ນາຍົກໄທຫວັງຈັດການເລືອກຕັ້ງສະພາກ່ອນກຳນົດໃນ6ເດືອນຕົ້ນປີນີ້
(GMT+08:00) 2011-01-04 14:24:29 cri
ຕາມຂ່າວສານຈີນ: ຕາມສະຖິຕິ, ປີ2010, ເສດຖະກິດໄທເຕີບໂຕປະມານ7.5%. ຫວ່າງມໍ່ໆມານີ້, ທ່ານອະພິສິດເວດຊະຊີວະ, ນາຍົກລັດ ຖະມົນຕີໄທກ່າວໃນເວລາໃຫ້ສຳພາດຫນັງສືພິມບາງກອກໂພສວ່າ, ທ່ານຫວັງຈະຍຸບສະພາຜູ້ແທນລາຊະດອນແລະຈັດການເລືອກຕັ້ງໃຫມ່ພາຍ ໃນ6ເດືອນຕົ້ນປີນີ້.
ລັດຖະບານປະສົມຂອງທ່ານອະພິສິດຈະໝົດອາຍຸໃນວັນທີ23ທັນ ວາປີນີ້. ໃນໄລຍະທ່ານອະພິສິດດຳລົງຕຳແຫນ່ງເປັນນາຍົກລັດຖະມົນຕີ, ມີການໂຮມຊຸມນຸມປະທ້ວງຕໍ່ຕ້ານລັດຖະບານແບບຮຸນແຮງຫລາຍຄັ້ງ. ໂດຍສະເພາະໃນເດືອນເມສາ2009, ກຸ່ມເສື້ອແດງຂັດຂວາງກອງປະຊຸມສຸດຍອດອາຊຽນຢູ່ພັດທະຍາ. ເດືອນເມສາແລະເດືອນພຶດສະພາ2010, ກຸ່ມເສື້ອແດງເຂົ້າຍຶດບາງເຂດຂອງນະຄອນຫລວງບາງກອກ, ມີການປະທະກັບທະຫານຕຳຫລວດຫລາຍຄັ້ງ, ເຮັດໃຫ້90ກວ່າຄົນເສຍຊີວິດ. ເຫດການເຫຼົ່ານີ້ລ້ວນແຕ່ເຮັດໃຫ້ສັງຄົມໄທຕົກຢູ່ໃນສະຖານະການທີ່ສັບສົນວຸ່ນວາຍ.
ເພື່ອຢຸດຕິການຕໍ່ຕ້ານ, ທ່ານອະພິສິດເຄີຍສະເຫນີຍຸບສະພາແລະຈັດການເລືອກຕັ້ງໃນເດືອນພະຈິກປີກາຍນີ້, ແຕ່ຖືກຜູ້ນຳຂອງພັກຝ່າຍຄ້ານປະຕິເສດ. ຫລັງຈາກກຸ່ມເສື້ອແດງຖືກປາບປາມໃຫ້ສະຫງົບແລ້ວ, ທ່ານອະ ພິສິດກ່າວວ່າ, ເມື່ອເສດຖະກິດມີຄວາມໝັ້ນທ່ຽງ, ທ່ານກໍຈັດການເລືອກຕັ້ງ.
