ລັດຖະມົນຕີວ່າການກະຊວງການຕ່າງປະເທດອາເມລິກາເດີນທາງຮອດມຽນມາເລີ່ມຢ້ຽມຢາມມຽນມາເປັນຄັ້ງປະຫວັດການ
(GMT+08:00) 2011-11-30 16:56:49 cri
ຕາມຂ່າວ《ເວບໄຊການອອກອາກາດພາສາຈີນທົ່ວໂລກ》ຂອງວິທະຍຸສຽງຂອງຈີນ: ວັນທີ30ພະຈິກນີ້, ນາງຮີນລາຣີ ຄຼິນຕັນລັດຖະມົນຕີວ່າການກະຊວງການຕ່າງປະເທດອາເມລິກາໄດ້ເດີນທາງໄປຢ້ຽມຢາມມຽນມາເປັນຄັ້ງປະຫວັດການຕໍ່.
ອີງຕາມແຜນການໄລຍະທາງ, ນັບແຕ່ວັນທີ30ພະຈິກນີ້ຫາວັນທີ2ທັນວາໜ້ານີ້ຕາມເວລາທ້ອງຖິ່ນມຽນມາ, ນາງຮີນລາຣີ ຄຼິນຕັນຈະຢ້ຽມຢາມນະຄອນຫຼວງເນປີດໍແລະນະຄອນຫຼວງເກົ່າຢາງກຸ້ງຂອງມຽນມາ. ໃນໄລຍະຢ້ຽມຢາມມຽນມານັ້ນນາງຮິນລາຣີ ຄຼິນຕັນຈະພົບປະກັບທ່ານອູເທນເຊນປະທານາທິບໍດີມຽນມາ, ແລະຍັງຈະພົບປະກັບຜູ້ນຳທ່ານອື່ນໆຂອງອົງການທີ່ບໍ່ຂຶ້ນລັດຖະບານແລະຊົນເຜົ່າສ່ວນໜ້ອຍຂອງມຽນມາ.
ທຳນຽບຂາວອາເມລິກາອອກຖະແຫຼງການວ່າ, ໃນໄລຍະຢ້ຽມຢາມນາງຮິນລາຣີ ຄຼິນຕັນຍັງຈະກ່າວເນັ້ນວ່າສະໜັບສະໜູນການປະຕິຮູບປະຊາທິປະໄຕທີໄດ້ດຳເນີນເປັນຫຼາຍເດືອນຢູ່ມຽນມາ, ປຶກສາຫາລືກ່ຽວກັບວິທີການລົງເລິກການປະຕິຮູບໃນຂົງເຂດສຳຄັນຢູ່ມຽນມາ, ແລະປັບປຸງຄວາມຄືບໜ້າໃນການພົວພັນລະຫວ່າງ2ຝ່າຍ. ຕໍ່ໜ້ານີ້, ອາເມລິກາຈະສືບຕໍ່ຕິດຕໍ່ພົວພັນແລະສົນທະນາໂດຍກົງກັບມຽນມາຢ່າງມີຫຼັກຖານ.
ການຢ້ຽມຢາມຄັ້ງນີ້ແມ່ນການຢ້ຽມຢາມຕໍ່ມຽນມາຂອງລັດຖະມົນຕີກະຊວງການຕ່າງປະເທດອາເມລິກາເປັນຄັ້ງທຳອິດໃນຮອບ50ປີຜ່ານມາ.
