ທ່ານເຈຍຊີ້ງລີນສົ່ງໂທລະເລກອວຍພອນໄປຍັງສະຫາຍ ດຣ ພັນດວງຈິດ ວົງສາ
(GMT+08:00) 2011-07-11 14:57:18 cri
ວັນທີ9ກໍລະກົດ2011,ຢູ່ທີ່ນະຄອນຫຼວງປັກກິ່ງ,ທ່ານເຈຍຊີ້ງລີນ,ປະທານສະພາປຶກສາການເມືອງປະຊາຊົນຈີນສົ່ງໂທລະເລກອວຍພອນໄປຍັງສະຫາຍ ດຣ ພັນດວງຈິດ ວົງສາ,ປະທານຄະນະກຳມະການສູນກາງແນວລາວສ້າງຊາດ,ເພື່ອສະແດງຄວາມອວຍພອນຕໍ່ສະຫາຍ ດຣ ພັນດວງຈິດ ວົງສາທີ່ໄດ້ຮັບການແຕ່ງຕັ້ງເປັນປະທານສູງກາງແນວລາວສ້າງຊາດ.
ໃນໂທລະເລກອວຍພອນ,ທ່ານເຈຍຊີ້ງລີນຂຽນວ່າ : "ເນື່ອງໃນໂອກາດທີ່ສະຫາຍໄດ້ຮັບການແຕ່ງຕັ້ງເປັນປະທານສູນກາງແນວລາວສ້າງຊາດໃນກອງປະຊຸມໃຫຍ່ຜູ້ແທນແນວລາວສ້າງຊາດທົ່ວປະເທດຄັ້ງທີ Ⅳ, ຂ້າພະເຈົ້າຂໍສະແດງຄວາມອວຍພອນຢ່າງຄຶກຄື້ນແລະພອນໄຊອັນປະເສີດມາຍັງສະຫາຍ.
ປະຈຸບັນນີ້, ສາຍພົວພັນຈີນລາວມີທ່າອ່ຽງຂະຫຍາຍຕົວອັນດີງາມ, ການຮ່ວມມືຕົວຈິງໃນບັນດາຂະແໜງການລະຫວ່າງສອງຝ່າຍມີອະນາຄົດອັນກ້ວາງຂວາງ.ສາຍພົວພັນໄມຕີຈິດມິດຕະພາບລະຫວ່າງສະພາປຶກສາການເມືອງປະຊາຊົນຈີນກັບສູນກາງແນວລາວສ້າງຊາດ ທີ່ເປັນສ່ວນປະກອບອັນສຳຄັນຂອງສາຍພົວພັນສອງປະເທດນັ້ນ, ໄດ້ຮັບການປັບປຸງແລະຂະຫຍາຍຕົວຂຶ້ນຢ່າງບໍ່ຢຸດຢັ້ງ.ຝ່າຍຈີນຮູ້ສຶກປິຕິຊົມຊື່ນຢ່າງຈິງໃຈ, ແລະຍິນດີຈະຮ່ວມກັບຝ່າຍລາວ ເພື່ອສົ່ງເສີມການໄປມາຫາສູ່ກັນແລະຮ່ວມມືຢ່າງໄມຕີຈິດລະຫວ່າງສະພາປຶກສາການເມືອງປະຊາຊົນຈີນກັບສູນກາງແນວລາວສ້າງຊາດ,ຊຸກຍູ້ສາຍພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນລາວແຕກດອກອອກຜົນຫຼາຍກວ່າເກົ່າ, ເຊິ່ງເຮັດໃຫ້ທັງສອງຊາດເປັນບ້ານໃກ້ເຮືອນຄຽງທີ່ດີ ເພື່ອນມິດທີ່ດີ ສະຫາຍທີ່ດີ ແລະຄູ່ຮ່ວມມືທີ່ດີຕະຫຼອດກາລະນານ."
ໃນໂທລະເລກອວຍພອນ,ທ່ານເຈຍຊີ້ງລີນຍັງອວຍພອນສາທາລະນະລັດປະຊາທິປະໄຕປະຊາຊົນລາວຈົ່ງມີຄວາມວັດທະນາຖາວອນ,ປະຊາຊົນມີຄວາມຜ້າສຸກ.
