ປະທານາທິບໍດີມຽນມາພົບປະກັບລັດຖະມົນຕີວ່າການກະຊວງການຕ່າງປະເທດອາເມລິກາ
(GMT+08:00) 2011-12-02 17:00:31 cri
ຕາມຂ່າວCRI: ວັນທີ1ທັນວານີ້, ທ່ານອູ ເທນ ເຊນປະທານາທິບໍດີມຽນມາໄດ້ຕ້ອນຮັບການເຂົ້າຢ້ຽມຄຳນັບຂອງທ່ານນາງຮີນລາຣີ ຄຣິນຕັນລັດຖະມົນຕີວ່າການກະຊວງການຕ່າງປະເທດອາເມລິກາທີ່ສຳນັກງານປະທານາທິບໍດີ. ໃນມື້ດຽວກັນ, ນາງຮີນລາຣີ ຄຣິນຕັນໄດ້ກ່າວໃນກອງປະຊຸມຂ່າວກ່ອນຈະເດີນທາງໄປເມືອງຢາງກຸ້ງຢູ່ນະຄອນຫຼວງເນປີດໍວ່າ: ທ່ານອູ ເທນ ເຊນໄດ້ແນະນຳການປະຕິຮູບແລະການປ່ຽນແປງໃນມຽນມາໃຫ້ນາງຊາບ. ນາງຮີນລາຣີສະແດງຕໍ່ມຽນມາວ່າ, ອາເມລິກາຍິນດີທີ່ມຽນມາເລີ່ມມີການປ່ຽນແປງ, ແລະຫວັງວ່າມຽນມາຈະສືບຕໍ່ປະຕິຮູບຕໍ່ໄປອີກ.
ໃນມື້ດຽວກັນ, ທ່ານອູ ຊະເວ ມານປະທານສະພາປະຊາຊົນຂອງລັດຖະສະພາສະຫະພັນມຽນມາ, ທ່ານອູ ກີນ ອ່ວງ ມີນປະທານສະພາຊົນເຜົ່າທັງເປັນປະທານລັດຖະສະພາສະຫະພັນແລະທ່ານອູ ວຸນ ມ້ອງວິນລັດຖະມົນຕີວ່າການກະຊວງການຕ່າງປະເທດໄດ້ພົບປະກັບນາງຮີນລາຣີ.
ຕາມການລາຍງານຂ່າວຈາກມຽນມາວ່າ, ທ່ານອູ ຊະເວ ມານກ່າວໃນເວລາພົບປະກັບນາງຮີນລາຣີວ່າ, ໃນໄລຍະຜ່ານມາການພົວພັນລະຫວ່າງມຽນມາກັບອາເມລິກາບໍ່ມີຄວາມໝັ້ນທ່ຽງມາໂດຍຕະຫຼອດ, ທ່ານເຊື່ອໝັ້ນວ່າປະຈຸບັນນີ້ແມ່ນເວລາທີ່ຈະເຮັດໃຫ້ການພົວພັນລະຫວ່າງສອງປະເທດໄດ້ຮັບການຟື້ນຟູເປັນປົກກະຕິ.
