ທ່ານຜູ່ຟັງທີ່ເຄົາລົບ,ຍິນດີຕ້ອນຮັບທ່ານຜູ່ຟັງເຂົ້າສູ່ລາຍການພິເສດໃນໂອກາດຄົບຮອບ70ປີແຫ່ງການສ້າງຕັ້ງCRI.ສຳລັບລາຍການພິເສດມື້ນີ້ໃຫ້ຊື່ວ່າ:"ເວລາຜ່ານໄປເຫຼືອໄວ້ພຽງສຽງ".ມື້ນີ້ກໍ່ມີຄຳຖາມສຳລັບການແຂ່ງຂັນຄວາມຮູ້ກ່ຽວກັບວິທະຍຸສາກົນແຫ່ງປະເທດຈີນຄົບຮອບ70ປີມາຖາມທ່ານຜູ່ຟັງອີກເຊັ່ນເຄີງ,ລາຍການມື້ນີ້ມີ2ຄຳຖາມຄື:
1. CRIມີສະໂມສອນຜູ່ຟັງຕ່າງປະເທດເທົ່າໃດ?
2. ສະໂມສອນທຳອິດຂອງCRIຊື່ຫຍັງ?
ຕໍ່ໄປພວກເຮົາມາຮັບຮູ້ເພື່ອນເກົ່າຂອງCRIທີ່ບໍ່ເຄີຍພົບກັນຢູ່ໃນທົ່ວໂລກ,ຟັງເລື່ອງມິດຕະພາບລະຫວ່າງເຂົາເຈົ້າກັບCRI.
ຜູ່ຟັງອາຟຼິກາຫຼາຍຄົນແນ່ນອນຈະບໍ່ຮູ້ສຶກຂັດຫູຕໍ່ເພງເປີດສະຖານີດັ່ງກ່າວ.ນີ້ແມ່ນເພງເປີດສະຖານີຂອງCRIພາສາສະວາຮີລີທີ່ອ່ານໂດຍນາງເຊິນລຽນຢິ່ງ ໂຄສົກອາວຸໂສຂອງວິທະຍຸCRIໃນຊຸມປີ1980ຜ່ານມາ.ໃນເວລາເກືອບ40ປີ,ນາງເຊິນລຽງຢິ່ງກັບເພື່ອນຮ່ວມງານຂອງນາງແນະນຳຈີນໃຫ້ຜູ່ຟັງອາຟຼິກາ,ສົ່ງຕໍ່ມິດຕະພາບຈີນກັບອາຟຼິກາດ້ວຍພາສາສະວາຮີລີລ້ວນໆ.ຢູ່ທະວີບອາຟຼິກາອັນກວງໄກ,ຜູ່ຟັງຢູ່ປະເທດເຄນ,ຕັງຊານີແລະອື່ນໆລ້ວນແຕ່ຮູ້ສຶກຄວາມອົບອຸ່ນຂຶ້ນແຕ່ລະມື້, ເຂົາເຈົ້າໄດ້ເອີ້ນນາງເຊິນລຽນຢິ່ງວ່າ:Mama Chen.ນາງເຊິນລຽນຢິ່ງໄດ້ເລົ່າເລື່ອງໜຶ່ງສັ້ນໆໃຫ້ພວກເຮົາຟັງ:
"ມີເທື່ອໜຶ່ງພວກເຮົາທ່ຽວຊົມຢູ່ອົງການແຫ່ງໜຶ່ງຂອງສະຫະປະຊາຊາດປະຈຳເຄັນຢາ,ຂ້າພະເຈົ້າໄດ້ຍິນຄົນອາຟຼິກາຫຼາຍຄົນພວມເວົ້າພາສາສະວາຮີລີ,ກໍ່ໄປລົມກັນກັບເຂົາເຈົ້າ.ຂ້າພະເຈົ້າຫາກໍ່ເວົ້າ,ປະໂຫຍດດຽວເຂົາເຈົ້າກໍ່ຟັງສຽງຂອງຂ້າພະເຈົ້າອອກ,ຮູ້ວ່າຂ້າພະເຈົ້າມາຈາກCRI.ຜູ່ຟັງຟັງສຽງຂອງຂ້າພະເຈົ້າອອກແມ່ນເລື່ອງທຳມະດາ,ໄປໃສເວົ້າ Mama Chen,ທຸກຄົນກໍ່ຮູ້."
