ວັນທີ 13 ມີນານີ້, ກອງປະຊຸມຄັ້ງທີ 4 ຂອງສະພາປຶກສາການເມືອງປະຊາຊົນແຫ່ງຊາດຈີນສະໄໝທີ 11 ທີ່ຈັດຂຶ້ນຢູ່ປັກກິ່ງອັດລົງ.
ໃນພິທີອັດປະຊຸມ, ທ່ານເຈຍຊີ້ງລິນ, ປະທານສະພາປຶກສາການເມືອງປະຊາຊົນແຫ່ງຊາດຈີນກ່າວຄຳປາໄສວ່າ, ກອງປະຊຸມເທື່ອນີ້ໄດ້ສຳເລັດວາລະປະຊຸມທຸກປະການທີ່ກຳນົດໄວ້ຢ່າງເຕັມເມັດເຕັມໜ່ວຍ. ໃນໄລຍະປະຊຸມ, ກຳມະການບັນດາທ່ານໄດ້ສະເໜີຄວາມເຫັນແລະຂໍ້ສະເໜີທີ່ສຳຄັນແລະມີຄຸນຄ່າຫຼາຍຂໍ້, ເຊັ່ນ: ເລັ່ງລັດການຫັນປ່ຽນຮູບແບບການພັດທະນາເສດຖະກິດແລະສັບຊ້ອນອົງປະກອບເສດຖະກິດ, ຮັບປະກັນແລະປົວແປງຊີວິດການເປັນຢູ່ຂອງປະຊາຊົນໃຫ້ດີຂຶ້ນ, ພັດທະນາວັດທະນະທຳສັງຄົມນິຍົມໃຫ້ຈະເລີນກ້າວໜ້າ, ເພີ່ມທະວີແລະປະດິດສ້າງການຄຸ້ມຄອງສັງຄົມ, ຮັກສາຄວາມຈະເລີນຮຸ່ງເຮືອງແລະສະຖຽນລະພາບຖາວອນຂອງເຂດຮົງກົງແລະມາກາວ, ຊຸກຍູ້ການພັດທະນາການພົວພັນສອງຝັ່ງຊ່ອງແຄບໄຕ້ຫວັນໂດຍສັນຕິເປັນຕົ້ນ, ນີ້ໄດ້ສະແດງໃຫ້ເຫັນເຖິງທ່າແຮງພິເສດຂອງສະພາປຶກສາການເມືອງປະຊາຊົນ ໃນຖານະທີ່ເປັນອົງການການເມືອງແລະຮູບແບບປະຊາທິປະໄຕຢ່າງເຕັມສ່ວນ.
ທ່ານເຈຍຊີ້ງລິນ, ປະທານສະພາປຶກສາການເມືອງປະຊາຊົນແຫ່ງຊາດຈີນກ່າວຄຳປາໄສ