ກຸ່ມເສື້ອແດງແລະກຸ່ມເສື້ອເຫຼືອງຂອງໄທຈັດການໂຮມຊຸມນຸມປະທ້ວງພ້ອມກັນ, ຕຳຫຼວດບາງກອກຢູ່ໃນທ່າລະມັດລະວັງ
(GMT+08:00) 2011-02-14 11:23:44 cri
ຕາມຂ່າວສານຈີນ: ຕອນບ່າຍວັນທີ 13 ກຸມພານີ້, ຜູ້ສະໜັບສະໜູນກຸ່ມເສື້ອແດງຫຼາຍພັນຄົນເຕົ້າໂຮມກັນຢູ່ໜ້າສານອາຍາຂອງໄທຢູ່ຖະໜົນລັດຊະດາພິເສກ, ຮຽກຮ້ອງໃຫ້ຜູ້ສະໜັບສະໜູນຂອງເຂົາເຈົ້າທວງໃຫ້ເຈົ້າໜ້າທີ່ປ່ອຍຜູ້ນຳກຸ່ມເສື້ອແດງທີ່ຖືກກັກຕົວແລະຍາດແຍ່ງຄວາມເປັນທຳໃນສັງຄົມ. ການໂຮມຊຸມນຸມເຮັດໃຫ້ການຈາລະຈອນຂອງຖະໜົນລັດຖະດາພິເສກລົດຕິດຢ່າງໜັກໜ່ວງ.
ຕອນບ່າຍວັນທີ 13 ກຸມພານີ້, ຜູ້ບັນຊາການຕຳຫຼວດແຫ່ງຊາດຂອງໄທກ່າວວ່າ, ຕຳຫຼວດບາງກອກໄດ້ໃຊ້ມາດຕະການຢ່າງລະມັດລະວັງ, ບໍ່ອະນຸຍາດໃຫ້ຜູ້ສະໜັບສະໜູນກຸ່ມເສື້ອແດງໄປບ່ອນໂຮມຊຸມນຸມຂອງກຸ່ມເສື້ອເຫຼືອງທີ່ໃກ້ສຳນັກງານນາຍົກລັດຖະມົນຕີ, ເພື່ອສະກັດກັ້ນບໍ່ໃຫ້ຜູ້ສະໜັບສະໜູນຂອງສອງກຸ່ມເກີດການປະທະກັນ.
ການໂຮມຊຸມນຸມປະທ້ວງຂອງກຸ່ມເສື້ອເຫຼືອງຢູ່ນອກທຳນຽບລັດຖະບານທີ່ບາງກອກເລີ່ມມາແຕ່ວັນທີ 25 ມັງກອນແລ້ວນີ້, ມາຮອດວັນທີ 13 ກຸມພານີ້ເປັນເວລາ 20 ມື້ແລ້ວ. ການໂຮມຊຸມນຸມຂອງກຸ່ມເສື້ອເຫຼືອງຕົ້ນຕໍແມ່ນປະທ້ວງເຈົ້າໜ້າທີ່ໄທ ແກ້ໄຂບັນຫາຄວາມຂັດແຍ່ງກັນຢູ່ຊາຍແດນໄທກັບກຳປູເຈຍບໍ່ໄດ້ຜົນ.