ຢູ່ຫ້ອງວາງສະແດງປະຫວັດສາດວິທະຍຸຂອງຕຶກໃຫຍ່ CRI,ພະແນກພາສາຕ່າງໆລ້ວນແຕ່ມີຕູ້ວາງສະແດງໜ່ວຍໜຶ່ງ,ຢູ່ໃນຕູ້ວາງສະແດງນັ້ນມີຂອງຂວັນທີ່ຜູ່ຟັງຕ່າງປະເທດຝາກມາ,ຂອງລະລຶກ,ຮູບຖ່າຍທີ່ມີຄວາມໝາຍອັນພິເສດ.ຂອງຂວັນເຫຼົ່ານີ້ແຕັມໄປດ້ວຍການອວຍພອນໃຫ້ມີຄວາມສຸກຂອງຜູ່ຟັງທີ່ມາຈາກປະເທດອັນກວ້າງໄກ.
ຢູ່ໃນຕູ້ວາງສະແດງຂອງພະແນກພາສາຫວຽດນາມ,ທຸງສີແດງອັນປານິດຜືນໜຶ່ງແມ່ນປະຈັດຕາຄົນທີ່ສຸດ.ນາງວູຈ້າວຢິ່ງ ຫົວໜ້າພະແນກພາສາຫວຽດນາມກໍ່ແມ່ນນາງ"ຢ້ຽນຮວາ" ໂຄສົກວິທະຍຸທີ່ຜູ່ຟັງຫວຽດນາມຮູ້ດີແລະມັກທີ່ສຸດໄດ້ເລົ່າເລື່ອງນິນານໃນຫັ້ນສູ່ຟັງວ່າ:
"ປີ1995ແມ່ນພະແນກພາສາຫວຽດນາມສ້າງຕັ້ງຂຶ້ນຄົບຮອບ45ປີ,ນາງຟຳຕີມິງຕາງ ຜູ່ຟັງຜູ່ໜຶ່ງຂອງເມືອງໂຮຈິມິງໄດ້ແສ່ວທຸງໄຊຜືນໜຶ່ງ,ແສ່ວlogoຂອງCRI,ແລະຂຽນອວຍພອນເຕັມທຸງ,ພວກເຮົາໄດ້ທະນຸຖະໜອມທຸງໄຊຜືນນີ້ຕະຫຼອດມາ.ການໃຫ້ກຳລັງໃຈຂອງທ່ານຜູ່ຟັງກໍ່ແມ່ນແຫຼ່ງອັນມະຫາສານທີ່ຊຸກຍູ້ໃຫ້ພວກເຮົາຈັດລາຍການໄດ້ດີ."
ໃນລະດູໜາວແຕ່ລະປີ,ພະນັກງານຫຼາຍຄົນຂອງພະແນກພາສາຫວຽດນາມມັກຈະເອີ່ຍເຖິງນາງພັນຕີງົກ.ເລື່ອງນັ້ນເກີດໃນລະດູໜາວປີ2007:
"ມີຜູ່ຟັງຜູ່ໜຶ່ງຊື່ຟັນຕີງົກຮູ້ວ່າລະດູໜາວຢູ່ປັກກິ່ງແມ່ນໜາວທີ່ສຸດ,ສະນັ້ນນາງໄດ້ຖັກຜ້າພັນຄໍ10ຜືນ ,ເສື້ອແລນ10ຊຸດ.ນາງຂຽນໃນຈົດໝາຍວ່າ:ດິນຟ້າອາກາດຂອງປັກກິ່ງແມ່ນໜາວທີ່ສຸດ,ຕ້ອງເຮັດໃຫ້ໂຄສົກວິທະຍຸມີຄວາມອົບອຸ່ນ,ຮັກສາຄໍ ໄດ້ດີ,ຈະບໍ່ເປັນຫວັດໄດ້ງ່າຍໆ, ຈິ່ງສາມາດເຮັດລາຍການດີໆໃຫ້ພວກເຮົາຟັງ.ພວກເຮົາຮູ້ສຶກຕື້ນຕັນໃຈທີ່ສຸດ."
