ສະພາກາແດງຈີນໄດ້ໃຫ້ການຊ່ວຍເຫຼືອແກ່ຟີລິບປີນແລະປະເທດປະສົບໄພພິບັດ
(GMT+08:00) 2011-11-02 15:23:40 cri
ຕາມຂ່າວສານຊິນຮວາ: ສະພາກາແດງຈີນແຈ້ງຂ່າວຕໍ່ຕ່າງປະເທດວ່າ, ໄດ້ສະໜອງການຊ່ວຍເຫຼືອໃຫ້ແກ່ຫວຽດນາມ, ຟີລິບປີນ, ຕວກກີແລະປະເທດອື່ນໆທີ່ຖືກໄພພິບັດໃນມໍ່ໆມານີ້.
ໃນມໍ່ໆມານີ້, ປະເທດອາຊີອາຄະເນຈຳນວນໜຶ່ງໄດ້ເກີດໄພນ້ຳຖ້ວມທີ່ມີຄວາມຮຸນແຮງໃນລະດັບແຕກຕ່າງກັນ, ຕວກກີໄດ້ເກີດໄພແຜ່ນດິນໄຫວຂັ້ນ7,2ລິກເຕີ. ຂ່າວແຈ້ງວ່າ, ເພື່ອສະແດງຄວາມເອົາໃຈໃສ່ຕໍ່ປະເທດທີ່ປະສົບໄພດັ່ງກ່າວຂອງປະຊາຊົນຈີນ, ສະພາກາແດງຈີນໄດ້ໃຫ້ການຊ່ວຍເຫຼືອສຸກເສີນຈຳນວນ5ໝື່ນໂດລາແກ່ຕວກກີ, ໃຫ້ການຊ່ວຍເຫຼືອສຸກເສີນ3ໝື່ນໂດລາແກ່ຫວຽດນາມ, ຟີລິບປີນ, ເພື່ອຊ່ວຍເຫຼືອອົງການກາແດງແຫ່ງຊາດຂອງປະເທດດັ່ງກ່າວປະຕິບັດການຊ່ວຍເຫຼືອທາງດ້ານມະນຸດສະທຳ.
ຂ່າວແຈ້ງວ່າ, ສະພາກາແດງຈີນຈະຮັກສາການຕິດຕໍ່ພົວພັນຢ່າງສະໜິດແໜ້ນກັບສະພາກາແດງແລະສະພາຊີກວົງເດືອນໃໝ່ຂອງສະພາກາແດງໃນບັນດາປະເທດທີ່ໄດ້ປະສົບໄພພິບັດ, ເອົາໃຈໃສ່ໃນການພັດທະນາຂອງສະພາບໄພພິບັດແລະການດຳເນີນວຽກງານກູ້ໄພຂອງປະເທດດັ່ງກ່າວ.
