ຕາມຂ່າວ "ໜັງສືພິມປະຊາຊົນລາຍວັນ", ກອງປະຊຸມສໍາມະນາການຮ່ວມມືດ້ານສື່ມວນຊົນອາຊຽນແລະຈີນ, ຍີ່ປຸ່ນ,ສ. ເກົາຫລີ（10+3）ຄັ້ງທີ4ໄດ້ຈັດຂຶ້ນຢູ່ນະຄອນຈີນານແຂວງກວາງຕຸ້ງໃນວັນທີ8ເດືອນພະຈິກນີ້. ທ່ານອິມໂລນ ໂຄຕັນ, ເອກອັກຄະລັດຖະທູດອິນໂດເນເຊຍປະຈໍາຈີນໄດ້ກ່າວຄໍາປາໄສ, ໂດຍກ່າວເນັ້ນວ່າຄວນເພີ່ມທະວີໃນການຄຸ້ມຄອງຂໍ້ມູນຂ່າວສານໃຫ້ໄດ້ດີ.
ທ່ານກ່າວວ່າ, ເຕັກນິກໃໝ່ສາມາດເຮັດໃຫ້ປະຊາຊົນຮັບຮູ້ຂໍ້ມູນຂ່າວສານຫລາຍຂຶ້ນກວ່າເກົ່າ, ແລະໄວກວ່າເກົ່າ, ພ້ອມກັນນັ້ນຍັງສ້າງໂອກາດໃຫ້ຄົນທີ່ບໍ່ມີໂອກາດສະແດງຄໍາເຫັນມາກ່ອນໄດ້ມີໂອກາດປະກອບຄໍາເຫັນ. ແຕ່ວ່າ, ຖ້າບໍ່ສາມາດຄຸ້ມຄອງສື່ແບບໃໝ່ໄດ້ດີ, ກໍອາດຈະເກີດບັນຫາຕ່າງໆ. ທ່ານເຫັນວ່າ, ສື່ແບບໃໝ່ໄດ້ເສີມຂະຫຍາຍບົດບາດອັນສໍາຄັນກໃນການຕິດຕໍ່ພົວພັນກັບທົ່ວໂລກ, ສະນັ້ນຄວນເອົາໃຈໃສ່ຕໍ່ການພັດທະນາຂອງສື່ແບບໃໝ່, ພ້ອມກັນນັ້ນ, ຍັງຕ້ອງພະຍາຍາມບໍ່ໃຫ້ສື່ມວນໃໝ່ສົ່ງຜົນກະທົບແກ່ການພັດທະນາຂອງເສດຖະກິດໃນພາກພື້ນ.