ພາຍຫຼັງ"ສະມາຄົມຜູ່ຟັງວິທະຍຸປັກກິ່ງຂອງຍີ່ປຸ່ນເຊິ່ງເປັນສະໂມສອນຜູ່ຟັງຕ່າງປະເທດທຳອິດສ້າງຕັ້ງຂຶ້ນໃນປີ1961ຮອດປັດຈຸບັນ,ສະໂມສອນຜູ່ຟັງcriທີ່ຢູ່5ທະວີບທົ່ວໂລກໄດ້ຮອດ3165ແຫ່ງ.ສະໂມສອນເຫຼົ່ານີ້ແມ່ນຜູ່ຟັງຈັດຕັ້ງສ້າງຕັ້ງຂຶ້ນໂດຍຕົນເອງ,ຖືເອົາການຮັບຟັງລາຍການcri,ຮັບຮູ້ຈີນ,ດ້ວຍຈຸດປະສົງສ້າງສາຍພົວພັນໄມຕີຈິດມິດຕະພາບກັບຈີນ, criແບ່ງອອກເປັນສະໂມສອນຜູ່ຟັງAM,ສະໂມສອນຜູ່ຮັບຟັງອິນເຕີເນັດ,ສະໂມສອນຜູ່ຟັງFMຕ່າງປະເທດ.ສະໂມສອນຜູ່ຟັງເຫຼົ່ານີ້ມີຂະໜາດແຕກຕ່າງກັນຄື:ຂະໜາດນ້ອຍ,ກາງແລະໃຫຍ່,ຊຶ່ງຂະໜາດນ້ອຍມີຜູ່ຟັງສິບກວ່າຄົນ,ຂະໜາດກາງຫຫຼາຍສິບຄົນ,ແລະຂະໜາດໃຫຍ່ມີຫຼາຍພັນຄົນ,ຍິ່ງກວ່າບາງບ່ອນມີຄົນຟັງຫຫຼາຍກວ່າໝື່ນຄົນ,ສະມາຊິກຂອງສະໂມສອນເຫຼົ່ານີ້ລ້ວນແຕ່ແມ່ນຜູ່ຟັງcriຢ່າງຈູບຈ້າວຫ້າວຫັນແລະມີມິດຕະພາບອັນເລິກເຊິ່ງຕໍ່ປະຊາຊົນຈີນ.
ຢູ່ເບື້ອງທິດຕາເວັນອອກສຽງໃຕ້ຂອງຕຶກຫ້ອງການcriມີສວນດອກຊາກຸລະທີ່ມີເນື້ອທີ່ປະມານ200ຕາແມັດ,ໃນເດືອນເມສາແຕ່ລະປີທີ່ດອກຊາກຸລະສີອອນໄດ້ເບັ່ງບານແລະສົ່ງກິ່ນອັນຫອມຫວນໄປທົ່ວສວນແລະບໍລິເວນໃກ້ຄຽງ. ນາງຟູ້ຢິງ ຫົວໜ້າພະແນກພາສາຍີ່ປຸ່ນຂອງcriແນະນຳວ່າ,ຕົ້ນໄມ້ດອກຊາກຸລະເຫຼົ່ານີ້ແມ່ນຜູ່ຟັງຂອງສະມາຄົມແຂວງນາກາໂນເຄັນຍີ່ປຸ່ນມອບໃຫ້criໃນປີ1996,ເບ້ຍໄມ້ນ້ອຍໃນປີນັ້ນໄດ້ກາຍເປັນຕົ້ນໄມ້ໃຫຍ່ໃນປະຈຸບັນ.
"ເພື່ອນເກົ່າຂອງສະມາຄົມຜູ່ຟັງຂອງແຂວງນາກາໂນເຄັນໄດ້ເອົາເບ້ຍດອກຊາກຸລະອັນອ່ອນນ້ອຍຈຳນວນ20ເບັ້ຍຈາກຍີ່ປຸ່ນມາສູ່ປະເທດຈີນ,ປະຈຸບັນຕົ້ນ.ດອກຊາກຸລະອັນອ່ອນນ້ອຍໃນເມື່ອກ່ອນໄດ້ຈະເລີນເຕີບໂຕຂຶ້ນຕາມການເວລາແລະມີຢູ່ໃນສວນທັງໝົດ21ຕົ້ນ,ຫຼາຍກວ່າເວລານັ້ນ1ຕົ້ນ.ແຕ່ລະປີມີຜູ່ຟັງຈາກສະມາຄົມຜູ່ຟັງຢູ່ນາກາໂນເຄັນມາເບິ່ງດອກຊາກຸລະເຫຼົ່ານີ້ບໍ່ໄດ້ຂາດ.ຜູ່ນຳ criຜູ່ໜຶ່ງໄດ້ອ້າງອິງຄຳເວົ້າຂອງນັກປະພັນໜຶ່ງຂອງຈີນທີ່ຂຽນໄວ້ວ່າ:"ມີຄວາມດີໃຈມີຄວາມໂສກເສົ້າ,ມີໜ້າຍິ້ມແຍ້ມກໍ່ມີນ້ຳຕາ,ມີດອກໄມ້ກໍ່ມີໝາກຜົນ,ມີສີກໍ່ມີກິ່ນຫອມ…..ນີ້ກໍ່ແມ່ນແນວມ່ວນທີ່ປູກດອກໄມ້.ປູກດອກໄມມິດຕະພາບລະຫວ່າງປະຊາຊົນຈີນຍີ່ປຸ່ນກໍ່ຄືແນວນີ້."ປ້າຍຕົວໜັງສືແຜ່ນນີ້ຂອງທ່ານຍັງຕິດຢູ່ໃຕ້ຕົ້ນໄມ້ດອກຊາກຸລະ."
