ເຂດກວາງຊີເລັ່ງລັດສ້າງເສດຖະກິດດ້ວຍການດຶງດູດວິສາຫະກິດໃຫ້ມາຕັ້ງສຳນັກງານໃຫຍ່
(GMT+08:00) 2011-01-18 15:42:35 cri
ໃນກອງປະຊຸມຜູ່ແທນປະຊາຊົນຄັ້ງທີ 7 ສະໄຫມທີ 11 ຂອງເຂດປົກຄອງຕົນເອງເຜົ່າຈ້ວງກວ່າງຊີທີ່ໄຂຂຶ້ນໃນວັນທີ 17 ມັງກອນນີ້, ທ່ານມາປ່ຽວ,ປະທານເຂດປົກຄອງຕົນເອງເຜົ່າຈ້ວງກວາງຊີຈີນກ່າວວ່າ, ກວາງຊີຈະເລັ່ງລັດສ້າງສາເສດຖະກິດດ້ວຍການດຶງດູດວິສາຫະກິດໃຫ້ມາຕັ້ງສຳນັກງານໃຫຍ່.
ທ່ານມາປ່ຽວກ່າວວ່າ, ປີ 2011, ເຂດກວາງຊີຈະສືບຕໍ່ຊຸກຍູ້ການສ້າງເຂດຮ່ວມມືເສດຖະກິດຂ້າມຊາດເຊັ່ນເມືອງຜິງສຽງເຂດກວາງຊີກັບເມືອງດົງດັງຂອງຫວຽດນາມແລະເຂດສາທິດພັດທະນາແລະໄຂປະຕູຕໍ່ຕ່າງປະເທດລະດັບຊາດຢູ່ເມືອງຕົ່ງຊິ່ງ,ສ້າງດ່ານພາສີຕ່າງໆໃຫ້ມີບົດບາດຄົບຖ້ວນສົມບູນ,ຍົກສະມັດຕະພາບໃນການຜ່ານດ່ານໃຫ້ສູງຂຶ້ນຢ່າງຫລວງຫລາຍ,ບຸກເບີກຕະຫລາດອາຊຽນໃຫ້ເລິກເຊິ່ງກວ່າເກົ່າ, ເລັ່ງລັດຊຸກຍູ້ການສ້າງບ່ອນທົດລອງຊື້ຂາຍກັນດ້ວຍເງິນຢວນຈີນຢູ່ອາຊຽນແລະເຂດຮົງກົງມາກາວ.
ຕົວເລກຫລ້າສຸດທີ່ດ່ານພາສີເມືອງນານນິງເຜີຍໃຫ້ຮູ້ວ່າ: ປີ 2010, ຍອດມູນຄ່າການຄ້າລະຫວ່າງເຂດກວາງຊີກັບອາຊຽນແມ່ນ 6 ຕື້ 530 ລ້ານໂດລາ, ເພີ່ມຂຶ້ນຫລາຍກວ່າປີ 2009 31,9%.
