ລັດຖະບານໄທຕົກລົງບໍ່ແກ່ຍາວ"ມື້ພັກພິເສດຍ້ອນໄພນ້ຳຖ້ວມ"
(GMT+08:00) 2011-11-02 15:20:47 cri
ຕາມຂ່າວສານຊິນຮວາ: ວັນທີ1ພະຈິກນີ້, ທ່ານປລອດປະສົບ ສຸຣະສະຫວັດດີລັດຖະມົນຕີວ່າການກະຊວງວິທະຍາສາດເຕັກໂນໂລຊີ, ສະຖານະການຕ້ານຖ້ວມຢູ່ນະຄອນຫຼວງບາງກອກດີຂຶ້ນກວ່າເກົ່າພາຍຫຼັງລະດັບນ້ຳຢູ່ແມ່ນ້ຳເຈົ້າພະຍາຫຼຸດລົງ. ໃນມື້ດຽວກັນ, ລັດຖະບານໄທຕົກລົງບໍ່ແກ່ຍາວ"ມື້ພັກພິເສດຍ້ອນໄພນ້ຳຖ້ວມ"ອອກໄປອີກ.
ທ່ານປລອດປະສົບ ສຸຣະສະຫວັດດີກ່າວວ່າ, ສະຖານະການຕ້ານຖ້ວມຢູ່ນະຄອນຫຼວງບາງກອກດີຂຶ້ນກວ່າເກົ່າຫຼາຍຫຼັງຈາກລະດັບນ້ຳຢູ່ແມ່ນ້ຳເຈົ້າພະ ຍາໄດ້ເພີ່ມຂຶ້ນສູ່ລະດັບສູງທີ່ສຸດໃນວັນທີ31ຕຸລານີ້, ປະຈຸບັນນີ້, ລະດັບນ້ຳຢູ່ແມ່ນ້ຳໄດ້ຫຼຸດລົງ3ຫາ4ຊັງຕິແມັດ. ຖ້າວ່າລະດັບນ້ຳຫຼຸດລົງຕໍ່ໄປ, ຈະເປັນສັນຍານທີ່ດີສຳລັບປະຊາຊົນທີ່ດຳລົງຊີວິດຢູ່ແຄມຟັ່ງແມ່ນ້ຳ.
ທ່ານອານຸດິດ ນະຄອນທັບລັດຖະມົນຕີວ່າການກະຊວງຂໍ້ມູນຂ່າວສານແລະເຕັກໂນໂລຊີການສື່ສານໄທກ່າວໃນວັນທີ1ພະຈິກນີ້ວ່າ, ລັດຖະບານໄດ້ອະນຸມັດໃຫ້ຄະນະກຳມະການເສດຖະກິດແຫ່ງຊາດແລະການພັດທະນາສັງຄົມຍື່ນບົດລາຍງານການຟື້ນຟູຫຼັງຈາກໄພນ້ຳຖ້ວມໂດຍອີງໃສ່ຫຼັກຖານຄວາມເປັນຈິງ.
ກົມປ້ອງກັນແລະຫຼຸດຜ່ອນໄພພິບັດຂອງລັດຖະບານໄທແຈ້ງວ່າ, ມາຮອດວັນທີ31ຕຸລາແລ້ວນີ້, ໄພນ້ຳຖ້ວມທີ່ແກ່ຍາວມາເປັນເວລາ3ເດືອນມີຜົນກະທົບຕໍ່ພາກກາງແລະພາກຕາເວັນອອກສຽງເໜືອຂອງໄທເຊິ່ງກວມເອົາ26ຈັງຫວັດ7ແສນຄອບຄົວເຊິ່ງມີຈຳນວນປະຊາກອນເຖິງ2ລ້ານ1ແສນຄົນ, ເຮັດໃຫ້ມີຜູ້ເສຍຊີວິດ384ຄົນແລະຫາຍສາບສູນ2ຄົນ.
