ວັນທີ 7 ມີນານີ້ຢູ່ທີ່ປັກກິ່ງ, ທ່ານຢາງເຈສື, ລັດຖະມົນຕີວ່າການກະຊວງການຕ່າງປະເທດຈີນກ່າວວ່າ, ຈີນຈະສືບຕໍ່ສຸມກຳລັງເພີ່ມຄວາມໄວ້ເນື້ອເຊື່ອໃຈທາງການເມືອງກັບປະເທດອ້ອມຂ້າງ, ສືບຕໍ່ປະຕິມັດທິດທາງພື້ນຖານທີ່ວ່າ" ເປັນປະເທດໃກ້ຄຽງທີ່ດີຕໍ່ກັນ", ຮ່ວມກັບຝ່າຍຕ່າງໆສ້າງສະພາບແວດລ້ອມພາກພື້ນທີ່ສັນຕິພາບສະຖຽນລະພາບ, ເປີດປະຕູແລະຢູ່ຮ່ວມກັນຢ່າງປອງດອງກັນ, ຮ່ວມມືກັນແບບຕ່າງຝ່າຍຕ່າງມີຜົນປະໂຫຍດ.
ໃນງານຖະແຫຼງຂ່າວທີ່ຈັດຂຶ້ນຢູ່ປັກກິ່ງ, ທ່ານຢາງເຈສືກ່າວວ່າ, ປີ 2010, ສະຖານະການຢູ່ອ້ອມຂ້າງຂອງຈີນໄດ້ຮັກສາສະພາບການທີ່ສັນຕິພາບ, ຮ່ວມມືແລະການພັດທະນາໃນດ້ານລວມ, ການພົວພັນລະຫວ່າງຈີນກັບປະເທດທີ່ກ່ຽວຂ້ອງໄດ້ຮັບການຂະຫຍາຍຕົວໃໝ່. ຜູ້ນຳຈີນໄດ້ໄປຢ້ຽມຢາມຫຼາຍປະເທດອາຊີ, ໄດ້ປຶກສາຫາລືຢ່າງກວ້າງຂວາງແລະເລິກເຊິ່ງກ່ຽວກັບເຮັດແນວໃດເພີ່ມຄວາມໄວ້ເນື້ອເຊື່ອໃຈກັນແລະການຮ່ວມມືຕື່ມອີກ, ແລະໄດ້ບັນລຸຄວາມຮັບຮູ້ເປັນເອກະສັນກັນສຳຄັນຢ່າງຫຼວງຫຼາຍ.
1 2 