ໂດຍຜ່ານການຮັບຟັງວິທະຍຸ cri,ຜູ່ຟັງບໍ່ພຽງແຕ່ຮັບຮູ້ການປ່ຽນແປງກ່ຽວກັບຈີນ,ຍັງເພີ່ມທະວີມິດຕະພາບກັບຈີນ.ລະດູຮ້ອນປີ2001,ໃນເວລາທີ່ປັກກິ່ງຮ້ອງຂໍເປັນເຈົ້າພາບຈັດງານໂອແລມປິກປີ2008,ສະມາຄົມຜູ່ຟັງສີລັງກາໄດ້ຈັດຕັ້ງກິດຈະກຳ5ໝື່ນຄົນລົງລາຍເຊັນເພື່ອສະໜັບສະໜູນປັກກິ່ງ,ແລະມອບປຶ້ມລົງລາຍເຊັນສອງສະບັບໃຫ້ສຳນັກງານໃຫຍ່ຄະນະກຳມະການໂອແລມປິກສາກົນ.ປີ2008,ຢູ່ເຂດເວິ້ນຊ່ວນຂອງແຂວງເສສວນຈີນເກີດແຜ່ນດິນໄຫວອັນໜັກໜ່ວງ,ສະມາຊິກຂອງສະມາຄົມຜູ່ຟັງພາສາທາມີນຂອງອິນເດຍທະຍອຍກັນຝາກຈົດໝາຍສະແດງຄວາມເຫັນໃຈ,ຜູ່ຟັງຫຫຼາຍຮ້ອຍຄົນຍັງບໍລິຈາກເງິນ,ໃຫ້ criເປັນຕົວແທນໄປມອບໃຫ້ປະຊາຊົນຜູ່ປະສົບເຄາະຮ້າຍ.
ປັດຈຸບັນ, criຍັງໃຊ້61ພາສາກະຈາຍສຽງຕໍ່ທົ່ວໂລກ,ນອກຈາກກະຈາຍສຽງທາງວິທະຍຸແລ້ວ,ຍັງໄດ້ສ້າງຕັ້ງເວບໄຊ້ຫຼາຍພາສາທີ່ມີຂະໜາດໃຫຍ່ທີ່ສຸດໃນໂລກ.ອິດທິພົນຂອງສື່ເວບໄຊ້ນັບມື້ນັບໃຫຍ່.ປີ2010,ພາຍໃຕ້ການຊ່ອຍເຫຼືອຂອງຜູ່ທີ່ຫຼິ້ນອິນເຕີເນັດ,ສູນພາສາອັງກິດໄດ້ສຳເລັດໜ້າທີ່ທີ່ຫຍຸ້ງຍາກທີ່ສຸດ.
12ປີກ່ອນ,ທ່ານວາງເວິ້ຍກົວ ນັກສະແດງຂອງໂຮງລະຄອນເວົ້າແຫ່ງຊາດຈີນໄດ້ຊື້ບາງຂອບຮູບຖ່າຍເກົ່າຢູ່ຕະຫຼາດຂາຍວັດຖຸເກົ່າແຫ່ງໜຶ່ງໃນປັກກິ່ງ.ທ່ານປະກົດເຫັນວ່າຮູບຖ່າຍຢູ່ໃນຂອບລ້ວນແຕ່ແມ່ນຜູ່ຍິງຕ່າງປະເທດຜູ່ດຽວກັນ,ທັງມີຮູບຖ່າຍຂອງນາງໃນໄລຍະເປັນເດັກນ້ອຍ,ຍັງມີຮູບຖ່າຍທີ່ນາງເຂົ້າຮ່ວມພິທີຮຽນຈົບຢູ່ມະຫາວິທະຍາໄລ.ທ່ານວາງເວິ້ຍກົວຫວັງຢາກສົ່ງຮູບຖ່າຍເຫຼົ່ານັ້ນຄືນໃຫ້ຜູ່ຍິງໃນຮູບຖ່າຍ,ສະນັ້ນທ່ານໄດ້ມາ cri,ຫວັງຢາກໃຫ້ຊອກຫາເຈົ້າຂອງຮູບຖ່າຍເຫຼົ່ານີ້ໂດຍຜ່ານວິທະຍຸຕໍ່ຕ່າງປະເທດ.ນາງວາງເຫວີຍຂອງສູນພາສາອັງກິດໄດ້ຖ່າຍຮູບຖ່າຍເຫຼົ່ານີ້ເປັນວີດີໂອທີ່ຊື່ວ່າ"ນາງແມ່ນໃຜ",ອອກອາກາດທາງເວບໄຊ້,ໂທລະສັບມືຖືແລະໃນຂະນະດຽວກັນກຳອອກທາງໄມໂກຼໂບຼກMicroBlogນຳອີກ.
