນໃນມື້ດຽວກັນ,ສົມເດັດອາຮາເມັດ ຟາເຮີດ,ປະທານຄະນະກຳມະການໂອລິມປິກອາຊີກ່າວວ່າ,ເອຊຽນເກມຄັ້ງນີ້ສຳເລັດຜົນທີ່ສຸດ.
ສົມເດັດຟາເຮີດໄດ້ຍ້ອງຍໍວຽກງານທຸກດ້ານຂອງນະຄອນກວາງໂຈ່ວທີ່ເປັນເຈົ້າພາບ,ແລະກ່າວວ່າ,ເອຊຽນເກມຄັ້ງນີ້ເຮັດໃຫ້ຄົນຫຼາຍກວ່າເກົ່າໃນໂລກຮູ້ນະຄອນກວາງໂຈ່ວຫຼາຍກວ່າເກົ່າ,ປະຊາຊົນກວາງໂຈ່ວກໍ່ໄດ້ມີໂອກາດສຳຜັດກັບວັດທະນະທຳຫຼາຍກວ່າເກົ່າ.
ໃນກອງປະຊຸມຂ່າວ,ທ່ານສູຢ້ວຍເຊີ່ງ,ຮອງເລຂາປະຈຳຄະນະກຳມະການຈັດເອຊຽນເກມກວາງໂຈ່ວແນະນຳວ່າ,ມາຮອດວັນທີ 26 ພະຈິກນີ້,ໃນເອຊຽນເກມກວາງໂຈ່ວ,ມີ 2 ຄົນສ້າງສະຖິຕິໂລກໃໝ່ໃນກິລາ 3 ປະເພດ 3 ເທື່ອ, 1 ຄົນສະເໝີກັບສະຖິຕິໂລກໃນກິລາ 1 ປະເພດ 1 ເທື່ອ, 1 ທິມແລະ 9 ຄົນສ້າງສະຖິຕິອາຊີໃໝ່ໃນກິລາ 12 ປະເພດ 14 ເທື່ອ.
ທ່ານເວີ້ຍຈີ້ຈົ່ງ,ຮອງປະທານກິຕິມະສັກຕະຫຼອດຊີວິດຂອງຄະນະກຳມະການໂອລິມປິກອາຊີຊີ້ອອກວ່າ,ໃນເອຊຽນເກມກວາງໂຈ່ວ,ມີສະມາຊິກຄະນະກຳມະການໂອລິມປິກອາຊີ 80% ຊີງໄດ້ຫຼຽນລາງວັນ.ເວົ້າຈາກດ້ານນີ້ແລ້ວຈະໄດ້ເຫັນຄວາມກ້າວໜ້າຂອງເອຊຽນເກມກວາງໂຈ່ວ,ເພາະວ່າ,ໃຫ້ຜູ້ເຂົ້າຮ່ວມຫຼາຍກວ່າເກົ່າໄດ້ຮັບຫຼຽນລາງວັນຮ່ວມກັນແມ່ນເປົ້າໝາຍອັນໜຶ່ງຂອງຄະນະກຳມະການໂອລິມປິກອາຊີ.