ມຽນມາຫວັງໃຫ້ຕ່າງປະເທດເຂົ້າລົງທຶນໃນການພັດທະນາພະລັງງານປ່ຽນເປັນໂຄງການຜະລິດ
(GMT+08:00) 2011-11-24 17:57:15 cri
ຕາມຂ່າວຈາກໜັງສືພິມລາຍສັບປະດາຂອງມຽນມາ: ທ່ານອູ ອ໋ວງ ນຽນໂອຮອງຫົວໜ້າກົມການລົງທຶນຂອງກະຊວງແຜນການແລະການພັດທະນາດ້ານເສດຖະກິດແຫ່ງຊາດມຽນມາກ່າວວ່າ, ນັບແຕ່ປີ2010ເປັນຕົ້ນມາ, ມີການລົງທຶນຈາກຕ່າງປະເທດເຂົ້າສູ່ມຽນມາຢ່າງຫຼວງຫຼາຍ, ແຕ່ວ່າ85%ແມ່ນລົງທຶນໃນໂຄງການພື້ນຖານກ່ຽວກັບການພັດທະນາພະລັງງານ. ລັດຖະບານມຽນມາຫວັງໃຫ້ການລົງທຶນຈາກຕ່າງປະເທດຢູ່ມຽນມາປ່ຽນໄປສູ່ຂົງເຂດອື່ນໆ. ລັດຖະບານຈະເພີ່ມທະວີວຽກງານການເລັ່ງລັດ, ຊຸກຍູ້ການລົງທຶນທີ່ເລັ່ງໃສ່ຂະແໜງການຜະລິດແລະການບໍລິການເປັນພື້ນຖານ.
ທ່ານອູ ອ໋ວງບຽນໂອກ່າວວ່າ, ເດືອນພຶດສະພາປີ2010ຜ່ານມາ, ການລົງທຶນໂດຍກົງຈາກຕ່າງປະເທດຢູ່ມຽນມາໄດ້ບັນລຸເຖິງ8ຕື້ໂດລາ, ເຊິ່ງໄດ້ສ້າງສະຖິຕິສູງສຸດດ້ານການລົງທຶນພາຍໃນເດືອນດຽວ, ແຕ່ວ່າໂຄງການການລົງທຶນລ້ວນແຕ່ເລັ່ງໃສ່ຂົງເຂດພະລັງງານໄຟຟ້ານ້ຳຕົກ, ບໍ່ແຮ່, ອາຍແກັສທຳມະຊາດແລະນ້ຳມັນເຊື້ອໄຟ, ເກືອບບໍ່ມີການລົງທຶນກ່ຽວກັບຂະແໜງການກະສິກຳ, ການກໍ່ສ້າງ, ການລ້ຽງສັດແລະຂະແໜງການຜະລິດອື່ນໆ. ນັບແຕ່ສົກງົບປະມານນີ້ເປັນຕົ້ນໄປ, ຄຽງຄູ່ກັບການປັບປຸງຂອງກົດໝາຍການລົງທຶນຈາກຕ່າງປະເທດ, ຈະມີການປ່ຽນແປງໃນຂົງເຂດການລົງທຶນ.
ປະຈຸບັນນີ້ໂຄງການການລົງທຶນຈາກຕ່າງປະເທດຢູ່ມຽນມາລວມມີ400ໂຄງການ, ມູນຄ່າການລົງ ທຶນທີ່ໄດ້ຮັບການອະນຸຍາດມັດແຕ່ປີ2011ໄດ້ບັນລຸ36ຕື້ໂດລາ.