"ໂດຍຜ່ານການຊອກຫາເປັນ3ເດືອນ,ເດືອນມີນາປີນີ້ມີຜູ່ຫຼິ້ນອິນເຕີເນັດຜູ່ໜຶ່ງຂຽນຂໍ້ຄວາມວ່າ,ນີ້ຄວນແມ່ນນັກສະແດງນັອກແວທີ່ເຖິງແກ່ກຳແລ້ວພ້ອມດ້ວຍລູກສາວຂອງນາງ.ຮ່ອງຮອຍນີ້ໄດ້ກະຕຸກເສັ້ນຜູ່ຫຼິ້ນອິນເຕີເນັດຄົນອື່ນໆຊ່ອຍຊອກຫາ,ຍັງມີຄົນຂໍຄວາມຊ່ອຍເຫຼືອຈາກສື່ມວນຊົນຂອງນັອກແວໃຫ້ຊອກຫາຊ່ອຍຕື່ມອີກ,ໃນທີ່ສຸດສາມາດກໍໄດ້ພົບນາງໂຈອັນນາ ໄຊຊົງ ເຈົ້າຂອງຮູບຖ່າຍເຫຼົ່ານີ້.ຫຼັງຈາກນັ້ນ,ນາງໂຈອັນນາໄດ້ສົ່ງອີເມວໃຫ້ພວກເຮົາ,ຮູ້ວ່າ:ໃນອານາຄົດອັນມໍໆນີ້ຈະມາຈີນ.ພວກເຮົາຈະຈັດງານພົບປະໃຫ້ເຂົາເຈົ້າ,ແລະທ່ານວາງເວິ້ຍກົວຈະມອບຮູບຖ່າຍເຫຼົ່ານີ້ໃຫ້ນາງໂຈອັນນາໂດຍຕົນເອງ."
ສຳລັບທ່ານວາງເວິ້ນກົວກັບນາງໂຈອັນນາ,ຄວາມຊົງຈຳອັນດີງາມແລະມິດຕະພາບຂ້າມຊາດນັ້ນຈະໄດ້ຮັກສາໄວ້ຢູ່ໃນຫົວໃຈຂອງເຂົາເຈົ້າຕະຫຼອດໄປ.ສຳລັບນາງວາງເຫວິຍກັບເພື່ອນຮ່ວມງານຂອງນາງ, ເຂົາເຈົ້າຍິ່ງຮູ້ສຶກວ່າການເສີມສ້າງແລະຄວາມອົບອຸ່ນທີ່ບໍ່ມີຮູບຮ່າງຂອງຜູ່ຟັງແລະຜູ່ຫຼິ້ນອິນເຕີເນັດ,ເຊິ່ງເປັນເພື່ອນມິດ ທີ່ບໍ່ເຄີຍພົບກັນນັ້ນໄດ້ກາຍເປັນຄູ່ຮ່ວມຈິດໃຈອັນສະໜິດແໜ້ນທີ່ສຸດຂອງເຂົາເຈົ້າ.
ທ່ານຜູ່ຟັງທີ່ໂຄລົບ,ເລື່ອງເຫຼົ່ານີມີເງົາຂອງທ່ານບໍ່?ບໍ່ວ່າທ່ານຢູ່ແຫ່ງໃດກໍ່ຕາມ, ເຖິງຈະບໍ່ເຄີຍພົບກັນກໍ່ຢ່າ,criລ້ວນແຕ່ຢາກເປັນເພື່ອນມິດຂອງທ່ານຕະຫຼອດໄປ.ຕໍ່ໄປນີ້ພວກເຮົາຈະຖາມຊ້ຳຄືນ2ຄຳຖາມກ່ຽວກັບ70ແຫ່ງການສ້າງຕັ້ງວິທືະຍຸສາກົນແຫ່ງປະເທດຈີນ:
1. CRIມີສະໂມສອນຜູ່ຟັງຕ່າງປະເທດເທົ່າໃດ?
2. ສະໂມສອນທຳອິດຂອງCRIຊື່ຫຍັງ?
