ທ່ານຈາມານ ບິນໂອມາ, ທູດພິເສດຂອງສະຫະປະຊາຊາດກ່ຽວກັບບັນຫາເຢແມນ, ທັງເປັນທີ່ປຶກສາດ້ານການເມືອງຂອງທ່ານບານກີມູນ, ເລຂາທິການໃຫຍ່ສະຫະປະຊາຊາດໄດ້ເດີນທາງຮອດນະຄອນຫລວງຊັນນາຂອງເຢແມນໃນວັນທີ10ພະຈິກນີ້, ເພື່ອປຶກສາຫາລືໃນການແກ້ໄຂວິກິດການຢູ່ເຢແມນ.
ທ່ານຈາມານ ບິນໂອມາຈະເຈລະຈາກັບເຈົ້າໜ້າທີ່ລັດຖະບານ,ພັກກໍາອໍານາດ,ແລະຝ່າຍຕໍ່ຕ້ານລັດຖະບານຂອງເຢແມນ, ເພື່ອຄົ້ນຄວ້າບາງແນວທາງໃນການແກ້ໄຂວິກິດການທາງການເມືອງຂອງເຢແມນ, ແລະຮຽກຮ້ອງໃຫ້ຝ່າຍຕ່າງໆລົງນາມໃນສັນຍາໄກ່ເກ່ຍທີ່ມີຈຸດປະສົງແກ້ໄຂວິກິການເຢແມນໂດຍໄວທີ່ສະເໜີໂດຍຄະນະກໍາມະການຮ່ວມມືປະເທດອາລັບອ່າວເປີເຊຍ.
ໃນມື້ດຽວກັນ, ຜູ້ປະທ້ວງລັດຖະບານເຢແມນຫລາຍໝື່ນຄົນໄດ້ເດີນຂະບວນປະທ້ວງຢູ່ນະຄອນຫລວງຊັນນາແລະແຂວງຕັນສ໌, ຜູ້ປະທ້ວງໄດ້ປະທະກັບກຸ່ມສະໜັບສະໜູນລັດຖະບານ, ເຮັດໃຫ້ມີຜູ້ເສຍຊີວິດຢ່າງໜ້ອຍ1ຄົນ, ແລະມີຜູ້ໄດ້ຮັບບາດເຈັບ8ຄົນ.