ຈີນໄດ້ຮັບການຕີລາຄາຢ່າງຕັ້ງໜ້າຈາກຜູ້ແທນທີ່ເຂົ້າຮ່ວມກອງປະຊຸມກ່ຽວກັບການປ່ຽນແປງຂຂອງດິນຟ້າອາກາດເດີບານ
(GMT+08:00) 2011-12-08 18:55:20 cri
ຕາມຂ່າວCRI: ວັນທີ5ທັນວານີ້, ໃນກອງປະຊຸມຂ່າວຄັ້ງທຳອິດຂອງຄະນະຜູ້ຕາງໜ້າຈີນທີ່ເຂົ້າຮ່ວມກອງປະຊຸມສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາດທີ່ເດີບານ, ທ່ານເຊ້ຍເຈີນຮວາຫົວໜ້າຄະນະຕາງໜ້າຈາກຈີນກ່າວວ່າຈີນຍິນດີເຊັນສັນ ຍາການຫຫຼຸດການລະບາຍອາຍພິດເຮືອນແກ້ວຢ່າງຂະໜາດໃຫຍ່ຫຼັງປີ2020ໂດຍມີເງື່ອນໄຂ. ຖະແຫຼງການນີ້ໄດ້ຮັບຄວາມສົນໃຈໃນລະດັບສູງຈາກບັນ ດາຜູ້ແທນທີ່ເຂົ້າຮ່ວມປະຊຸມ, ປະເທດທີ່ກຳລັງພັດທະນາ, ເຈົ້າໜ້າທີ່ສະຫະປະຊາຊາດແລະອົງການທີ່ບໍ່ຂຶ້ນກັບລັດຖະບານຫຼາຍແລະອື່ນໆລ້ວນແຕ່ຕີລາຄາຢ່າງຕັ້ງໜ້າຕໍ່ຈີນ.
ທ່ານໂຕຊີ ມູປານູປະທານກຸ່ມປະເທດອາຟຼິກາທີ່ເຂົ້າຮ່ວມການເຈລະຈາດ້ານການປ່ຽນແປງ ຂອງດິນຟ້າອາກາດກ່າວວ່າ, ຈີນກຳລັງພິຈາລະນາເຖິງແຜນການຫຼຸດການລະບາຍອາຍພິດເຮືອນແກ້ວຢ່າງຂະໜາດໃຫຍ່, ເລັ່ງລັດຂະບວນການເຈລະຈາກ່ຽວກັບການປ່ຽນແປງຂອງດິນຟ້າອາກາດ, ພວກຂ້າພະເຈົ້າຊົມເຊີຍຕໍ່ເລື່ອງນີ້.
ນາງຄຼິສຕີນາ ຟີເກີເຣສເລຂາທິການບໍລິຫານງານຂອງ《ສົນທິສັນຍາຂອບການປ່ຽນແປງຂອງດິນຟ້າອາກາດສະຫະປະຊາຊາດ》ໄດ້ສະແດງຄວາມຊົມເຊີຍຕໍ່ ທ່າທີຫຼ້າສຸດຂອງຈີນ.
ທ່ານໄມເຕ ໂກອານາ ມາຊາບາເນລັດຖະມົນຕີວ່າການກະຊວງການພົວພັນສາກົນແລະການຮ່ວມມືອາຟຼິກາໃຕ້ເຊິ່ງເປັນປະທານຂອງກອງປະຊຸມຄັ້ງນີ້ກ່າວວ່າ, ຖະແຫຼງການຂອງຈີນໄດ້ຕອບຄຳຖາມກ່ຽວກັບຈະເລີ່ມປະຕິບັດຄຳໝັ້ນສັນຍາໄລຍະ 2ຂອງ <ສົນທິສັນຍາ>ກຽວໂຕແນວໃດ, ເຊິ່ງແມ່ນການເລີ່ມຕົ້ນດີແລະສ້າງຄວາມສະດວກໃຫ້ແກ່ການດຳເນີນການເຈລະຈາໃນໄລຍະຕໍ່ໄປ.
